*******
မိုးရာသီ...တကယ်တော့ ကျွန်မ မိုးရာသီကို မကြိုက်ပါ။ မိုးက လူရဲ့ စိတ်ကို လေးလံ၊ ထိုင်းမှိုင်း၊ ပျင်းရိစေတယ်။ ဒါက ကျွန်မ အမြင်ပေါ့နော်။ မိုးရွာနေရင် အပြင်ထွက်လို့လည်း မကောင်း၊ စိုစွတ်စွတ်နဲ့။ ဘယ်အချိန်ပဲဖြစ်ဖြစ် မိုးရေထဲ လမ်းလျှောက်ရတာကို ကျွန်မ တော်တော် စိတ်ပျက်ပါတယ်။ မိုးကို ကြိုက်တာဆိုလို့ ညဘက်အိပ်ခါနီးအချိန်တွေမှာ ရွာတဲ့မိုးပဲ ကြိုက်တယ်။ သွပ်မိုးပေါ်ကို တဖြောက်ဖြောက်ကျနေတဲ့ မိုးသံလေးနားထောင်ပြီး အိပ်ရတာလောက် ဇိမ်ရှိတဲ့အရာရှိပါ့မလား။ (ဒီနေရာမှာတော့ အုတ်ကြွပ်မိုးတွေက သိပ်မမိုက်ဘူး။) ဘာအလုပ်မှ လုပ်စရာမလို၊ ဘယ်နေရာမှာ သွားစရာမလိုတဲ့နေ့ မိုးရွာရင်တော့ တော်တော်သဘောကျပါတယ်။ မိုးရွာနေတာလေးကြည့်ပြီး ဘယ်ကိုမှန်းမသိ လွမ်းလို့လည်းရ၊ အိပ်ရာထဲမှာလည်း ချမ်းစိမ့်စိမ့်နဲ့ မိုးသံလေးနားထောင်ရင်း ကွေးလို့လည်းကောင်း။ တကယ့် နိဗ္ဗာန်ဘုံပါပဲ။ ဒါပေမဲ့ မနက် အလုပ်သွားဖို့ အိပ်ရာက ထရချိန်မှာ မိုးရွာရင်တော့ မိုးကို ကြည့်မရပါဘူး။
မိုးနဲ့ ပတ်သက်တဲ့ အမှတ်တရ ကျွန်မမှာ သိပ်မရှိဘူး။ မှတ်မိသလောက်ပြောရရင် ကျွန်မ ငယ်ငယ် လောပိတမှာနေတုန်းကတော့ လေကြီးမိုးကြီးကျနေတဲ့ မိုးတွင်းတွေကိုသာ ကြုံခဲ့ရတယ်။ မိုးတိတ်သွားရင် လမ်းမပေါ်မှာသစ်ပင်၊ သစ်ကိုင်းတွေကျိုးကျနေတဲ့မြင်ကွင်းကတော့ နှစ်စဉ်မြင်နေကျပါပဲ။ တခုသော မိုးရာသီမှာတော့ မိုးသီးကြွေတာကို တသက်လုံးမှာ အဲဒီတစ်ကြိမ်တော့ ကြုံခဲ့ဖူးတယ်။ အဲဒီနှစ်က မိုးတော်တော် သည်းသည်းထန်ထန်ရွာတဲ့နှစ်။ မိုးနဲ့အတူ လေပါရော တိုက်ခတ်လာတော့ တချို့အလုပ်သမားတွေရဲ့ အိမ်သာတွေ လွင့်၊ အိမ်ခေါင်မိုးတွေ လန်တဲ့နှစ်ပါပဲ။ မိုးသီးဘာကြောင့်ကြွေလဲ ကျွန်မ သိပ်မသိပါဘူး။ အဲဒီနေ့ကတော့ မိုးသီးကြွေတယ်လို့ ကျွန်မအစ်ကိုက ထအော်လေတော့ ကျွန်မတို့ တမိသားစုလုံး အိမ်ရှေ့ဆင်ဝင်အောက် ထွက်လာကြပြီး မိုးသီးကြွေတာကို ကြည့်ခဲ့ကြတယ်။ ကျွန်မတို့ အငယ် မောင်နှမ သုံးယောက်ကတော့ မိုးရေထဲထွက်ဆော့ခွင့်မရပေမဲ့ မကြီးနဲ့ ကိုကြီးကတော့ ခေါင်းပေါ်မှာ လင်ပန်းလေးတွေ ရွက်ပြီး ဟိုပြေး၊ ဒီပြေးလုပ်နေခဲ့ပါတယ်။ သူတို့ လင်ပန်းပေါ်က ဆီးစေ့အရွယ် မိုးသီးလေးကို စားဖူးတယ်ရှိအောင် ပါးစပ်ထဲ ထည့်ခဲ့ဖူးတယ်။ မိုးသီးဆိုတာ ရေခဲပါပဲ... အရည်ပျော်တာလည်း အရမ်းမြန်တယ်။ မိုးသီးကြွေတာနဲ့ ပတ်သက်လို့ ကျွန်မ မှတ်မိတာ ဒီလောက်ပါပဲ။ရယ်စရာအနေနဲ့ ကျွန်မမှတ်မိနေတဲ့ မိုးရွာတဲ့ နေ့တနေ့ရှိသေးတယ်။ ကျွန်မမောင်လေး ၄နှစ်သားအရွယ်က အိမ်ရှေ့ဆင်ဝင်အောက် အုတ်ခုံပေါ်မှာ မိုးရွာနေတာကို သူက ရပ်ကြည့်ရင်း တခြားကလေးတွေလို ခုန်ပေါက်သီချင်းဆိုနေတာ မဟုတ်ဘဲ ~~~မိုးလေးက တဖွဲဖွဲရွာနေတော့...~~~ ဆိုပြီး ပါးစပ်ထဲတွေ့ရာကို လွမ်းလွမ်းဆွေးဆွေး သီချင်းလုပ်ဆိုနေပါတယ်။ အဲဒီချိန်မှာပဲ """ဂျိန်း""" ဆိုတဲ့ မိုးခြိမ်းသံ အကျယ်ကြီးလည်း ကြားရော သူ့တကိုယ်လုံး တုန်တက်သွားပြီး အိမ်ထဲ ၀င်ပြေးလာတာပါ။ မိုးကိုကြည့်ပြီး ဖီလင်အပြည့်နဲ့ သီချင်းဆိုနေတဲ့ ကျွန်မ မောင်လေး ရုတ်ချည် ကြောက်လန့်တကြား ပြေးလာပုံကို အဲဒီတုန်းက ကျွန်မမှာ ရယ်လိုက်ရတာ အားရပါးရ။
တိုက်တိုက်ဆိုင်ဆိုင် မိုးရွာနေတဲ့ နေရာနဲ့ နေပူနေတဲ့ နေရာ အလယ်တည့်တည့်မှာ ကျွန်မရပ်နေခဲ့ဖူးတယ်။ မှော်ဘီ GTC မှာ ကျောင်းတက်ချိန်က ကျောင်းကနေ ကျောင်းကားဂိတ်ကို လျှောက်အလာ ကျောင်းဘက်မှာ မိုးမရွာဘဲ ကျောင်းနဲ့ နှစ်မှတ်တိုင်အကွာ ကားဂိတ်ဘက်မှာ မိုးဖွဲလေးရွာနေတာ။ အဲဒီလို မိုးရွာတဲ့ဘက်နဲ့ မရွာတဲ့ဘက်မှာ နေဖူးတယ်ရှိအောင် အလယ်တည့်တည့်မှာ ကျွန်မ သွားရပ်ခဲ့တယ်လေ။ ဒါပေမဲ့ ခဏပါပဲ...နောက်တော့ မိုးတိတ်သွားတယ်။ အဲဒီတုန်းက camera အလွယ်တကူမရှိလေတော့ ဓာတ်ပုံတောင် မရိုက်ထားခဲ့ရဘူး။ ခုထိတော့ အဲဒီလိုမျိုး တခါမှ ထပ်မကြုံဖြစ်ပါဘူး။မိုးရွာချိန် ပုံတော်ဖိနပ်စီးထားလို့ အရှက်ကွဲရတာလည်း များပြီ။ မြန်မာဖိနပ်တွေက နေရာတိုင်း ကျောက်ပြားအချောခင်းထားတဲ့ ဒီနိုင်ငံမှာ မိုးရွာနေရင် စီးလို့မကောင်းဘူး။ ဖိနပ်အောက်ခံကလည်း ချောနေလို့ဖြစ်မယ်။ ဒါပေသိ ကတ္တီပါ ပုံတော်ဖိနပ်တွေကြိုက်လေတော့ ခုချိန်ထိလည်း စီးတုန်းပါပဲ။ အဲဒီတော့ အရှက်ရတာတောင် နည်းသေးတယ်လို့ပဲ ကိုယ့်ကိုယ်ကို ပြောရမှာပဲ။ လွန်ခဲ့တဲ့ နှစ်နှစ်လောက်က ကျွန်မ ကျောင်းကအပြန် မိုးရွာတယ်။ မိုးရွာတာက ထူးဆန်းတဲ့ကိစ္စမဟုတ်ပေမဲ့ အဲဒီနေ့က ကျွန်မ ထီးမပါလာတာက ပြဿနာပါပဲ။ ကျွန်မက ထီးသယ်ဖို့ မမေ့တတ်၊ မပျင်းတတ်တဲ့လူထဲမှာ ထိပ်ဆုံးက ပါတယ်။ နေအပူဒဏ်ကို နည်းနည်းလေးမှ မခံနိုင်တဲ့အတွက် နေပူပူ၊ မိုးရွာရွာ ထီးအမြဲ သယ်လေ့ရှိတယ်။ အဲဒီနေ့ကတော့ ထီးလည်းမပါ၊ မိုးလည်းရွာ၊ ပုံတော်ဖိနပ်ကလည်း စီးထားသေး ကျွန်မ တော်တော်ဒုက္ခရောက်တဲ့နေ့ပါပဲ။ အမိုးအောက်က လမ်းလျှောက်တော့ ခြေတစ်လှမ်း လှမ်းရင် တခါ ချော်ပါတယ်။ ကျွန်မ လမ်းဆက်လျှောက်လို့ကို မရဘူး။ အမိုးအောက်မှာလည်း မိုးခိုနေတဲ့လူတွေ အများကြီး။ နံရံကိုကိုင်ပြီး တစ်လှမ်းချင်း လျှောက်တာတောင် လျှောက်မရတဲ့အထိ ဖိနပ်က ချောနေတယ်။ မတ်တပ်တောင် ကောင်းကောင်းရပ်မရတဲ့ အဖြစ်ဆိုတော့ နောက်ဆုံး ဒီတိုင်းရပ်နေလို့လည်း မဖြစ်ချေဘူးဆိုပြီး ဖိနပ်ကို လက်တစ်ဘက်ကကိုင်၊ လက်တစ်ဘက်က လွယ်အိတ်ကိုပိုက်လို့ ခြေဘလာနဲ့ နောက်လှည့်မကြည့်တမ်း ပြေးရတော့တယ်။ လူလည်း ရှက်လိုက်တာမှ ပူထူလို့။
နောက်တကြိမ်ကတော့ မကြာသေးဘူး။ အလုပ်နားက ဘဏ်တခုကို နေ့လည်စာစားချိန်မှာ သွားခဲ့တယ်။ အချိန်ကလည်း သိပ်မရတော့ မြန်မြန်လျှောက်ရချိန်၊ မိုးရွာနေလို့ ကျောက်ပြားကြမ်းခင်းတွေက ရေစိုနေချိန်၊ စီးထားတဲ့ဖိနပ်ကလည်း ပုံတော် မဟုတ်ပေမဲ့ ကတ္တီပါခုံမြင့်ဖိနပ်။ အဲဒီဖိနပ်လည်း မထူးပါဘူး... ပုံတော်ဖိနပ်ဆို "ရွှီး...ဘိုင်း" ဆိုပြီး တကိုယ်လုံး ချော်လဲမှာ ပေါ့လေ။ ဒီဖိနပ်ကျတော့ တကိုယ်လုံးတော့ မလဲဘူး... ခြေမလေးတခုပဲ ချော်၊ ချော်သွားတာ။ ပြောရင်သာ ခြေမလေး... အီစိမ့်နေအောင်ကို ခံလိုက်ရတယ်။ တကြိမ်မက သုံးကြိမ်တိတိ... ဒီလောက် သတိထားနေတဲ့ကြားက "ရွှီး"ဆို ဖိနပ်အောက်က ခုံမြင့်က အချော်၊ ခြေထောက်ကလည်း အထိန်း၊ အဲဒီမှာ ခြေမလေးကပဲ ခေါက်ခေါက်လဲပြီး လူမလဲအောင် တန်ဆာခံပေးရရှာတာ။ တနေ့ထဲနဲ့ သုံးကြိမ် ဒီခြေမပဲ ဆိုတော့ စဉ်းစားသာကြည့်ပါတော့။ လမ်းကို မလျှောက်ရဲသလောက်ကို ဖြစ်တော့တာပဲ။ အလုပ်ကိုလည်း ရောက်ချင်တဲ့ချိန်မှသာ ပြန်ရောက်ပါစေတော့ဆိုပြီး ကြမ်းပြင်ကိုမနင်းရဲ နင်းရဲနဲ့ ရေမရှိတဲ့ နေရာရွေးလျှောက်လို့ ပြန်လာခဲ့ရတယ်။ မသိစိတ်က ဘယ်လောက်တောင် ကြောက်သွားလဲတော့ မသိဘူး။ နောက်ရက်တွေ အဲဒီ ဘဏ်ရှိရာ အဆောက်အဦးကို ရောက်ပြီဆိုရင် ဘာဖိနပ်ပဲ စီးထား၊ စီးထား လူက လမ်းအမြန် လျှောက်လို့မရတော့ဘူး။ သူ့အလိုလို ဖြည်းဖြည်းချင်း လျှောက်နေတာ ဆင်မယဉ်သာ။
မိုးရာသီကို မကြိုက်တဲ့အချက်တွေထဲမှာ လျှပ်စီးလက်တာနဲ့ မိုးခြိမ်းတာကြောင့်လည်း တခုအပါအ၀င်ပေါ့။ ကျွန်မအစ်မနဲ့ ကျွန်မက မိုးခြိမ်းတာကို တော်တော်ကြောက်တယ်။ အိမ်ထဲမှာဆိုရင် ဒါမှမဟုတ် အမိုးအကာ လုံလုံခြုံခြုံနဲ့ဆိုရင် သိပ်မကြောက်တတ်ပေမဲ့ အပြင်မှာ လမ်းလျှောက်နေချိန်နဲ့ အမိုးအကာ သိပ်မလုံခြုံတဲ့နေရာတွေမှာဆို ဟန်မဆောင်နိုင်လောက်အောင် ကြောက်တယ်။ လျှပ်စီးလက်တာမြင်တာနဲ့ မျက်လုံးကိုမှိတ်၊ နားကိုပိတ်ထားတတ်တာ လူရှေ့မရှောင်၊ သူရှေ့မရှောင်အကျင့်တွေပါ။ တခါတခါ "အမယ်လေး" ဆိုပြီး လွှတ်ခနဲတောင် အော်တတ်ပါသေးတယ်။ အဲဒီလို ကြောက်တတ်တဲ့အကျင့်တွေကြောင့် အရှက်ရပေါင်းလည်း မနည်းပါဘူး။ လူတွေအများကြီးဘေးမှာရှိချိန် လန့်လည်း မအော်၊ မျက်လုံးလည်းမမှိတ်၊ နားလည်းမပိတ်မိအောင် ကိုယ့်ကိုယ်ကို ထိန်းလိုက်နိုင်သော်လည်း တဒိန်းဒိန်းနဲ့ နှလုံးအခုန်မြန်နေတာကိုတော့ ဘယ်လိုမှ တားမရ။ အဲဒီချိန်မှာ အဖြစ်ချင်ဆုံးဆန္ဒက အိမ်ကို အမြန်ပြန်ရောက်ချင်တာပါပဲ။ အဖေက လျှပ်စီးလက်တာမြင်တာနဲ့ မိုးကြိုးပစ်ပြီးသွားပြီလို့ ဘယ်လောက်ပင်ပြောပြော ကြောက်မြဲကြောက်လျက်ပါပဲ။ ကျွန်မစိတ်ထင် ကျွန်မက မိုးကြိုးပစ်မှာ ကြောက်တာမဟုတ်ပါဘူး။ လျှပ်စီးဝင်းကနဲ လက်သွားတာရော၊ အဲဒီလျှပ်စီးလက်ပြီး မကြာခင်ကြားရမဲ့ အသံနက်ကြီးကိုရော ကျွန်မကြောက်တာပါ။ ဘယ်လိုပဲဖြစ်ဖြစ်ပေါ့လေ ခုလို မိုးရွာတာ မကြိုက်တဲ့ကျွန်မ၊ လျှပ်စီးလက်၊ မိုးခြိမ်းတာကို ကြောက်တတ်တဲ့ ကျွန်မက ကမ္ဘာပေါ်မှာ မိုးအခြိမ်းဆုံး၊ မိုးကြိုးအပစ်ဆုံးနိုင်ငံ၊ မိုးမရွာတဲ့နေ့ နေပူ၊ နေမပူတဲ့နေ့ မိုးရွာတတ်တဲ့၊ ပြောရရင်တော့ တစ်နှစ်လုံးလိုလို မိုးရွာနေတတ်တဲ့ ဒီနိုင်ငံမှာ လာနေနေရတာကတော့... ... ...
မိုးအကြောင်းရေးတဲ့ ဒီနေ့မှာ ကတ္တီပါ ဖိနပ်အပါးကိုစီးထားလျက် မိုးလေးကလည်း တဖွဲဖွဲရွာနေပါရောလား။
*******
*******
ကျွန်မ ပြန်ရေးခိုင်းမယ့်လူတွေက
- ကိုကြီး ကလိုစေးထူး (သူ့ကို Tag ထားတဲ့လူတွေရှိပါတယ်။ ဒါပေမဲ့ သူက ခုထိ မရေးသေးတဲ့အတွက် ထပ် Tagပါတယ်...ယိစ်((( ရေးပေတော့ကွ...)
- ကိုမောင်ရင် (သူများတွေ Tag တာ မတွေ့မိသေးလို့ Tag လိုက်ပါတယ်။ ဒီလိုမျိုးတွေ ရေးရဲ့လားမသိ... အားရင်တော့ ရေးပေးပါရန်...:P)
- ကိုချစ်သူ
- မချစ်လေပြေ
- ညီမလေး ချိုကို
s0wha1
ဓာတ်ပုံ မူပိုင် --- ဂူဂယ်မှ ရှာဖွေတွေ့ရှိသော ဓာတ်ပုံကို အသုံးပြုထားခြင်းဖြစ်သည်။
4 comments:
မိုးနဲ့ ပတ်သက်ပြီး အမှတ်တရ သိပ်မရှိ လို့သာပဲ ... ရေးထားလိုက်တာ တပုံကြီး ...
အဲ .. စိတ်ကောက်မနေနဲ့ဦးနော် ... မမေရဲ့ ညီမလေးရေးတာက ချစ်စရာ ကောင်းပါတယ် ... အမှတ်တရ ရှိတဲ့ ဆောင်းရာသီဆို ပို့စ်တွေ အများကြီး ခွဲရေးပေါ့ ... ဟုတ်လား ...
ma so, if i am online from home, every blogger will not be in peace, cause i will left comment lol. at the moment i am like a monkey which has no branch to hang. No internet, just netting here and there, and some comment cant read too. i read about how you are scare of the thunder. haha..I am not dared to laugh again. ma may angried bec i laughed in her night post.hehee. i was laughing because i tried to be in her shoe and think about that nightmare she wrote about then looked up the sky .there is no night.only day light.so i laughed.hehhe
s0wha1: ကျွန်မ တက်ထားတဲ့ မချစ်လေပြေနဲ့ ကိုချစ်သူကတော့ မိုးအကြောင်းရေးပြီးပြီ။ ကိုမောင်ရင်ကလည်း ရေးမယ်လို့ ကတိပေးထားတယ်။ဒေါ်ချိုကိုနဲ့ ဦးကလိုစေးထူးတို့ပဲ ကျန်ပါတော့တယ်...
20 Jun 07, 14:23
မေဓာဝီ: ညီမလေးရေ ... ကျွန်မနဲ့မိုးရာသီမှာ ကွန်မန့် ရေးလို့မရလို့ ... ဒီမှာပဲ ရေးလိုက်တယ်နော် ... ညီမလေးရဲ့ မိုးရာသီဖွဲ့လေးက ချစ်ဖို့ကောင်းတယ်။ မိုးကို မကြိုက်တဲ့ ညီမလေး .. မိုးကိုချစ်တတ်ပါစေ လို့ ...
ကလိုစေးထူး: ဒီည မိုးအကြောင်း ပို့စ်တင်ပါမယ်။ အန်တီတက်..အဲ.. အန်တီဆိုးဝှက်စ် ရေ.. :P
20 Jun 07, 12:13
ချိုကို: ရေးပြီးပါပြီရှင့်
Post a Comment