ဇာတိမြေ သို့မဟုတ် အိမ်

မောင်လေး ပြည့်စုံ က ဒီခေါင်းစဉ်နဲ့ ပို့စ်တခု ရေးပေးဖို့ တက်ဂ်ထားတာ။ ဘာရေးရမှန်းတော့ မသိဘူး။ သူများ ရေးထားတာလေးတွေ လိုက်စနည်းနာပြီး ကိုယ်ရေးချင်တာ ရေးလိုက်တယ်။

ဇာတိမြေ ဒါမှမဟုတ် အိမ်ဆိုတော့ ဒီအကြောင်းရေးဖို့က ကျွန်မအတွက် တော်တော် ရှည်လျားထွေပြားတဲ့ အကြောင်းအရာတွေပဲ။ ဘာလို့လဲဆို ကျွန်မ ရေးစရာ အိမ် သုံးမျိုး ရှိနေလို့လေ။ ကျွန်မကတော့ ကျွန်မ နေထိုင်ခဲ့တဲ့ အိမ်တိုင်းကို ချစ်တယ်။ ဇာတိမြေ အကြောင်း ရေးမယ်ဆိုလည်း ကျွန်မ နှစ်မျိုး ရေးရမလို ဖြစ်နေပြီ။ ကျွန်မ မွေးဖွားခဲ့ရာ ဇာတိမြေကတော့ ရန်ကုန်မြို့၊ ဒါပေမဲ့ ကလေးဘ၀မှာ နေထိုင်ခဲ့ရတာက ကယားပြည်နယ်က လောပိတရွာလေးမှာ။ ဒီတော့ ကျွန်မက အဲဒီရွာလေးကိုလည်း ချစ်တယ်။ ကျွန်မရဲ့ နေရာဒေသ တခုအဖြစ် သတ်မှတ်ထားလို့။ ကယားလူမျိုးတွေကို ထိရင် မခံချင်သလို၊ ကျွန်မရဲ့ လောပိတရွာအကြောင်း ပြောပြရမယ်ဆိုရင်လည်း မမောနိုင်၊ မပန်းနိုင်အောင် ပြောပြချင်နေမိတတ်တယ်။

ကျွန်မတို့ မောင်နှမတွေဟာ (မကြီးမှ လွဲ၍ :P) အိမ်ကို တော်တော် ခင်တွယ်တတ်ကြပါတယ်။ အိမ်ပြင်ထွက်ဖို့ အရမ်းပျင်းတတ်ကြပြီး အိမ်ထဲမှာ နေရတာကိုပဲ သဘောကျ ကျေနပ်နေတတ်တယ်။ အဲဒါကြောင့် သူငယ်ချင်းတွေက အပြင်သွားဖို့ ခေါ်တိုင်း မလာဘူးလို့ ခဏခဏ ငြင်းရပါများတဲ့အခါ "အေး... လာခဲ့မယ်" ပြောပြီး မသွားတတ်တာ ကျွန်မ အကျင့်လို ဖြစ်နေပါပြီ။:D ဓာတ်ပုံရိုက်ချင်တော့မှ ညည်းညည်းညူညူနဲ့ တကူးတက အိမ်ပြင်ထွက်ဖြစ်ပါတော့တယ်။ ရုံးပိတ်ရက်တွေဆိုရင် ကိုယ်တစ်ယောက်ထဲ အိမ်မှာ ရှိရုံနဲ့ မကျေနပ်နိုင်ဘဲ အိမ်သားတွေကိုလည်း လူစုံတက်စုံ အိမ်ထဲမှာ ရှိနေစေချင်တတ်ပါတယ်။ ပြီးရင် မိသားစုတွေ တစုတစည်းထဲ နေကြ၊ စကားပြောကြလားဆိုတော့လည်း မဟုတ်ပြန်ပါဘူး။ ကိုယ့်နေရာလေးမှာကိုယ် လုပ်ချင်ရာ လုပ်နေကြတာပါပဲ။ ဒါပေမဲ့ ထမင်းစားချိန်မှာ အတူတူစား၊ တီဗွီလေး၊ ဇာတ်ကားလေး အတူတူကြည့် ဆိုတာမျိုးတော့ လုပ်ဖြစ်ပါတယ်။ အဲလိုချိန်ဆို ကျွန်မတို့ မောင်နှမတတွေဟာ ကုလားသိုက် ကျားဝင်ဆွဲသလို အဖေနဲ့ အမေကို ကိုယ်ပြောချင်တဲ့စကားတွေ အလုအယက် ၀ိုင်းပြောတတ်ကြပါတယ်။ စနေ၊ တနင်္ဂနွေနေ့မျိုးတွေကတော့ ကျွန်မတို့အိမ်မှာ ဘာစားလို့ စားရမှန်းမသိအောင် များပြားလှတဲ့ ဟင်းမျိုးစုံနဲ့ ပျော်ရွှင်စရာ နေ့ရက်တွေလည်း ဖြစ်သေးတယ်။ ဒါက ခုလက်ရှိ ကျွန်မတို့ အိမ်လေးပေါ့။

ပျော်ရွှင်ဖွယ်ကောင်းတဲ့ မိသားစုအိမ်လေး ပိုင်ဆိုင်ဖို့အတွက် အိမ်တစ်အိမ်မှာ စည်းလုံးညီညွတ်မှုနဲ့ တစ်ယောက်ကို တစ်ယောက် ချစ်ခင်၊ သည်းခံဖို့က မရှိမဖြစ်ပဲလို့ ထင်တယ်။ ပြောရရင်တော့ မေတ္တာတရားက အရေးကြီးဆုံးပေါ့။ ကိုယ့်မိသားစုအပေါ် ဖောက်လွဲဖောက်ပြန် မလုပ်တတ်တဲ့လူမျိုး ဖြစ်ဖုိ့လည်း လိုအပ်သေးတယ်။ အင်း... ဒါဆိုရင်တော့ ချစ်စရာကောင်းတဲ့ အိမ်လေးတစ်လုံး ရရှိဖို့ အလွန်ပဲ လွယ်ကူပါတယ်။


ကျွန်မရဲ့ ရန်ကုန်က အိမ်လေးကိုတော့ ခုနောက်ပိုင်း သိပ်မလွမ်းဆွတ်မိပေမဲ့ အမှတ်တရတွေတော့ရှိတယ်။ အဲဒီအိမ်လေးမှာ ကျွန်မတို့ မိသားစု စုံစုံညီညီ နေရတယ်ဆိုတာ သိပ်မရှိဘူး။ ကျွန်မ အဖေက ကျွန်မတို့အနားမှာ မရှိလို့လေ။ ဒါပေမဲ့ ခုစင်္ကာပူက အိမ်လို ညီအစ်မနှစ်ယောက်ပေါင်း တစ်ခန်း နေရတာမျိုးမဟုတ်ဘဲ တစ်ယောက်တစ်ခန်းစီ သီးသန့် နေရတဲ့ ရန်ကုန်က အိမ်လေးကို ကျွန်မ တမ်းတ သတိရမိ တတ်ပါတယ်။ ကျွန်မတို့အိမ်က ရိုးရိုး သာမန်ရပ်ကွက်ထဲမှာ ရှိတဲ့ နှစ်ထပ်ပဲလို့ ပြောရင်လည်း မမှန်၊ သုံးထပ်ပါလို့လည်း ပြောမရတဲ့ နှစ်ထပ်ခွဲ အိမ်လေးပါ။ ထပ်ခိုးမဟုတ်တဲ့ အိမ်ရဲ့တ၀က်ပဲရှိတဲ့ အဲဒီ အပေါ်ဆုံးထပ်လေးမှာ ကျွန်မနဲ့ ကျွန်မညီမတို့ အိပ်ခန်းရှိပါတယ်။ ထမင်းစားချိန်နဲ့ ရေချိုးချိန်ကလွဲလို့ တနေ့လုံး အဲဒီအခန်းလေးမှာ ကျွန်မ ရှိနေတတ်ပါတယ်။ သီချင်းအေးအေးလေးတွေ အမြဲဖွင့်ထားပြီး ကော်ဖီခွက်တစ်ခွက်နဲ့ စာအုပ် ထိုင်ဖတ်ရတာ ဘာနဲ့မှ မတူတဲ့ ချမ်းသာခြင်းတမျိုးလို့ ထင်မိပါတယ်။ မီးပျက်တဲ့ညတွေမှာ ကျွန်မ အခန်းရဲ့ ဘေးဘက်မှာ ထားတဲ့ မီးစက်သံကြောင့် စိတ်အနှောင့်အယှက် အနည်းငယ်ဖြစ်ရပေမယ့် ဖယောင်းတိုင်ကို ကျွန်မ မမြင်နိုင်တဲ့ ခုံအောက်နေရာမှာ ထွန်းထားပြီး စိတ်ကူးယဉ်ဆန်ဆန် နေရတာကတော့ တော်တော် ပျော်ဖို့ကောင်းပါတယ်။ အဲဒါကို ကျွန်မအမေက သစ်ရွက်လှုပ်တာတောင် ရယ်ချင်တဲ့အရွယ်လို့ ဆိုပါတယ်။ ကျွန်မကတော့ အဲလို မထင်ပေါင်။ ;))


ကယားပြည်နယ်က လောပိတအိမ်လေးကတော့ ကျွန်မတို့ ဘယ်လိုမှ မေ့မရနိုင်တဲ့ အိမ်လေးပေါ့။ ကိုယ်ပိုင်အိမ် မဟုတ်တဲ့ အစိုးရအိမ်လေးဆိုပေမယ့် ကိုယ့်အိမ်၊ ကိုယ့်ခြံလို သံယောဇဉ်ဖြစ်မိတယ်။ အတော်အတန်ကျယ်တဲ့ ခြံဝန်းထဲက တိုက်ဝါ၀ါလေးနဲ့ သီးပင်၊ စားပင် စုံစုံလင်လင်ရှိတဲ့ ခြံလေးဟာ ကျွန်မတို့ မောင်နှမတွေအတွက် အလွန်ပျော်စရာကောင်းတဲ့ ကစားကွင်းလည်း ဖြစ်ခဲ့တယ်။ ကျွန်မတို့ ခြံထဲ ၀င်ဝင်ချင်း ဩဇာပင်နဲ့ ပိန္နဲပင်က ဆီးကြိုလို့။ ပိန္နဲပင်က အသီးတွေက အိမ်မာလို့ ခေါ်ကြတဲ့ အသီးမျိုး။ ပြီးရင်တော့ မန်ကျည်းပင် ညီနောင် ရှိတယ်။ အဲဒီ မန်ကျည်းပင်ကတော့ ခါချဉ်အိမ်တွေ အလွန်ပေါပြီး ဆောင်းတွင်းဆို ပုရစ်တွေကို လိုက်ဖမ်းနေကျ နေရာ။ နောက်ပြီး ကျွန်မတို့ ဘုရင်အဖြစ် ကစားတဲ့အခါ သုံးနေကျ သရက်ရွက်တွေကို အိမ်နောက်နဲ့ အိမ်ရှေ့ဘက်မှာ သီးခြားစီပေါက်နေတဲ့ သရက်ပင် နှစ်ပင်က ဖန်တီးပေးတယ်။ ရွှေနီ ငှက်ပျောပင်တွေနဲ့ ဟင်းခတ် အမွှေးအကြိုင်ဖြစ်တဲ့ ပျဉ်းတော်သိမ်ပင်ကတော့ ခြံနောက်ဘက်ဖြစ်တဲ့ အိမ်ရှေ့မျက်နှာစာမှာ ရှိတယ်။ ပြီးတော့ ကျွန်မတို့ စစ်တိုက်တမ်း ကစားတဲ့အခါ ကျည်ဆံအဖြစ် သုံးနေကျ ပဲပင်တွေ။

အိမ်ဘေးဘက်မှာတော့ ငါးမွေးဖို့ ရည်ရွယ်ချက်နဲ့ တူးထားတဲ့ တွင်းက ငါးမမွေးဖြစ်ဘဲ ကန်စွန်းခင်းကြီး ဖြစ်သွားတယ်။ အဲဒီဘေးနားမှာ စင်ထိုးထားတဲ့ ဗူးပင်က အပြိုင်းအရိုင်း။ တောင်ဘက်ခြမ်း ခြံစည်းရိုးနားမှာတော့ အသီးသိပ်မသီးတဲ့ မာလကာပင် ရှိတယ်။ အဲဒီအပင်ပေါ်မှာ နွယ်တက်နေတဲ့ ကပ်ပါး ကင်းပုန်ပင်က ကင်းပုန်သီးနဲ့ ကင်းပုန်ညွန့်က အရမ်းစားကောင်းတာ။ အိမ်က မာလကာပင်က အသီးမသီးလို့ အိမ်ဘေးက ဆရာဝန်မ အိမ်မှာ ကျွန်မတို့မောင်နှမတွေ သွားခူးစားရတယ်။ သူတို့အိမ်မှာတော့ မာလကာပင် ၃၊ ၄ ပင်လောက် ရှိတဲ့အပြင်၊ ဆေးရုံက ၀န်ထမ်းတွေ လာစိုက်ပေးတဲ့ စတော်ဘယ်ရီပင်တွေလည်း ရှိသေးတယ်။


ကျွန်မတို့ ခြံထဲမှာ မွေးမြူရေးကြက်ခြံ သုံးခြံ နေရာမယူခင်က ရောင်စုံနှင်းဆီပန်းခင်းတချို့ ရှိခဲ့တယ်။ ပြီးတော့ ကျွန်မနဲ့ ကျွန်မညီမတို့ ကယားမလေးတွေအဖြစ် တောင်ယာစိုက်တမ်း ကစားရင်း စိုက်ပျိုးထားတဲ့ ပြောင်းဖူးပင်တွေနဲ့ ဖရုံပင်တွေလည်း ရှိခဲ့တယ်။ နောက်ပြီး အိမ်ဘေးဘက်မှာ ကပ်ပေါက်နေတဲ့ ဒန့်သလွန်ပင်နဲ့ ကင်ပွန်းချဉ်ရွက်ပင်တွေလည်း ရှိသေးတယ်။ ကျွန်မတို့ စိုက်ပျိုးထားတာက နည်းနည်း၊ သဘာဝအလျောက် ပေါက်နေတာနဲ့ အရင်လူတွေ စိုက်ထားခဲ့တာက ပိုများပါလိမ့်မယ်။ ဘာပဲဖြစ်ဖြစ် ကျွန်မတို့အိမ်လေးကတော့ အရမ်းအေးချမ်းတယ်။ အဲဒီအိမ်လေးမှာ ကျွန်မတို့ မိသားစု ဆယ်စုနှစ်တခုစာ နေထိုင်ခဲ့ဖူးတယ်။


ဆောင်းအကုန် နွေဦးအစ ညနေစောင်းတွေမှာ ဟိုဘက်တောင်တန်းပေါ်က သစ်ခြောက်ပင်တွေကစလို့ သက်ကယ်ပင်တွေအပါအ၀င် လောင်ကျွမ်းကာ လှပနေတဲ့ တောမီးတန်းကို ကြည့်ရင်း လက်ညှိုးတထိုးထိုးနဲ့ ခုန်ဆွ၊ ခုန်ဆွလုပ်ပြီး ဘာကြောင့်မှန်းမသိ အလွန် ပျော်နေတတ်ခဲ့ပါတယ်။ လေတိုက်ရင်း သဘာဝအလျောက် သစ်ပင်တွေ ပွတ်တိုက်ရာက ဖြစ်ပေါ်လာတဲ့ တောမီးဟာ လေငြိမ်ပြီး လောင်စရာအပင်တွေ ကုန်သွားမှ ငြိမ်းသွားတတ်တာမျိုးပါ။ တောင်တန်းကြီးတလျှောက် ပုံစံမျိုးစုံနဲ့ လှပနေတဲ့ တောမီးတန်းကြီးဟာ တမျိုးတဖုံ ကြည့်လို့ကောင်းပါတယ်။

တခု ၀မ်းနည်းစရာကောင်းတာက ခုချိန်ထိ (ကျွန်မ မွေးရပ် မဟုတ်သော်လည်း) ကျွန်မ ချစ်ခင်မြတ်နိုးတဲ့ လောပိတကို အလည်တခေါက်တောင် ပြန်မရောက်ဖြစ်သေးတာကိုပါ။ တနေ့နေ့ ကျရင်တော့ ကျွန်မ သံယောဇဉ်ရှိတဲ့ အဲဒီဒေသကို အလည်အပတ် ပြန်ရောက်ချင်ပါသေးတယ်။

*** ***** ***

ကျွန်မလိုပဲ ရေးချင်တာရေးကြဖို့ (:P) ပြန်တက်ဂ်ချင်တဲ့ သူများက
အန်တီခင်
အန်တီငြိမ်း
မလေပြေ (ခုလောလောဆယ် ဘလော့ဂ် ပိတ်ထား)
မင်းမင်း
လင်းလက်


ရွှင်လန်း ချမ်းမြေ့ကြပါစေ။

s0wha1

ဓာတ်ပုံ မူပိုင် --- ဂူဂယ်မှ ရှာဖွေတွေ့ရှိသော ဓာတ်ပုံကို အသုံးပြုထားခြင်းဖြစ်သည်။

ကျွန်မနေခဲ့ဖူးတဲ့ လောပိတ (၃)

ဒီလို ခရစ်စမတ်ချိန်မတိုင်မီ တန်ဆောင်တိုင်ကာလမှာ မီးရှူးမီးပန်းအကြီးကြီးတွေကို လွိုင်ကော်မြို့ပေါ်မှာ မြို့နယ်အလိုက်၊ ရပ်ကွက်အလိုက် အပြိုင်အဆိုင် လွှတ်တင်ပွဲတွေ လုပ်ကြပါတယ်။ အဲဒီမီးရှူးတိုင်ကြီးတွေကို လူ ၁၀ ယောက်မက မ ရပါတယ်။ တန်ဆောင်မုန်းလပြည့် ညနေစောင်းလောက်မှာ ကျွန်မတို့ လောဓလေးကနေ လွိုင်ကော်မြို့ပေါ်ကို ကားနဲ့တက်သွားပြီး မီးပန်းလွှတ်တာကို တပျော်တပါးကြီး ကြည့်ကြတာ နှစ်တိုင်းလိုလိုပါပဲ။ ကယားပြည်နယ်ရဲ့ တန်ဆောင်တိုင်ပွဲကတော့ တောင်ကြီးမီးပုံပျံလွှတ်ပွဲလောက် မကျော်ကြားပေမဲ့ သူ့နည်းသူ့ဟန်နဲ့တော့ ပျော်ဖို့ကောင်းပါတယ်။

ခရစ်စမတ်ချိန်ဆိုရင်တော့ ကျွန်မတို့ လောပိမှာ ခေါင်ရည်တွေနဲ့ နှစ်ပါးသွားနေကြပြီ။ လေးအိမ်စုလို့ခေါ်တဲ့ ကယားရွာလေးမှာ ဗုဒ္ဓဘာသာ ကယားလူမျိုးတွေနေကြပေမဲ့ ပဒေါင်းကုန်းဘက်မှာတော့ ကရင်လူမျိုး ခရစ်ယာန်တွေ အများစုနေကြတဲ့အတွက် အဲဒီဘက် တက်သွားလိုက်ရင် အိမ်တိုင်းလိုလိုက ခေါင်ရည်သောက်၊ ထမင်းစားဖို့ လှမ်းဖိတ်ခေါ်တော့တာပဲ။ ခေါင်ရည်ဆိုတာကလည်း အချို၊ အခါးရှိလေတော့ ကျွန်မတို့ ကလေးတွေက ခေါင်ရည်ချိုကို သောက်ကြတယ်။ အဲဒီဒေသက ခေါင်ရည်ကိုတော့ ဈေးကြီးပေးရတဲ့ ၀ိုင်တို့၊ ရှန်ပိန်တို့နဲ့ ကျွန်မက မလဲနိုင်ပါဘူး။ သူများတွေက ၀ိုင်ဖြူ၊ ၀ိုင်နီ၊ ရှန်ပိန်တွေ ဘယ်လောက်ကောင်းတယ် ပြောပြော ကျွန်မစိတ်ထဲတော့ ငယ်ငယ်က ကျွန်မတို့ သောက်နေကျ ခေါင်ရည်လိုပါပဲလို့ ထင်မိတယ်။ ပြီးတော့ ကျွန်မတို့ သောက်ခဲ့ဖူးတဲ့ ခေါင်ရည်က ပိုကောင်းတယ်လို့ ထင်ပါတယ်။ ညဘက်ဆိုရင်လည်း ခရစ်ယာန် ဘုရားကျောင်းမှာ ဗွီဒီယိုကို မိုးလင်းပေါက် အလကား ပြတယ်။ သခင်ယေရှူရဲ့ ဇာတ်လမ်းကြောင်းတွေကို အဓိကပြတာပေါ့။

ခရစ်စမတ်နေ့ မတိုင်ခင် နှစ်ပတ်လောက်အလိုလောက်မှာ ခရစ်ယာန်လူငယ်တွေက တအိမ်ဝင်၊ တအိမ်ထွက်နဲ့ ဂစ်တာတီး၊ သီချင်းဆိုကြတယ်။ သူတို့က ဘုရားသီချင်းတွေ၊ ဆုတောင်းနှုတ်ဆက်သီချင်းတွေ ဆိုကြ၊ အိမ်ရှင်တွေကလည်း မုန့်တွေချကျွေး၊ အလှူငွေတွေပေးနဲ့ တော်တော်ပျော်ဖို့ကောင်းပါတယ်။ နှစ်စဉ် သူတို့ ဆိုနေကျ သီချင်းတွေကို သူတို့နဲ့ ယောင်ဝါးဝါး လိုက်ဆိုတတ်ပေမဲ့ ခုတော့ မေ့ကုန်ပါပြီ။

အဲဒီကာလ ခရစ်ယာန်ဘုရားကျောင်းမှာဆို ကလေးတွေအတွက် မုန့်တွေ၊ လက်ဆောင်တွေ မဲနှိုက်ပြီး ပေးတတ်တာကိုလည်း မှတ်မိနေပါသေးတယ်။ ကျွန်မတို့ အငယ်မောင်နှမ သုံးယောက်ကလည်း ခရစ်ယာန်သူငယ်ချင်းတွေနဲ့အတူ ဘုရားကျောင်း သွားတက်တတ်လေတော့ အဲဒီလိုချိန်မှာလည်း သူငယ်ချင်းတွေနဲ့ လိုက်သွားတတ်ပါတယ်။ အဲဒီတုန်းကတော့ ကလေးဘာသာဘာဝ တော်တော်ပျော်စရာကောင်းတဲ့ ခရစ်ယာန်ဘာသာဝင်ဖြစ်ချင်ခဲ့တာကိုလည်း ပြန်တွေးပြီး ပြုံးချင်မိပါတယ်။ နဖူးကနေစပြီး ရင်ညွန့်၊ ပခုံးနှစ်ဘက်တို့ကို လက်ဖျားစုစုလေးနဲ့ထိရင်း ခမည်းတော်၊ သားတော်၊ သန့်ရှင်းတော်၊ ၀ိညာဉ်တော်၊ နာမတော်များနှင့် အာမင်လို့ ရွတ်ရတာကို အတော်ပဲ သဘောကျမိခဲ့တယ်။ နောက်မှ တိုက်ကုန်းက အကြီးတစ်ယောက်က အဲလို သူများဘုရားကျောင်းမှာ သွားရှိခိုးရင် သရဏံဂုံပျက်တတ်တယ်ဆိုပြီး ခြောက်လို့ ဘာမသိညာမသိနဲ့ နောက်ပိုင်း ဘုရားကျောင်းမသွားဘဲ နေလိုက်တာကိုလည်း သတိရမိတယ်။ အဲဒီတုန်းက ကျွန်မတို့မောင်နှမ အငယ်သုံးယောက်က ဘာသာရေးအသိ တော်တော်နည်းခဲ့တာကို ၀န်ခံရမယ်။ ငယ်ငယ်က ဩကာသဘုရားရှိခိုးကလွဲလို့ ဘာမှမရပါဘူး။ ၅ တန်း အရွယ်လောက်ကနေစပြီး တခြားဘုရားစာတွေ ကျက်၊ မှတ်၊ ဖတ်ရင်း တဖြည်းဖြည်း သိသိလာခဲ့တာပါ။ သံဗုဒ္ဓေဂါထာတော်ကို ကျွန်မ အလွတ် ရွတ်တတ်လာတတ်တဲ့ အကြောင်းကလည်း တော်တော်ရယ်ရပါတယ်။ လောဓလေးက ကျွန်မသူငယ်ချင်းတစ်ယောက်ရဲ့ ၃ နှစ်အရွယ် တူမလေးက သံဗုဒ္ဓေဂါထာကို ဒေါင်းဒေါင်းပြေးနေအောင် ရွတ်ပြတာကို ကြည့်ပြီးမှ ဒီအရွယ်လေးတောင် ဘုရားစာတွေ ရနေပါလားလို့ တွေးမိပြီး မနက်တိုင်း လိုက်ရွတ်ရာကနေ ရသွားတာလေ။

ဒီချိန်ဟာ ကျွန်မအလွန်နှစ်သက်တဲ့ ဆောင်းတွင်းဆိုတော့ တောင်ပေါ်ဒေသ ဆောင်းရာသီအတိုင်း တော်တော် အေးပါတယ်။ ညနေစောင်းလောက်ဆိုရင် အိမ်တံခါးတွေ အလုံပိတ်လို့ အိမ်ထဲမှာ လျှပ်စစ်မီးဖိုဖွင့်ပြီး နေရတာပါ။ အဲဒီချိန်ဆို အသားတွေကလည်း အရမ်းပက်ပါတယ်။ အသားပက်တယ်ဆိုတာ ရိုးရိုး ရန်ကုန်လို မြေပြန့်ဒေသမှာနေတဲ့လူတွေ မသိနိုင်တဲ့ အသားပက်ပုံမျိုးပက်တာပါ။ အသားတွေ ကွဲအက်ပြီး သွေးလေးတောင် စို့နေတတ်တာမျိုးပါ။ များသောအားဖြင့် ခြေခုံတွေမှာ အသားတွေ ပိုအက်ကွဲတတ်ပါတယ်။ ကျွန်မတို့ ကလေးတွေကတော့ ပိုဆိုးတာပေါ့။ အေးလွန်းလို့ ရေကလည်း မချိုးချင်၊ အသားတွေကလည်း အက်ကွဲ။ အဲဒီအသားပက်တဲ့နေရာကလည်း နာတော့ မထိရဲ။ ဒီတော့ အဲဒီနေရာလေးက ရေမထိ၊ ဘာမထိနဲ့ ချေး(ဂျီး)က လက်လေးသစ်လောက်တက်နေရော။ ဆောင်းတွင်းဆို အမေကလည်း မရှိ၊ အဖေကလည်း ကလေး ၅ ယောက်နဲ့ အလုပ်နဲ့ ချာလပတ်ရမ်းနေချိန်မှာ ကျွန်မတို့ ရေချိုး၊ မချိုးလည်း မကြည့်နိုင်နဲ့ဆိုတော့ နွေရာသီရောက်တော့မှ အဲဒီချေးတွေကို တွန်းရပါတော့တယ်။ :P

ကျွန်မတို့ဘက်မှာ နှင်းတွေကျ၊ ရေတွေခဲသွားလောက်အောင် မအေးပေမဲ့ အင်္ကျီတွေ အထပ်ထပ်ဝတ်ပြီးမှ အပြင်သွားရပါတယ်။ နေ့လယ်နေ့ခင်းဘက်တွေတော့ သိပ်မအေးတတ်ပါဘူး။ မနက်စောစောနဲ့ ညနေစောင်းလောက်မှ အပြင်မှာ မနေနိုင်လောက်အောင် အေးပါတယ်။ ကျွန်မတို့ကတော့ တိုက်အိမ်ဝါ၀ါလေးတွေမှာ နေရလို့ အိမ်ထဲမှာ သိပ်မအေးပေမဲ့ တဲသာသာအိမ်လေးတွေ၊ ခြေတံရှည် ပျဉ်ထောင်အိမ်လေးတွေမှာ နေရတဲ့ ဒေသခံ ရွာသားတွေကတော့ စောင်ကြမ်းကြီးတွေ ခြုံပြီး မီးလှုံနေရပါတယ်။ ပျဉ်ပြား ကြမ်းကြားထဲကနေ တိုးဝင်လာတဲ့ လေအေးကြီးတွေကလည်း အရိုးကွဲမတတ်အောင် အေးတတ်တယ်။

ဘာပဲပြောပြော ခုလိုဆောင်းရာသီမှာ တန်ဆောင်တိုင် မီးထွန်းပွဲတော်တွေအပြီး ခရစ်ယာန်ဘာသာဝင်တွေအတွက် နေ့ထူးနေ့မြတ်ဖြစ်တဲ့ သခင်ယေရှူမွေးနေ့ပွဲနဲ့အတူ အားလုံးက ပျော်ရွှင်နေကြရတာပါပဲ။ ဒီဇင်ဘာလကုန်လို့ ဇန်န၀ါရီလလယ်လောက်ဆိုရင်လည်း ကယားပြည်နယ်နေ့ (ကျွန်မတို့ အခေါ် ကယားဒေးနေ့) ဆို မြို့တော် လွိုင်ကော်မှာ ပျော်ပွဲရွှင်ပွဲတွေ ခြိမ့်ခြိမ့်သဲ ကျင်းပတတ်တော့ ပွဲလမ်းသဘင်နည်းပါးလှတဲ့ ဒေသမှာ အပျော်တွေ ရက်ဆက်နေတဲ့ အချိန်တွေပေါ့။


ရွှင်လန်း ချမ်းမြေ့ကြပါစေ။

s0wha1

ကျွန်မနေခဲ့ဖူးတဲ့ လောပိတ (၁)
ကျွန်မနေခဲ့ဖူးတဲ့ လောပိတ (၂)

ငယ်ဘ၀ အမှတ်တရ (၃)

မလေပြေ ရေးခိုင်းတဲ့ ငယ်ဘ၀အမှတ်တရဆိုတာ ငယ်ငယ်တုန်းက ကစားနည်းတွေအကြောင်း ရေးခိုင်းတာဖြစ်နေတယ်။ မအိမ့်ရဲ့ ဘလော့ဂ်က ပို့စ်ကို ဖတ်ပြီးမှ သိတာ။ ဒီတော့လည်း ငယ်ငယ်တုန်းက ကျွန်မတို့ ဘယ်လောက် ကဲကြောင်း ထပ်ရေးရသေးတာပေါ့။ :P

ငယ်ငယ်က ကျွန်မတို့နေခဲ့တဲ့ တိုက်ကုန်းမှာ ကျွန်မတို့အရွယ် ကလေးတွေကလည်း တပြုံကြီးရှိလေတော့ ကစားဖို့ အဖော်က မပူပင်ရဘူးလေ။ မောင်နှမအများဆုံးရှိတဲ့ ကျွန်မတို့အိမ်က ကလေးတွေ စုစည်းရာ ဆုံရပ်လည်း ဖြစ်နေတတ်တယ်။ ယောက်ျားလေး၊ မိန်းကလေး ဆတူရှိတဲ့ ကျွန်မတို့အုပ်စုမှာ ကစားနည်းမျိုးစုံကို ယောက်ျားလေးမှ ကစားလို့ရတာ၊ မိန်းကလေးမှ ကစားလို့ရတာရယ်လို့ မခွဲခြားဘဲ ကြုံသလို ကစားကြတယ်။ ဘောလုံးကန်ချင်တယ်ဆိုလည်း ၀ိုင်းကန်လိုက်ကြ၊ စစ်တိုက်တမ်း ကစားချင်တယ်ဆိုလည်း ၀ိုင်းစစ်တိုက်လိုက်ကြနဲ့ အငြင်းအခုန်ဖြစ်ရတယ် မရှိပါဘူး။

စစ်တိုက်တမ်း ကစားတယ်ဆိုရင် ခြံထဲမှာ အလေ့ကျပေါက်နေတဲ့ ပဲတောင့်တွေကို ခူးပြီး ပစ်ပေါက်တမ်းကစားကြတာပါ။ ပဲတောင့်ထိပ်လေးတွေက ချွန်နေတော့ ထိရင် နာပါတယ်။ အဲဒါကို ဂါဝန်ကို ဂပုန်စပုံစံလုပ်ပြီးထည့် ပြီးရင် ၁။နေရာယူ၊ ၂။အဆင်သင့်၊ ၃။ပစ်နိုင်ပြီ လို့ အော်ဟစ်ပြီး ပစ်ပေါက်ကစားကြတယ်။ တခါတလေလည်း သရက်ရွက်တွေ ခူးပြီး ဘုရင်လုပ်တမ်း ကစားကြတယ်။ သရက်ရွက်တွေကို တုတ်ချောင်းသေးသေးလေးတွေနဲ့ ဆက်ပြီး ဘုရင်အ၀တ်အစားပုံစံတွေ လုပ်ဝတ်ကြတာပေါ့။ ဈေးရောင်းဈေးဝယ်တမ်း ကစားရင် ကွမ်းယာရောင်းတဲ့ဆိုင်က အရောင်းရဆုံးပါပဲ။ ဘာလို့ဆို တကယ်စားလို့ရပြီး စားလို့လည်းကောင်းတာကိုး။ မာလကာရွက်နုနုလေးတွေကို ကွမ်းရွက်လို့ သဘောထားပြီး အဲဒီပေါ်မှာ စားလို့ရတဲ့ အသီးစိမ်းပြားပြားလေးတွေထည့် (နာမည်ဘယ်လို ခေါ်လည်းတော့ ကျွန်မ မမှတ်မိတော့ပါဘူး) ပြီး စားကြတယ်။ အဲဒီ ကျွန်မတို့ ကစားတဲ့ ကွမ်းယာလေးဟာ ချဉ်ချို အရသာလေးနဲ့ တော်တော် စားကောင်းပါတယ်။ တခါတလေ စိတ်လိုလက်ရ ရှိရင် လူပျိုပေါက်အရွယ် အစ်ကိုက ကျွန်မတို့ ညီအစ်မတွေ ကစားဖို့အတွက် ငှက်ပျောရွက်တွေ၊ ၀ါးခြမ်းပြားတွေနဲ့ တဲလေးဆောက်ပေးတတ်သေးတယ်။

ဆောင်းရာသီ ပုရစ်တွေ ပေါ်ချိန်ဆိုရင်တော့ ပုရစ်ဖမ်းတိုင်း ကစားကြတယ်။ ပိန္နဲသီးစေးအဖြူရောင်ကို ၀ါးချောင်းပြား ဒါမှမဟုတ် တုတ်ချောင်းထိပ်မှာ သုတ်ပြီး ပုရစ်ကောင်တွေကို လိုက်တို့ပြီး ဖမ်းတာပါ။ ပိန္နဲစေးက ကပ်တော့ အကောင်လေးတွေက မလှုပ်နိုင်ဘဲ တုတ်မှာ ကပ်ပါလာကြတယ်။ အဲဒီအကောင်လေးတွေကို မီးဖုတ်ပြီး စားကြတာပေါ့။ (ကျွန်မတို့ဘက်မှာ ရန်ကုန်မှာလို ပုရစ်ကြော်ရောင်းတဲ့လူမရှိတော့ ၀ယ်စားလို့မှမရဘဲ။) ကျွန်မကတော့ အဲဒီမှာတုန်းက တစ်ကောင်ပဲ ယူစားဖူးတယ်။ ဖမ်းတဲ့ထဲလည်း မပါပါဘူး။ ယောက်ျားလေး သူငယ်ချင်းတွေ ဖမ်းနေတာကို လိုက်ကြည့်ယုံပါပဲ။ အဲဒီတုန်းက ကျွန်မနဲ့ ကစားနေကျ အပေါင်းအဖော်သူငယ်ချင်းတွေက ကျွန်မ ညီမလေး၊ မောင်လေး အပါအ၀င် တင်ဇာနွယ်နဲ့ ဇင်မာမြင့်ဆိုတဲ့ ကောင်မလေးနှစ်ယောက်နဲ့ သူသူဆိုတဲ့ ဆရာဝန်မသမီးတို့ပေါ့။ ပြီးရင် တူးငယ်လို့ခေါ်တဲ့ အင်ဂျင်နီယာ တစ်ယောက်ရဲ့သား ပြီးရင် ကိုဇ၀ါးနီလို့ခေါ်တဲ့ ကရင်လူမျိုး စက်ရုံအလုပ်သမားတစ်ယောက်ရဲ့ သားတို့ကတော့ ကျွန်မ အခင်မင်ရဆုံး သူငယ်ချင်းတွေပါပဲ။ ဒါကတော့ ကျောင်းပိတ်ရက်နဲ့ ကျောင်းဆင်းပြီးလို့ အားလပ်ချိန်တွေမှာ ကစားနေကျ တိုက်ကုန်းက သူငယ်ချင်းတွေပေါ့။ ကျောင်းမှာဆိုရင်တော့ သူတို့တွေနဲ့ မကစားဘဲ ကျွန်မ အခန်းထဲက သူငယ်ချင်းတွေဖြစ်တဲ့ မိုးကလျာအိ၊ တင်တင်ဌေး၊ မြမြ၀င်း၊ သန္တာလင်းတို့နဲ့ပဲ ကစားလေ့ရှိတယ်။ သူတို့ကတော့ ကျွန်မနဲ့ ကျောင်းတက်ချိန်မှာပဲ တွဲဖြစ်တဲ့ သူငယ်ချင်းတွေ။

ငယ်ငယ်တုန်းက ကျန်းမာရေး ချူချာတဲ့ ကျွန်မက သူများတွေလို ခုန်ပေါက်ပြေးလွှားပြီး သိပ်မကစားနိုင်ဘူး။ သရေကွင်းတွေနဲ့ဆက်ထားတဲ့ သရေပင်ကြိုးလည်း မခုန်တတ်၊ ကြက်တောင်လည်း မရိုက်တတ်၊ ဘော်လီဘောလည်း မပုတ်တတ်တဲ့ ကျွန်မက သူတို့တွေ အဲလို ကစားကြရင် ဘေးနားကနေ ငုတ်တုတ်ထိုင်ကြည့်နေရတတ်တာပါပဲ။ စိန်ပြေးတမ်းကစားရင်လည်း ကျွန်မကို အရင် မိတတ်လေ့ရှိတယ်။ သစ်ပင်ပေါ်တွေ ဘာတွေလည်း မတက်တတ်ဘူး။ အမြင့် အရမ်းကြောက်သလို၊ အသားနာမှာလည်း အရမ်းကြောက်တတ်တဲ့ ကျွန်မ စက်ဘီး မစီးတတ်တာလည်း မထူးဆန်းပါဘူး။ ကြိုးမခုန်တတ်ပေမဲ့ တန်းမြင်ကျတော့ ခုန်တတ်တယ်။ ကျွန်မ အကြွမ်းဆုံး ကစားနည်းကတော့ ထုပ်စီးတိုးတာလေ။ ၉တန်းအရွယ်ထိတောင် လမ်းထဲက လွတ်လပ်ရေးနေ့ ပြိုင်ပွဲတွေမှာ ၀င်ပြိုင်ကစားလေ့ရှိတယ်။ ကျွန်မညီမကတော့ ကစားနည်းမျိုးစုံ ကစားတတ်တယ်။ သူကစားနေရင် ဘေးကနေ သဘောတွေကျပြီး အားပေးနေတတ်ပြီး ကိုယ်တိုင်တော့ ဘာမှ ဖြစ်ဖြစ်မြောက်မြောက် ၀င်မကစားဘဲ စာထိုင်ဖတ်နေတတ်တယ်။

ကျွန်မ ၂ တန်းနှစ် ကျောင်းပိတ်ရက်မှာ အမေက ကျွန်မနဲ့ ကျွန်မအစ်ကိုကို ရန်ကုန် အလည်ခေါ်သွားတယ်။ တလက်စထဲ ဧရာဝတီတိုင်းဘက်က အမျိုးတွေရှိတဲ့တောဘက်တွေပါ ရောက်သွားတယ်။ အဲဒီမှာ အဘကြီး တစ်ယောက်က ကျွန်မတို့မောင်နှမကို ရွှံ့နဲ့ အရုပ်မျိုးစုံလုပ်ပေးတာ ကြည့်ရင်း ကျွန်မတို့မှာ သဘောတွေကျလို့ပေါ့။ လက်ရာတွေကလည်း တကယ်မြောက်တာလေ။ ကျွန်မတို့လည်း အဲဒါလေးတွေကို တောင်ပေါ်ဒေသထိ တကူးတက သယ်လာကြတယ်။ ဒါပေမဲ့ နီးနီးနားနား ခရီးလည်း မဟုတ်ပြန်တော့ လမ်းမှာတင် ကျိုးကြေကုန်ရော။ ဒါနဲ့ လောပိတ ပြန်ရောက်တော့ ကျွန်မအစ်ကိုက ရွှံ့ရုပ်လေးတွေ မမြင်ဖူးတဲ့ ကျွန်မညီမနဲ့ မောင်လေးအတွက် တောင်ပေါ်မြေနီတွေကို ရေနဲ့ဖျော်၊ ရွှံ့ဖြစ်အောင်လုပ်ပြီး အရုပ်လေးတွေ လုပ်တယ်။ ရွှံ့ရုပ်လေးတွေပြီးလို့ အိမ်ခေါင်မိုးပေါ်တက်လှမ်းတဲ့ချိန်မှာ ကျွန်မတို့ ညီအစ်မကလည်း လိုက်လည်းကြည့်ချင်၊ အမိုးပေါ်ကလည်း မတက်တတ်ပြန်ဆိုတော့ အောက်ကနေ တမော့မော့နဲ့ပေါ့။ ဒီတော့ ကျွန်မအစ်ကိုလည်း သူ့ညီမတွေအတွက် အပေါ်ကို ဘယ်လို ခေါ်ရပါ့မလဲလို့ အကြံထုတ်တယ်။ နောက်ဆုံး အစ်ကိုက တောင်းတစ်လုံးမှာ ကြိုးကိုချည်ပြီး ကျွန်မထက် သတ္တိကောင်းတဲ့ ညီမလေးကို အရင် ၀င်ထိုင်ခိုင်းပြီး အပေါ်ကနေ ကြိုးကို ဆွဲတင်တယ်။ ကျွန်မကလည်း အောက်ကနေ မ ပေးတာပေါ့။ ကျွန်မအလှည့်ကျတော့ ခေါင်မိုးပေါ်ကနေ သူတို့မောင်နှမ နှစ်ယောက်က ဆွဲတင်ကြတယ်။ ဒီလိုနဲ့ အမြင့်တခါမှ မတက်ဖူးတဲ့ ကျွန်မလည်း ခေါင်မိုးပေါ်ကို အောင်အောင်မြင်မြင် ရောက်ဖူးသွားတော့တယ်။ အဲဒီတုန်းက အောက်ဘက်ကမြေပြင်ပေါ်မှာ ပုလင်းကွဲတွေအများကြီးရှိနေတာမြင်ရက် အစ်ကိုက ကြိုးနဲ့ဆွဲတင်တာကို အကြောက်အရွံ့မရှိ ၀မ်းသာအားရ တက်လိုက်မိတာ ပြန်တွေးမိရင် ကံကောင်းလို့ ဘာမှ မဖြစ်တယ်လို့ ဘုရားတ မိတယ်။ ဘာပဲပြောပြော မောင်နှမတတွေ ခေါင်းမိုးပေါ်မှာ ရွှံ့ရုပ်တွေကို တပျော်တပါးကြီး လှမ်းကြတာကတော့ အမြဲတမ်းအမှတ်တရ ဖြစ်နေတယ်။


ရွှင်လန်း ချမ်းမြေ့ကြပါစေ။

s0wha1

ငယ်ဘ၀ အမှတ်တရ (၁)
ငယ်ဘ၀ အမှတ်တရ (၂)

ငယ်ဘ၀ အမှတ်တရ (၂)

မချစ်လေပြေက ငယ်ငယ်တုန်းက အမှတ်တရအကြောင်းတွေ ရေးပေးဖို့ တက်ဂ်လုပ်ထားတာ အောက်တိုဘာလ ၃၀ ရက်နေ့ထဲကပါပဲ။ ဒါပေမဲ့ ကျွန်မက အပျင်းကလည်းထူနေ၊ စာရေးချင်စိတ်ကလည်း မရှိဆိုတော့ ရေးမယ်၊ ရေးမယ်နဲ့ ခုမှ ရေးဖြစ်ပါတော့တယ်။ ကျွန်မ ငယ်ငယ်တုန်းက အမှတ်တရတွေ ရေးမယ်ဆိုရင်တော့ အပိုင်း ၁၊ ၂ ခွဲပြီး ရေးရမယ်ထင်တယ်။ လွန်ခဲ့တဲ့ ၅ လလောက်က ငယ်ဘ၀အမှတ်တရ ဆိုပြီး ပို့စ်တစ်ပုဒ် ရေးခဲ့ဖူးလို့ ဒါကို ၂ လို့ သတ်မှတ်လိုက်ပါတယ်။

ကျွန်မ ငယ်ဘ၀အချိန်တွေကို ကယားပြည်နယ်က လောဓလေး ဆိုတဲ့ ရွာတစ်ရွာမှာ ဖြတ်သန်းခဲ့ရတယ်ဆိုတာ ကျွန်မဘလော့ဂ်ကို ဖတ်နေကျလူတွေ၊ ကျွန်မသူငယ်ချင်း မိတ်ဆွေတွေကတော့ သိကြမှာပါ။ အဲဒီတောရွာလေးမှာ နေထိုင်ရတာကို ကျွန်မတို့ကတော့ ကလေးပီပီ ပျော်ရွှင်ခဲ့ကြပါတယ်။ ရန်ကုန်ဆိုတဲ့မြို့ကြီးမှာ မွေးဖွားခဲ့ပေမဲ့ လောပိတမှာ နေခဲ့တဲ့ ၁၀ နှစ်အတွင်းမှာ တခါလောက်ပဲ အလည်ရောက်ဖူးလေတော့ ကိုယ့်မြို့ ကိုယ့်ရွာရယ်လို့လည်း အဲဒီတုန်းက မခံစားမိပါဘူး။ ကယားပြည်နယ်၊ လောဓလေးရွာသည်သာ ကျွန်မတို့ အရပ်ဒေသလို့ ထင်မြင်ခဲ့တယ်။ အဲဒီမှာ နေခဲ့တဲ့ တောက်လျှောက် ကျွန်မတို့ မောင်နှမတတွေကတော့ အမှတ်တရများစွာနဲ့ တောပျော်လေးတွေ ဖြစ်ခဲ့ကြတာပေါ့။

သီတင်းကျွတ် လပြည့်နေ့ညဆိုရင် ကျွန်မတို့နေတဲ့ လောဓလေးနဲ့ ၂ မိုင်ကျော်ဝေးတဲ့ ၁၀မိုင်ကုန်းမှာ ရှိတဲ့ အိမ်တိုင်းက လာသမျှလူတွေကို (ပဲဆီစစ်စစ်နဲ့ကြော်ထားတဲ့) မုန့်လက်ကောက်ကြော်၊ မုန့်ဆီကြော်၊ ပဲကပ်ကြော်၊ ဗူးသီးကြော်ကစလို့ အကြော်မျိုးစုံကို အချဉ်ရည်ကောင်းကောင်းလေးနဲ့ တည်ခင်းဧည့်ခံ အလှူဒါနပြုတတ်ကြပါတယ်။ အကြော်တွေက တော်တော်ကို မျိုးစုံတာပါ။ ကျွန်မတို့ တိုက်ကုန်းက ကလေးတသိုက်ကတော့ အဲဒီအချိန်ကိုပဲ စောင့်နေကြတာပေါ့။ ညနေစောင်း ၆ နာရီလောက်ဆိုရင် ဦးဆောင်သူ လူကြီး အချို့နဲ့ ကျွန်မတို့ ကလေးတတွေ ကားနဲ့အပြည့်သွားပြီး ၁၀မိုင်ကုန်းက စက်ရုံအလုပ်သမား ၀န်ထမ်းတွေရှိရာ သွားကြတော့တယ်။ ရောက်တာနဲ့ အိမ်တွေကလည်း အလုအယက် ခေါ်ကြပါတယ်။ ပြီးရင်တော့ ကျွန်မတို့တွေ တအိမ်တက်ဆင်း အကြော်မျိုးစုံ စားကြပါတော့တယ်။ နှစ်စဉ်နှစ်တိုင်း ထိပ်ဆုံးကအိမ်ကို ၀င်ဝင်ချင်းမှာ လူကြီးတွေ ပြောတတ်တာကတော့ ပထမဆုံးအိမ်မှာ များများ မစားမိဖို့ပါ။ နောက်အိမ်တွေကျ မစားနိုင်တော့မှာစိုးလို့ပါတဲ့။ ကျွန်မတို့ကို ဘယ်လိုပဲ မှာထား၊ မှာထား၊ ပထမဆုံး သုံး၊ လေးအိမ်လောက်မှာတင် အားရပါးရ စားကြတာနဲ့ နောက်ပိုင်းအိမ်တွေကျ မစားနိုင်တော့ပါဘူး။ ဒါပေမဲ့ လူကြီးတွေအနေနဲ့ အားလုံးက ကိုယ့်လက်အောက်က ၀န်ထမ်းတွေ ဖြစ်နေလေတော့ အိမ်တိုင်းစေ့အောင် ၀င်လည်ကြရပါတယ်။ ဒီလိုနဲ့ တစ်အိမ်တက်လိုက်၊ နည်းနည်းပါးပါး စကားစမြည်ပြောလိုက်၊ ဟိုဘက်မှာ စားခဲ့ကြတဲ့အိမ်တွေမှာ မပါတဲ့ အကြော်တွေတွေ့ရင် နည်းနည်းလောက် ကောက်ယူစားလိုက်၊ နောက်တစ်အိမ် ပြောင်းလိုက်နဲ့ ၂ နာရီ လောက် အချိန်ကုန်ပြီးချိန်မှာ ကျွန်မတို့ တပျော်တပါးကြီး ပြန်လာကြပါတော့တယ်။ ဒါကတော့ လောပိတမှာနေစဉ် နှစ်တိုင်း သီတင်းကျွတ်လပြည့်ညကို ဖြတ်သန်းခဲ့ကြပုံပါ။

တခုသော သီတင်းကျွတ်လပြည့်ညမှာတော့ ၁၀မိုင်ကုန်းကနေ စားသောက်ပြီးအပြန်လမ်းမှာ ကျွန်မတို့ကို ဦးဆောင်သူ အလွန်ကပ်စေးနဲပြီး(:P) လူပျိုကြီး မဖြစ်တဖြစ်အရွယ် (အခုတော့ လူပျိုကြီး) *ဦးအင်ဂျင်နီယာတစ်ယောက်က ကျွန်မတို့ ကလေးတွေကို ပြောပါတယ်။ "နင်တို့ တိုက်ကုန်းမှာ တအိမ်တက်ဆင်း လိုက်ကန်တော့ပါလား"တဲ့။ "ပြီးရင် မုန့်ဖိုးတောင်း"တဲ့။ သူ့ရဲ့ ကောင်းမြတ်လှတဲ့ အကြံဥာဏ်ကို ကြားရချိန်မှာ ကျွန်မတို့တတွေလည်း ၀မ်းသာအားရ ထောက်ခံကြတယ်။ အရင်ဆုံး ဈေးဦးပေါက်အနေနဲ့ အကြံပေးတဲ့သူကို စကန်တော့မယ်ဆိုပြီး ကျွန်မတို့ ကန်တော့ကြတော့ သူ့မှာလည်း သူ့စကားနဲ့သူ ကျွန်မတို့အုပ်စုကို ပိုက်ဆံ ၁၅ကျပ် ထုတ်ပေးလိုက်ရပါတယ်။ (အဲဒီတုန်းက မုန့်ဖိုး တနေ့ ၁ ကျပ်ပဲရတာပါ။) ကျွန်မတို့လည်း ဝေး ကနဲ ထအော်ကြပြီး တိုက်ကုန်းက အိမ်တွေကို တအိမ်တက်ဆင်း လိုက်ကန်တော့ပါတော့တယ်။ ပထမဦးဆုံး ထိပ်ပိုင်းမှာ ရှိတဲ့ ကျွန်မတို့အိမ်ကို အရင်ဝင်ပါတယ်။ အဖေနဲ့ အမေကို ကျွန်မတို့ ကလေး တသိုက် ထိုင်ကန်တော့ကြပြီး မုန့်ဖိုးတောင်းတယ်။ ဘယ်သူက အကြံဥာဏ်ပေးလိုက်တာဖြစ်ပြီး မုန့်ဖိုး ဘယ်လောက်ပေးလိုက်ကြောင်း ပြန်ရှင်းပြရသေးတာပေါ့။

ကျွန်မတို့တိုက်ကုန်းက ကလေးအရေအတွက်ကို ပြောပြရမယ်ဆိုရင် ကျွန်မတို့အိမ်ကတော့ မောင်နှမ ၅ ယောက်ဆိုတော့ ၅ ယောက်၊ ဆရာဝန်မအိမ်က သမီး ၃ ယောက်၊ ဦးအက်ဒ်မန်တို့က သမီး ၂ ယောက်၊ အန်တီနုတို့က သားသမီး ၂ ယောက်၊ အန်တီနှောင်းက ၁ ယောက်၊ အန်တီစန်းက ၄ ယောက်၊ အန်တီမိုးက ၁ ယောက်၊ အန်တီတူးက ၄ ယောက် (အဲဒီတုန်းက ရှိသေးလား၊ ပြောင်းသွားပြီလား သိပ်မသေချာပါဘူး)၊ ကိုပုတူတူးတို့က ၄ ယောက် (သူတို့လည်း ပြောင်းသွားလောက်ပြီ ထင်ပါရဲ့။)၊ အန်တီမြင့်သမီး အပျိုပေါက်ကတော့ ကျွန်မတို့နဲ့ သိပ်မတွဲဖြစ်ပါဘူး။ နောက် မျိုးမျိုးတို့အိမ်က ၄ ယောက်။ ကျွန်မမှတ်မိသလောက်တော့ အဲဒီလောက်ပါပဲ။ အဲဒီညကတော့ တိုက်ကုန်းက ရှိသမျှကလေး အစုံမပါပေမဲ့ ၁၀ ယောက်ကျော် လောက်ပါပါတယ်။

ဒီလို လက်ကြီးဗလာနဲ့ လိုက်ကန်တော့လိုက်တာ နောက်ဆုံး ရသမျှမုန့်ဖိုး ဝေစုခွဲလိုက်တော့ တယောက် ၄၅ ကျပ်ကြီးများတောင် ရတယ်။ အဲဒီတုန်းက ၁ နှစ် ၁ ခါလောက်မှ မာမီတို့၊ ဒယ်ဒီတို့ (စက်ရုံမှူးနဲ့ စက်ရုံမှူးကတော်) လွိုင်ကော်ကနေလာလည်လို့ တခါတလေမှ ရတတ်တဲ့ မုန့်ဖိုး ၁၅ကျပ်တန်သာ ကိုင်ဖူးတာဆိုတော့ ၄၅ကျပ်ဆိုတဲ့ ပိုက်ဆံက နည်းနည်းနောနောမဟုတ်တဲ့ ငွေကြေးပမာဏကြီးပေါ့။ ဒီတော့လည်း အဲဒီလပြည့်နေ့ဟာ ကျွန်မအတွက် အမှတ်တရဖြစ်ရတဲ့နေ့တွေထဲက တနေ့ဖြစ်လာရတယ်။


ရွှင်လန်း ချမ်းမြေ့ကြပါစေ။

s0wha1

*အဲဒီ လူပျိုကြီး ဦးအင်ဂျင်နီယာရဲ့ အာဂသတ္တိအကြောင်းကို နောက်များမှ ရေးပါဦးမယ်။ နာမည်တော့ မပြောတော့ဘူးနော်။:P

ငယ်ဘ၀ အမှတ်တရ (၁)
ငယ်ဘ၀ အမှတ်တရ (၃)

ကယား၊ ကယန်း၊ ကရင်နီ

မြန်မာ့စွယ်စုံကျမ်းမှ ကယားစုံတွဲပုံ
(ကျွန်မတို့ရွာထဲက ကယားလူမျိုးတွေက အဲလို ၀တ်ကြတယ်)

ကယားစုံတွဲ
(ပွဲတော်ရက်တွေမှာ ၀တ်ကြတာလားတော့မသိ)

ပုထုဇဉ်: မ s0wha1 ရေ... ကယား ဆိုတဲ့ အသုံးအနှုန်း ဘယ်လို ပေါ်ပေါက်လာတယ်ဆိုတာ သိရင် နည်း၂ပြောပြပါလား၊ ကရင်နီလို့ ခေါ်ရာကနေ၊ အစိုးရက ကယားပြည်နယ် လုပ်လိုက်တော့ အဲဒီ ကယားဆိုတဲ့စကား ဘယ်ကရသလဲဆိုတာ သိချင်လို့ပါ။

ကလိုစေးထူး: ကိုပုပြောတဲ့ ပို့စ်ကို မြန်မြန်ရေးပေးပါဗျို့။ (second လိုက်ပြီး ချောက်တွန်းမှ)

ပုထုဇဉ်: ကစေးထူးကြီးနော... ချောက်တွန်းတာ မဟုတ်ဘူးဗျ၊ ကရင်နီဆိုပြီး ရေး၂ ထားတဲ့ ဆောင်းပါးတွေ အခုတလော ဖတ်မိတာများလို့ သတိရသွားလို့ လာမေးတာပါ။ ကရင်တွေနဲ့ နီးစပ်လို့ ကရင်၊ ၀တ်တဲ့ဝတ်စုံးကနီလို့ နီ၊ အဲတော့ကရင်နီ

ပုထုဇဉ်: ဒါဆို ကယားကျတော့ကော၊ tribe တစ်ခုရဲ့ နာမည်လား၊ အစိုးရက ဘာ့ကြောင့် 'အပင်ပန်းခံ' ပြီးပြောင်းသလဲ။ သိချင်လို့ စပ်စုကြည့်တာပါ။

%%% %%% %%%

shout box မှာ ကိုပုထုဇဉ်နဲ့ ကိုကြီးစေးထူးတို့ အပြိုင်အဆိုင် ကျွန်မကို ချောက်တွန်းထားတဲ့ အဲ မှားလို့ မေးထားကြတဲ့ ကယားနဲ့ ကရင်နီ ကွာခြားချက်လေးကို ကျွန်မ ခေါင်းပူအောင် မေးမြန်း စုံစမ်းပြီးသကာလ ဒီပို့်စ်လေးကို ရေးလိုက်ရပါတယ်။

ကယားရွာလေးတစ်ရွာ

ကျွန်မ သိထားတာကတော့ ကျွန်မတို့ရွာ ပဒေါင်ကုန်းမှာ နေကြတဲ့သူတွေကို ကယားလို့ ခေါ်ကြတာပါပဲ။ သူတို့တွေက ယောက်ျားတွေက ဘာမှ ထူးခြားချက်မရှိပေမဲ့ မိန်းမတွေကတော့ ခြေသလုံးမှာ ကွင်းအမည်းတွေကို အပြည့်ဝတ်ကြတယ်။ ကျွန်မအထင် ပဒေါင်လူမျိုးတွေလို အသက် ၁နှစ်ကို လည်ပင်းမှာ စွပ်တဲ့ကွင်း တကွင်းတိုးသလိုမျိုး၊ ကျွန်မတို့ရွာက ကယားတွေကလည်း ခြေသလုံးမှာ အသက် ၁ နှစ် ၁ကွင်းတိုး ၀တ်ကြတာပါပဲ။ သူတို့က သူတို့ကိုယ်သူတို့ ကယားလူမျိုးလို့ပဲ သုံးနှုန်းပါတယ်။ အဲဒီတော့ ကိုပုထုဇဉ်အမေးကို ကျွန်မသိသလို ပြန်ဖြေရရင် ကယားဆိုတဲ့စကားဟာ အဲဒီဒေသမှာ အစကတည်းကရှိတဲ့ လူမျိုးကွဲတွေထဲက လူမျိုးတမျိုးနာမည်ပါ။

ပဒေါင်မလေး

လောပိတမှာ ကျွန်မတို့လိုပဲ အနေကြာလာတဲ့ အစ်ကိုတယောက်ကတော့ ဒီလိုပြောပါတယ်။ ကယား၊ ကရင်နီ၊ ကယန်းဆိုတာ ကယားပြည်နယ်ထဲက လူမျိုးကွဲတွေပါတဲ့။ ကရင်မှာ စကောကရင် နဲ့ ပိုးကရင် ဆိုပြီး ကွဲပြားသလိုမျိုးပဲလို့ ပြောပါတယ်။ ကျွန်မတို့ဘက်မှာရှိတဲ့ လူမျိုးကို ကယားလို့ခေါ်ပြီး ကရင်ပြည်နယ်နဲ့ နီးတဲ့ ဒေသက လူမျိုးကို ကရင်နီလို့ ခေါ်တာပါတဲ့။ ကရင်နီက သူတို့ကို ကယားပြောရင် မကြိုက်သလို၊ ကယားကလည်း သူတို့ကို ကယားလို့ပြောတာပဲ ကြိုက်ပါတယ်တဲ့။

ကယားပြည်နယ်မှာ ၂နှစ်ကျော်နေထိုင်ခဲ့တဲ့ အန်တီခင်မင်းဇော်ကတော့ ဒီလိုပြောပါတယ်။ "ကယားလို့ ခေါ်ရင်မကြိုက်ဘူး။ ကရင်နီပဲ ခေါ်ရတယ်။ ဦးနေ၀င်း လက်ထက်ကတည်းက ခေါ်တာမို့တဲ့ ။ ကရင် ၂ မျိုးရှိတယ်လို့ သူတို့က ပြောတယ်။ ကရင်ဖြူ (အခုကရင်)နဲ့ သူတို့က ကရင်နီ (အခုကယား)ပေါ့။ နောက်ပြီး လည်ပင်းကြေးကွင်းစွပ်တဲ့ ပဒေါင်တွေကို ကယန်းလို့ခေါ်မှ ကြိုက်တယ်တဲ့။ ဟိုတုန်းက သူတို့ကို ရှမ်းလူမျိုးတွေ အုပ်ချုပ်ခဲ့ချိန်က ပတ်တောင်း(ကြေးပတ်တဲ့လူမျိုး)လို့ နှိမ်ခေါ်တာမို့လို့တဲ့။

မြန်မာနိုင်ငံမြေပုံမှ ကယားပြည်နယ်

http://www.wikipedia.org/ မှာတော့ ဒီလိုမျိုးရှင်းထားပါတယ်...

Karenni

Karenni, also known as Red Karen or Kayah, are a Sino-Tibetan people, living mostly in Kayah State of Myanmar. Karen-Ni was the country of the Red Karens, a collection of small states, formerly independent, but was the feudatory to Burma (now Myanmar).

Demographics Ethnographers classify anywhere from seven to ten ethnic groups (not including ethnic sub-groups) as native to Kayah State. In addition, Shan, Intha, and Bamar live in the north and Pa-O in surrounding hills. Each group is also known by more than one name. Clearly, ethnicity in Kayah State is a complex issue, made more complex by the current political situation. According to the 1983 census conducted by and the Burmese government, the Kayah composed 56.12%, while Bamar (17.58%), Shan(16.66%), Karen (6.45%), mixed races (2.08%), and other groups formed minorities. Ethnolinguists distinguish the following linguistic groups in Kayah State

• Karenni (Red Karen)
• Padaung (Kayan)
• Bwe
• Geba (White Karen)
• Manumanaw
• Yantale
• Zayein (Lahta)
• Geko
• Yinbaw
• Paku

Karenni States

The Karenni States is the name formerly given to the three states of Kantarawadi (3161 square miles, pop (1931) 30,677), Kyebogyi (790 square miles, pop (1931) 14,282) and Bawlake (568 square miles, pop (1931) 13,802),located south of the Federated Shan States and east of British Burma.The British government recognized and guaranteed the independence of the Karenni States in an treaty with Burmese King, by which both parties recognized the area as belonging neither to Burma nor to Great Britain. Consequently, the Karenni States were never fully incorporated into British Burma. The Karenni States were recognized as tributary to British Burma in 1892, when their rulers agreed to accept a stipend from the British government. In the 1930s, the Mawchi Mine in Bawlake was the most important source of in the world. The Constitution of the Union of Burma in 1947 proclaimed that the three Karenni States be amalgamated into a single constituent state of the union, called Karenni State. It also provided for the possibility of succession from the Union after 10 years. In 1952, the former state of Mong Pai was added, and the whole renamed Kayah State possibly with the intent of driving a wedge between the Karenni and the Karen both of whom were by now fighting for independence.

မြန်မာစွယ်စုံကျမ်းမှာတော့ ဒီလိုရေးထားပါတယ်...

ကယားဟုခေါ်ပုံ>>> ၀တ်ဆင်သောအ၀တ်အထည်တို့၏ နီသောအရောင်အသွေးကိုလိုက်၍ မြန်မာတို့က ကယားပြည်နယ်သားတို့ကို ရှေးအခါက ကရင်နီဟု ခေါ်ကြသည်။ သူတို့ကမူ မိမိတို့ကိုယ်ကို ကယား သို့မဟုတ် ကယားလိဟု ခေါ်ဝေါ် ကြသည်။ ကယား ဟူသောဝေါဟာရမှာ သူတို့ဘာသာအရ လူ ဟု အဓိပ္ပါယ်ရ၍ ကယားလိ ဟူသောဝေါဟာရမှာ လူနီ ဟု အဓိပ္ပါယ်ရသည်။ ကွင်းကရင်တို့ကမူ သူတို့အား အရှေ့စွန်းကရင်ဟု အဓိပ္ပါယ်ရသော ဘွဲမနော ဟူသော အမည်ဖြင့် ခေါ်ဝေါ်ကြသည်။
ကရင်နီမှ ကယားသို့>>> ပြည်ထောင်စု မြန်မာနိုင်ငံတော် ဖွဲစည်းအုပ်ချုပ်ပုံ အခြေခံဥပဒေတွင် ကရင်ပြည်နယ်ဖွဲ့စည်းသောအခါ၌ ကရင်နီပြည်နယ်ကို ထည့်သွင်းရန် ရည်မှန်းချက်ရှိသည်ဖြစ်ရာ ထိုသို့ ထည့်သွင်းခြင်းကို မလိုလားကြသောကြောင့် တကြောင်း၊ ကရင်နီအမျိုးသားတို့သည် ကရင်နီဟူသော အမည်မှ ကယားဟူသော အမည်သို့ ပြောင်းလွှဲရန် ကြိုးစားခဲ့ကြရာ ၁၉၅၁ ခုနှစ်အတွင်းက ထိုအမည်ပြောင်းလွှဲရေးနှင့် ကယားပြည်နယ် သီးသန့်တည်ရှိရေးတို့အတွက် ပါလီမန်မှ အက်ဥပဒေပြုကာ ဖွဲ့စည်းအုပ်ချုပ်ပုံ အခြေခံဥပဒေတွင် လိုအပ်သောပုဒ်မများကို ပြင်ဆင်ခွင့်ရရှိခဲ့သည်။ မြန်မာ့စွယ်စုံကျမ်း (စာ-၇၃)

%%% %%% %%%

ဂူဂယ် wikipedia ကနေရှာထားတဲ့ အချက်အလက်အချို့၊ မြန်မာ့စွယ်စုံကျမ်း နဲ့ ကျွန်မစုံစမ်းသိရသလောက် (ဒီနိုင်ငံကိုရောက်နေတဲ့ ကယားပြည်က သူငယ်ချင်းအများစုနဲ့ အသိမိတ်ဆွေတွေကို ဖုန်းဆက်ပြီး လိုက်မေးပေမဲ့ သေချာမသိဘူးဆိုတဲ့ လူကများတယ်...)ကို ရေးသားထားတာပါ... အချက်အလက် တစုံတရာမှားယွင်းမှုရှိခဲ့ရင် တောင်းပန်ပါတယ်... ဒီထက်ပိုပြီး တိတိကျကျ သိတဲ့လူများရှိရင်လည်း ကွန်မန့်ထဲရေးပြီး ထပ်မံဖြည့်စွက်ပြောပေးသွားကြပါရှင်...။

ကိုပုထုရေ...ကျေနပ်မယ်ထင်ပါရဲ့။ ညီမလည်း ဒီလောက်ပဲ တတ်နိုင်တယ်...ဟီး

*** *** ***

မမေဓာဝီ၊ အန်တီခင်မင်းဇော်၊ ကိုAKKT၊ ကိုကြီးနဲ့ ကိုမင်းတို့ကို ကျေးဇူးတင်ပါကြောင်း...
ကိုးကား။...။
(၁) မြန်မာ့စွယ်စုံကျမ်း
(၂) http://en.wikipedia.org/wiki/Kayah_people
(၃) http://en.wikipedia.org/wiki/Kayah_State

ဓာတ်ပုံ မူပိုင် --- ဂူဂယ်မှ ရှာဖွေတွေ့ရှိသော ဓာတ်ပုံကို အသုံးပြုထားခြင်းဖြစ်သည်။

ဖြစ်ချင်တာတွေများတဲ့ ကျွန်မ

ကျွန်မ ငယ်ငယ်က ဖြစ်ချင်တာတွေ တော်တော်များတယ်။ ပတ်ဝန်းကျင်မှာ မြင်မြင်သမျှ လူတော်တော်များများကို ကျွန်မ သဘောကျခဲ့တယ်။ အရွယ်ကလည်း ၅ နှစ်ကနေ ၁၀နှစ်ကျော်အထိ ရည်ရွယ်ချက်တွေကတော့ တဖြည်းဖြည်း ပြောင်းလဲသွားတယ်။ ဒါပေမဲ့ ရည်မှန်းချက် ကြီးကြီးမားမား တစ်ခုမှ မပါဘူး။

ပထမဆုံး ကျွန်မ မူကြိုဆရာမ ဖြစ်ချင်တယ်။ ကျွန်မ ညီမလေး ၃ နှစ်ကျော် ၄နှစ်ကို သူ့ထက် အသက် ၂နှစ်ခွဲကြီးတဲ့ ကျွန်မက မူကြို အပို့အကြို လုပ်ပေးရတယ်။ အဲဒီတုန်းက ကျွန်မတို့ လောဓလေးကို ပြောင်းလာခါစ တိုက်ကုန်းမှာ နေအိမ်လွတ်မရှိသေးလို့ အောက်ဘက်က မူကြိုကျောင်းနဲ့ နောက်ချင်းကပ်ရက် ၀န်ထမ်းအိမ်မှာ နေနေရတဲ့ချိန်... အိမ်နဲ့ မူကြိုနီးတော့ ကျွန်မက အပို့အကြို လုပ်ရတာပေါ့။ နီးတယ်ဆိုပေမဲ့ တကွေ့တပတ်ကြီးတော့ သွားရတာပါပဲ။ တခါတခါ ညနေဘက် ညီအစ်မနှစ်ယောက် လက်ချင်းတွဲလို့ အိမ်အပြန် ကားလမ်းပေါ်မှာ တစ်စီးထဲသောကားနဲ့ ထုပ်စီးတိုးသလိုလည်း ဖြစ်ဖူးရဲ့။ ကားက ကျွန်မတို့ညီအစ်မ နှစ်ယောက်ကိုရှောင်၊ ကျွန်မတို့ ညီအစ်မကလည်း ကားကို ရှောင်နဲ့ ရှောင်တဲ့ဘက်ချင်း တူနေတော့ ထုပ်စီးတိုးသလို ဖြစ်နေတော့တာပေါ့။ နောက်ဆုံး ကားက ရပ်နေလိုက်ပြီး ကျွန်မတို့ညီအစ်မ လမ်းဆက်လျှောက်တဲ့ထိ စောင့်နေမှပဲ ကားနဲ့လူ ထုပ်စီးတိုးတမ်း ပြီးတော့တယ်။ ညနေတိုင်း ညီမကို ကျောင်းကြိုသွားရင် တွေ့ရတဲ့ မူကြိုဆရာမ မျက်နှာလေးက အရမ်းအေးချမ်းတာပဲ။ အဲဒါကြောင့် ကျွန်မက မူကြိုဆရာမ ဖြစ်ချင်တာလေ။ တခါတလေ ညီအစ်မနှစ်ယောက် ဆရာမအိမ်လိုက်လည်ရင်း ဆရာမကို ကြည့်ပြီး သဘောတွေကျလို့... ဒါက ကျွန်မငယ်ငယ်က ဖြစ်ချင်တဲ့ ရည်မှန်းချက်ထဲက တစ်ခုပေါ့။

နောက်ကျ ဘာဖြစ်ချင်လဲဆိုတော့ ကယားမလေး အရမ်းဖြစ်ချင်တယ်။ ပလိုင်းကို လွယ်လို့ တောထဲမှာ ဟင်းသီးဟင်းရွက်ခူးရတာကို ဘယ်လိုသဘောကျမှန်း မသိဘူး။ တောင်ပေါ်ဒေသတွေမှာက ရိုးရိုးတောင်းတွေ၊ ပလုံးတွေကို ရွက်ကြ၊ သယ်ကြတာ မဟုတ်ဘူးလေ။ ပလိုင်းဆိုတာကို ကြိုးရှည်ရှည် တပ်ထားတဲ့ တောင်းတစ်မျိုးလို့ ပြောလို့ရမလား မသိဘူး။ စလွယ်သိုင်း လွယ်လို့လည်းရ၊ ခေါင်းပေါ်တင်ပြီး နောက်ကျောမှာ တွဲလောင်းချ သယ်လာလို့လည်း ရတယ်လေ။ ကျွန်မတို့ အိမ်အနောက်ဘက်က (အရှေ့ဘက်လို့လည်း ပြောလို့ရတာပဲ) ဆရာဝန်အိမ်မှာ သမီး သုံးယောက်ရှိတယ်။ အကြီးဆုံးက ကျွန်မထက် ၃၊ ၄ နှစ်ကြီးလို့ ကျွန်မတို့နဲ့ မပေါင်းဖြစ်ဘူး။ အလတ်မကတော့ ကျွန်မတို့ ညီအစ်မနှစ်ယောက်နဲ့ ရွယ်တူ ကဲဖေါ်ကဲဖက်တွေပေါ့။ သူတို့အိမ်လေးက ကုန်းစောင်းပေါ်မှာ ဆောက်ထားတာဆိုတော့ သူတို့ခြံထဲမှာ သွားကစားရင် ကျွန်မတို့ ကယားမ လုပ်တမ်းပဲ ကစားကြတယ်။ အဲဒီပလိုင်းကြိုးလေးကို ခေါင်းပေါ်တင်လို့ တောင်းထဲမှာ ထည့်ချင်ရာထည့်ထားပြီး ကုန်းစောင်းပေါ် တက်လိုက်၊ ဆင်းလိုက်နဲ့ ကစားရတာ အမောပါပဲ။ သူတို့အိမ်မှာ စတော်ဘယ်ရီပင်တွေလည်း စိုက်ထားလေတော့ စတော်ဘယ်ရီသီးတွေ ခူးတယ်ဆိုပြီး မထွက်တဲ့နဖူးက ချွေးကို သုတ်လိုက်၊ အရမ်းကို ပင်ပန်းနွမ်းနယ်ပုံမျိုးနဲ့ မာလကာပင်ရင်းမှာ ထိုင်ပြီး အမောဖြေသလို လုပ်လိုက်နဲ့ ကလေးသဘာဝ ပင်ပင်ပန်းပန်း အလုပ်လုပ်ရတာကိုလည်း ဘာရယ်မသိ အားတွေကျလို့။

အိမ်ရှေ့ကနေ အသက်ခပ်ကြီးကြီး ကယားမကြီးတွေ ဖြတ်သွားရင် သူတို့ရဲ့ ခြေထောက်တွေမှာ ၀တ်ထားတဲ့ ကွင်းမဲမဲလေးတွေကို တစ်ယောက် တစ်ကွင်းတောင်း၊ ပြီးရင် အဲဒီကွင်း မတော်တရော်ကို ခြေထောက်မှာ စွတ်၊ ကွင်းက ကြီးပြီး ချောင်ချောင် ကျလို့ လမ်းလျှောက်မရဖြစ်နဲ့... ကျွန်မတို့မှာ အလုပ်ကို ရှုပ်နေကြတာပဲ။ အဲဒီ ကယားမကြီးတွေက သူတို့ ခြေမျက်စိကနေ ခြေသလုံးရင်းထိ အပြည့်ဝတ်ထားတဲ့ ကွင်းတွေကို ဘယ်ချိန်တောင်းတောင်း တစ်ကွင်းစီ ချွတ်ပေးသွားတာပါပဲ။ ညနေ ကစားပြီးရင်တော့ အဲဒီကြိုးကွင်းမဲမဲလေးတွေလည်း ဟိုချ၊ ဒီချနဲ့ ရှာမရတော့ပါဘူး။ အဲလို စည်းကမ်းကလည်း ရှိသေး...

နောက်တော့ ကျွန်မ ကျောင်းဆရာမ ဖြစ်ချင်တယ်။ အဖြူ၊ အစိမ်းဝတ်စုံကို ၀တ်၊ လက်ကိုင်ပုဝါလေး ခါးမှာ ထိုးထည့်၊ ကြိမ်ခြင်း လှလှလေးနဲ့ ကြိမ်လုံးကြီးကိုင်ထားတဲ့ ဆရာမ လှလှလေး ဖြစ်ချင်ခဲ့တယ်။ ဒါကတော့ ကိုယ့်ဆရာမတွေ ကြည့်ပြီး စိတ်ကူးယဉ်တာပေါ့လေ။ ကျွန်မ သူငယ်တန်းတုန်းက ဆရာမကို မမှတ်မိတော့ပေမဲ့ တစ်တန်းနှစ်က ဆရာမကိုတော့ အရမ်းချစ်တယ်။ ဆရာမနာမည်က ဒေါ်ဖြူဖြူဦးတဲ့။ နာမည်နဲ့လိုက်အောင် အသားဖြူဖြူ၊ အရပ်ပုပု ဆရာမလေးလေ... ဆရာမရဲ့ နှုတ်ခမ်းမှာ နှုတ်ခမ်းမွှေး ရေးရေးလေးရှိနေတာကိုလည်း မှတ်မိတယ်။ အဲဒီတုန်းက ဆရာမ အသက်က ၂၀ ကျော်ပေါ့... ခု ကျွန်မ လက်ရှိအသက်ထက်တောင် ငယ်သေးတယ်။ ကျွန်မတို့ နှစ်တန်းနှစ်မှာ နံပါတ် (1) က မူလတန်းကျောင်းတစ်ကျောင်းကို ဆရာမ ပြောင်းရတော့ ကျွန်မတို့ သူငယ်ချင်းတသိုက် ဆရာမကို ဖက်ဖက်ငိုတာ မှတ်မိသေးတယ်။ ဆရာမလည်းငို၊ ကျွန်မတို့လည်း ငိုကြပေါ့။ နှစ်တန်းကျောင်းသူဖြစ်သွားတဲ့ ကျွန်မတို့ကို စာသင်ရတဲ့ ဆရာမ မဟုတ်တော့ပေမဲ့ မုန့်စားဆင်းချိန်တိုင်း ဆရာမဆီသွားပြီး စကားပြောနေကျလေ။ ဆရာမက လောပိတမှာနေတော့ သူ့အိမ်နဲ့ နီးနီး ကျောင်းပြောင်းရတာ ပျော်နေမှန်း မသိခဲ့ပါဘူး။ နောက်တနေ့ ဆရာမကိုယ်တိုင် ကျောင်းပြောင်းချင်မှန်း သိတဲ့ချိန် ကျွန်မတို့ သူငယ်ချင်းတွေ ဆရာမကို စိတ်နာခဲ့တယ်။ ငိုထားတဲ့ မျက်ရည်တွေတောင် နှမျောပါတယ်... ကျွန်မတို့နဲ့ ဝေးရာသွားတဲ့ ဆရာမကို ဘယ်တော့မှ မခေါ်တော့ဘူးလို့... နောက်တော့ နံပါတ် (1)စက်ရုံက ကားမောင်းသမား တစ်ယောက်နဲ့ ဆရာမ အိမ်ထောင်ကျသွားတဲ့ သတင်းကို ကြားရတယ်။ ကျွန်မတို့ကျောင်းက ပြောင်းသွားထဲက ဆရာမနဲ့တော့ အဆက်အသွယ်မရှိတော့ပါဘူး။

တစ်နှစ်လောက် အကြာမှာ ညနေကျောင်းဆင်းချိန် ကျွန်မတို့ရွာကနေ ၂ မိုင်ကျော်ဝေးတဲ့ ၁၀မိုင်ကုန်းဘက်ကို ကျောင်းက သူငယ်ချင်းတွေနဲ့အတူ အလည်လိုက်ခဲ့တယ်။ ကျွန်မတို့က လောပိတဘက် အပြန်ကုန်ဆင်း၊ ဆရာမတို့က နံပါတ်(1) ဘက် အသွားကုန်းတက်မှာ ဆုံမိကြတယ်။ ဆရာမကလည်း သူ့ကျောင်းကနေ အိမ်ပြန်လာချိန်လေ။ အဖေါ်ဆရာမ နှစ်ယောက်လောက်နဲ့ အတူ ကိုယ်ဝန်ကြီးနဲ့ စက်ဘီးတွန်းလာတဲ့ ဆရာမကို တွေ့တယ်။ ကျွန်မစိတ်ထဲမှာ လွမ်းနေပေမဲ့ စိတ်နာမယ်လို့ သူငယ်ချင်းတွေနဲ့ပြောထားတော့ ရယ်တောင်မပြခဲ့ဘူး။ ဆရာမက သူ့အိမ် အလည်ခေါ်တယ်။ ရှေ့နားဆို အိမ်ရောက်တော့မှာတဲ့ အပြန်ကျရင် သူ့အမျိုးသားကို လိုက်ပို့ခိုင်းမယ်ဆိုတာတောင် ကျွန်မလိုက်မလည်ဘဲ ဇွတ်ငြင်းလို့ စကားတောင် ကောင်းကောင်း မပြောဘဲ လှည့်ထွက်ခဲ့တယ်။ ဆရာမ ကျွန်မကို အကြာကြီး ရပ်ကြည့်နေခဲ့မှန်း ကျွန်မ သိပါတယ်။ အဲဒီနောက်ပိုင်း လောဓလေးကနေ ရန်ကုန် ပြန်ပြောင်းလာချိန်ထိ ဆရာမနဲ့ ထပ်မတွေ့ရတော့ဘူး။ ဆရာမ ဘယ်မှာနေမှန်းလည်း ကျွန်မ မသိပါဘူး။ အချိန်တွေကိုသာ ပြန်ရွှေ့လို့ရမယ်ဆိုရင် ဆရာမနဲ့တွေ့ခဲ့တဲ့ အဲဒီညနေခင်းလေးကို ကျွန်မ ပြန်ရောက်ချင်လိုက်တာ... ပြီးရင် ဆရာမအိမ်လေးမှာ တညနေလုံး နေရင်း ဆရာမနဲ့ စကားတွေအများကြီး ပြောခဲ့မှာ။ ဒါပေမဲ့ ဘယ်တော့မှ မဖြစ်နိုင်တော့ပါဘူးလေ...

နောက် လေးတန်းနှစ်က ဆရာမနှစ်ယောက်နာမည်က ဒေါ်သွယ်သွယ်အောင်နဲ့ ဒေါ်တင်မိုးခိုင်။ သူတို့လည်း အဲဒီတုန်းက အသက် ၂၀ ပတ်ဝန်းကျင်ပဲ ရှိဦးမယ်။ ဆရာမ နှစ်ယောက်ကလည်း တစ်ယောက်နဲ့တစ်ယောက် အရမ်းခင်ကြတယ်။ စာအသင်အပြတွေလည်း တော်တော်ကောင်းပါတယ်။ စာအသင်ကောင်းသလို၊ စာမရရင်လည်း လက်သံတော်တော်ပြောင်ပါတယ်။ (စကားစပ်မိလို့ပြောရရင် ကျွန်မတို့ဆီမှာက အတန်းတိုင်း A ခန်းနဲ့ B ခန်းပဲရှိတယ်။ ဒါပေမဲ့ ရန်ကုန်မြို့ကျောင်းရောက်တဲ့အခါ A ခန်းကနေ J ခန်းထိရှိတော့ ကျွန်မတို့မှာ မျက်လုံးပြူးပြီး အံ့ဩရသေးတယ်။) ကျွန်မတို့ စတုတ္ထတန်းနှစ်ခန်းတွဲ ကျောင်းဆောင်တစ်ခုထဲ ကုန်းပေါ်မှာ ထီးထီးကြီး တည်ရှိနေတော့ အောက်ဘက်က ပင်မကျောင်းဆောင်တွေနဲ့ အလှမ်းကွာပြီး သီးသန့်လို ဖြစ်နေတယ်။ အဲဒီတော့ ဆရာမနှစ်ယောက်နဲ့ ကျွန်မတို့ ၄ တန်း ကျောင်းသားတွေအတွက် လူမရှိတဲ့ကျွန်းမှာ နေနေရသလိုပဲ။ တော်တော်ပျော်ဖို့ကောင်းပါတယ်။

တခါတလေ ဆရာမတွေက စနေနေ့ကို အချိန်ပိုဆိုပြီး ကျောင်းမှာ စာခေါ်သင်တတ်သေးတယ်။ အဲဒီလိုနေ့ဆို ဆရာမ နှစ်ယောက် ဆံထုံးမထုံးဘဲ ဆံပင်ကိုချ၊ အိမ်နေရင်း အပြင်အ၀တ်အစားလေးတွေနဲ့ တမျိုးကြည့်ကောင်းနေတတ်တယ်။ စာသင်ပြီး ခဏနားတဲ့ချိန် ဆရာမနှစ်ယောက်ကလည်း ကျွန်မတို့နဲ့အတူ ရောကစားတတ်တယ်။ ကျွန်မတို့ ကစားတာက တန်းမြင့်ခုန်တာပါ။ ကြိမ်ပင်ကိုဖြတ်ပြီး လူနှစ်ယောက်က တဘက်တချက်ကိုင် အောက်က ကောက်ရိုးခံပြီး ခြေသလုံးအမြင့်ကနေ စခုန်လိုက်ကြတာ နောက်ဆုံး ခေါင်းပေါ်ကနေ လက်တလံတွေထိကို ရောက်ရော... ကျွန်မကတော့ ပခုံးလောက်ထိပဲ ခုန်နိုင်တယ်... ပြီးရင် ထွက်လိုက်ရော။ ကစားလို့ မောပြီဆို ဆရာမတွေက စာပြန်သင်တယ်...

နောက်တော့ ကျွန်မ ဖြစ်ချင်တာ တမျိုးပြောင်းသွားတယ်။ ကျွန်မတို့ သူငယ်ချင်းတစု တူးဝမ်းတူး အရမ်းဖြစ်ချင်လာတာ။ တူးဝမ်းတူးဆိုတာက နယ်လှည့်ပြည်သူ့ဆက်ဆံရေးတပ်ဖွဲ့ကို ခေါ်တာပါ။ ဘာကြောင့် အဲလို ခေါ်တာလဲတော့ ကျွန်မလည်း ခုထိမသိဘူး။ ကျွန်မအထင် အဲဒီနယ်လှည့်ပြည်သူ့ဆက်ဆံရေးတပ်ရဲ့ တပ်ရင်းတစ်ရင်း နာမည် ဖြစ်ပါလိမ့်မယ်။ ဘယ်လိုပဲ ပြောပြော ကျွန်မတို့ကတော့ အဲဒီ နယ်လှည့်ပြည်သူ့ဆက်ဆံရေးရဲ့ ဘယ်တပ်ရင်းပဲလာလာ 212 လို့ပဲ ခေါ်ကြတယ်။ နယ်လှည့်ပြည်သူ့ဆက်ဆံရေးဆိုတာကို ထပ်ရှင်းရရင် သူက စစ်မတိုက်ရတဲ့၊ အက၊ အခုန် အနှပညာဝါသနာပါတဲ့ စစ်သား၊ စစ်သမီးတွေနဲ့ ဖွဲ့စည်းထားတာပါ။ နယ်စွန်နယ်ဖျားက စစ်တပ်တွေကို လိုက်လံဖျော်ဖြေရတဲ့ တပ်ဖွဲ့တွေပေါ့။ ကျွန်မတို့ဆီက စက်ရုံအရာရှိတွေနဲ့ စစ်တပ်မိသားစုတွေအတွက် နှစ်တိုင်းလာပါတယ်။(၁၉၉၂ နောက်ပိုင်းတော့ မလာတော့ဘူး...) ပြဇာတ်၊ ယိမ်း၊ စတိတ်ရှိုး အကုန်ဖျော်ဖြေပါတယ်။ ပွဲငတ်တဲ့ ကျွန်မတို့ ရွာလုံးကျွတ် အားပေးကြတယ်။ အဲဒီမှာ တူးဝမ်းတူးက စစ်သမီးတွေလို ကျွန်မတို့ အရမ်းဖြစ်ချင်ခဲ့တာပါ။ သူတို့တွေက လုံးကြီးပေါက်လှလို့ပြောရမယ်။ ယူနီဖောင်းနဲ့လည်း တော်တော်လှကြတယ်။ အဲဒီတုန်းက ကလေးအမြင်မို့လည်း ဖြစ်နိုင်ပါတယ်။ ဘာပဲပြောပြော ကြီးလာရင် တူးဝမ်းတူး လုပ်မယ်က တပြားမှ မလျော့ဘူး။ အိမ်က မိဘကိုတော့ မပြောရဲပါဘူး။ အိမ်က ဖြစ်စေချင်တဲ့ ဆရာဝန်လုပ်မယ်ပဲ ပြောရဲပါတယ်။ တကယ်တော့ ဘယ်တုန်းကမှ ကျွန်မ ဆရာဝန် မဖြစ်ချင်ခဲ့ပါဘူး။

နောက်တခါ တူးဝမ်းတူးနဲ့ အပြိုင် ဖြစ်ချင်တာတစ်ခုကတော့ ကျွန်မအဖေလို အင်ဂျင်နီယာ အရာရှိ ဖြစ်ချင်တာပါ။ ကျွန်မတို့ ဒီလို တူးဝမ်းတူးပွဲနဲ့ ဘာပွဲညာပွဲပဲဖြစ်ဖြစ် ကျွန်မတို့က ရာဇမတ်ကာထားသလိုထဲမှာ ထိုင်ခုံတွေနဲ့ ရှေ့ဆုံးမှာ မိန့်မိန့်ကြီး ထိုင်ကြည့်ရလေတော့ ကလေးပီပီ အကျေနပ်ကြီး ကျေနပ်ပါတယ်။ အလုပ်သမားသားသမီးတွေ ဖြစ်တဲ့ ကျွန်မသူငယ်ချင်းတွေ၊ ရိုးရိုးရွာသားတွေက ကိုယ့်ဟာကိုယ်နေရာဦးရတဲ့ မြေကြီးပေါ်မှာ ဖျာခင်းပြီး ထိုင်ကြည့်နေရချိန်မှာ အဖေနဲ့ပတ်သက်ပြီး ကိုယ်က VIP နေရာမှာ ထိုင်နေရတာဆိုတော့ ကျွန်မအဖေလို ဖြစ်ချင်လာတာပေါ့။

ဒီလိုနဲ့ ညတိုင်းလိုလို ကျွန်မအိပ်မက်ထဲမှာ တူးဝမ်းတူးတလှည့်၊ အင်ဂျင်နီယာတလှည့်နဲ့ နေရာယူခဲ့တယ်။ ရန်ကုန်ကို ပြန်ရောက်တဲ့ချိန်မှာတော့ တူးဝမ်းတူးဆိုတာကို ဖြစ်ချင်ခဲ့တဲ့ ကိုယ့်ကိုယ်ကို တွေးတွေးပြီး ရယ်နေမိတယ်။ နောက်ဆုံးဖြစ်ချင်တဲ့ အင်ဂျင်နီယာတော့ ကျွန်မဖြစ်လာပြီ ထင်ပါရဲ့...

s0wha1

ကျွန်မနေခဲ့ဖူးတဲ့ လောပိတ (၂)

ကျွန်မနေခဲ့ဖူးတဲ့ လောပိတ (၁)
ကျွန်မနေခဲ့ဖူးတဲ့ လောပိတ (၃)

တောင်တန်းပြာတွေ မဟုတ်တောင် တောအုပ်စိမ်းစိမ်းတွေကို မြင်မိရင် ဟိုးတောင်ပေါ်ဒေသ အစွန်အဖျားက ရွာလေးတစ်ရွာကို သတိရမိသည်... နှစ်ပေါင်းများစွာ ကြာသွားပေမဲ့ မျက်လုံးမှိတ်လိုက်တာနဲ့ တစ်ရွာလုံးကို အပေါ်စီးက ခြုံမြင်ရသလို ပြက်ပြက်ထင်ထင် မြင်ယောင်လာတတ်မြဲ... ဒါဟာ အမှတ်သညာ ကောင်းလို့လား ဒါမှမဟုတ် စွဲလမ်းစိတ်ကြောင့်လားဆိုတာတော့ ကျွန်မကိုယ်တိုင် မဝေခွဲတတ်...

ရွာအ၀င် ရဲစခန်းနှင့် စစ်တပ်တစ်တပ်ကို ဖြတ်ကျော်ပြီးရင် လမ်း ၄ လမ်းဆုံရဲ့ ထောင့်တနေရာတွင် စာကြည့်တိုက်နှင့် ဗွီဒီယိုရုံတစ်ရုံကို တွေ့ရမည်... တဘက် လမ်းထောင့်တွင်တော့ လောဓလေး ပြည်သူ့ဆေးရုံကြီး ရှိသည်... ဆေးရုံနဲ့ ကားလမ်းခြားလျက် မျက်နှာချင်းဆိုင် လမ်းထောင့်တွင် ရွှေညောင်ပင်လို့ခေါ်တဲ့ နှစ်ချို့ညောင်ပင်ကြီးအောက်က လက်ဘက်ရည်ဆိုင်ရှိပြီး အနောက်ဘက်မှာတော့ ကျွန်မတို့မောင်နှမတွေ ပညာသင်ကြားခဲ့ရာ အ.လ.က ကျောင်းကြီး... ကျောင်းကြီးရဲ့ ဘေးသုံးဘက်က ကားလမ်းမတွေ ဖြစ်သည်... ထပ်ပြောရရင် ကျောင်းရဲ့ အနောက်အရပ်မှာ တိုက်ကုန်းလို့ခေါ်တဲ့ လူနေတိုက်အိမ်ဝါ၀ါတွေရှိ၍ အရှေ့အရပ်တွင် ချိုင့်ခွက်များစွာနှင့် ကား အသွားအလာနည်းသော ရိုးရိုးကတ္တရာလမ်းနှင့်အတူ ဆရာ၊ ဆရာမတွေနေတဲ့ ၀န်ထမ်းအိမ်တွေ ရှိသည်... အဲဒီကနေ အနည်းငယ် ကုန်းဆင်း သဏ္ဌာန်ဖြစ်နေသော လမ်းတောက်လျှောက် ဆင်းသွားလျှင် ၀န်ထမ်းအ်ိမ်တွေ၊ ကုန်စုံဆိုင်တွေ၊ သမ၀ါယမဆိုင်၊ မူကြိုကျောင်းနှင့် အ.ထ.က ကျောင်း တို့ကို တွေ့ရမည်... တဖြည်းဖြည်းနှင့် ဆက်သွားလျှင် နိုင်လွန်ကတ္တရာလမ်းသည် ပို၍စောက်နက်လာပြီး အကွေ့အ၀ိုက်များကာ လူနေအိမ်တွေလည်း ကျဲလာမည်... နောက်ဆုံး လူနေအိမ်တွေကို တွေ့ရတော့မည် မဟုတ်ဘဲ လမ်းဘေးတဘက်တချက်တွင် ကျွန်းပင်များနှင့် အခြားသစ်ပင်ကြီးတွေကိုသာ တွေ့ရလိမ့်မည်... လမ်းတနေရာမှာတော့ လူမနေသော ဘန်ဂလိုပုံ တိုက်ဖြူဖြူ အစုအဝေးလေးတွေနှင့် ဘုရားကုန်းဟုခေါ်သော ၀န်ထမ်းအိမ်ရာကို ရောက်မည်... သို့သော် ထိုအရပ်တွင် ရွာထဲမှာကဲ့သို့ လူအများကို တွေ့ရလိမ့်မည်မဟုတ်... စေတီတစ်ဆူရှိသော ဘုန်းကြီးကျောင်း တစ်ကျောင်း၊ စက်ရုံမှူးမိသားစုနှင့် စက်ရုံစောင့် စစ်တပ် တပ်ခွဲတစ်ခုသာ ရှိသောကြောင့်ပင်... ထိုနေရာမှနေ၍ ဟိုးအောက်ဘက် ချောက်ကြီးထဲတွင်ရှိသော လောပိတ ရေအားလျှပ်စစ်စက်ရုံကြီးကို မှုန်ပြပြ လှမ်းမျှော်ကြည့်နိုင်သည်... ရှုခင်း အလွန်လှသောကြောင့် လောပိတစက်ရုံကို အလည်လာသူများ ဓာတ်ပုံရိုက်ရာနေရာလည်း ဖြစ်သေးသည်... ထိုမှ ဆက်သွားလျှင်တော့ လောပိတ အမှတ်(၂) ရေအားလျှပ်စစ်စက်ရုံကို ရောက်လေပြီ... ရွာထဲမှာနေ၍ ဘုရားကုန်းသို့ ကားနှင့်သွားလျှင် မိနစ် ၂၀ နီးပါးကြာပြီး ထိုမှတဆင့် စက်ရုံသို့ဆိုလျှင် ၁၅ မိနစ်၊ မိနစ် ၂၀ ခန့် ကြာသည်... အဲဒီတော့ ကျွန်မတို့ရွာမှ လောပိတစက်ရုံသို့ မိနစ် ၃၀ကျော်၊ ၄၀ နီးပါး ကြာအောင် ကားစီးရလေသည်...

ရွာအ၀င် လမ်းဆုံမှ တည့်တည့်လာလျှင် စက်ရုံမှ အင်ဂျင်နီယာ အရာရှိများ နေထိုင်ရာ တိုက်ကုန်းကို ရောက်သည်... တိုက်ကုန်း ရဲ့ အနောက်ဘက်တွင် တောင်ရိုးကုန်းနှင့် ကြို့ပင်ကုန်းဟုခေါ်သော ဗမာ အများစုနေထိုင်သည့် လူနေအိမ်တွေ၊ ဘောလုံးကွင်း၊ ဘုန်းကြီးကျောင်း တစ်ကျောင်းနှင့်တွဲလျက် စေတီတစ်ဆူနှင့် ရွာသုဿန်တစ်ခု ရှိသည်... ထိုအရပ်တွင် နေထိုင်သူအများစုမှာ အထက်အညာဒေသမှ ရေကြည်ရာ မြက်နုရာ ရွှေ့ပြောင်း နေထိုင်ကြသော ဗမာလူမျိုးတွေ ဖြစ်သည်... တိုက်ကုန်း၏ တောင်ဘက်တွင် ခရစ်ယာန် ဘုရားရှိခိုးကျောင်းတစ်ကျောင်းနင့် ကယားနှင့် ကရင်လူမျိုးများ အများစုနေထိုင်သော ပဒေါင်းကုန်း ရှိလေသည်... ထိုအရပ်ရှိ တိုင်းရင်းသားများမှာ ၀န်ထမ်းများ မဟုတ်ကြဘဲ တောင်ယာလုပ်ငန်းသာ အဓိက လုပ်ကိုင်ကြသည်...

ရွာသားအားလုံးလိုလိုပင် စက်ရုံမှ အလုပ်သမားများ ဖြစ်ကြပြီး စိုက်ပျိုးရေးလုပ်ငန်းဖြင့် အသက်မွေးဝမ်းကြောင်းပြုကြသည်... ပေါ်တာ အလွန်ဆွဲသော ကျွန်မတို့ ဒေသတွင် သားစဉ်မြေးဆက် စက်ရုံတွင် အလုပ်လုပ်ကြခြင်းဖြင့် ထိုအန္တရာယ်မှ လွတ်လိုလွတ်ငြား ရှောင်ရှားကြခြင်း ဖြစ်လေသည်... အနည်းဆုံးတော့ စက်ရုံမှ အစိုးရ၀န်ထမ်းဖြစ်သဖြင့် အလွယ်တကူ ပေါ်တာအဆွဲမခံရတော့ပေ... သို့သော် ပေါ်တာအတွက် လူလိုပါက လူငှားပေးရ၊ တစ်အိမ်ကို ပိုက်ဆံ ဘယ်လောက်ဆိုပြီး ပေးရ စသည့်ဒုက္ခများတော့ ကြုံရတတ်သည်...(ကျွန်မတို့တော့ ဘာမှပေးစရာမလိုပါ...အဲဒီက ရွာသားများကိုသာဆိုလိုပါတယ်...) ကျွန်မတို့ ငယ်စဉ်က ပေါ်တာဆွဲခြင်းကို ဘာမှန်းမသိ အလွန်ကြောက်ရွံ့ခဲ့ကြ၏... အိမ်အပြင်ထွက်ဆော့နေသော ကျွန်မ ညီမလေး သုံး၊ လေးနှစ်သမီးအား ပေါ်တာဆွဲနေပြီ ဟု လှမ်းအော်ပါက တွန့်လိမ်တွန့်လိမ်နှင့် အိမ်ထဲ ပြန်ပြေးဝင်လာတတ်သည်ကို ခုချိန်ထိ မြင်ယောင်ဆဲ... ထိုမျှအထိ ပေါ်တာဆွဲခြင်းကို မသိနားမလည်သော ကလေးမှအစ အသက် ၅၀ကျော် ၆၀ လူကြီးထိ ကြောက်ရွံ့ကြသည်...

ကျွန်မတို့အနေဖြင့် ရွာပြင်တောထဲဘက် ထွက်စရာမလိုသော်လည်း တောထဲထွက်မှ စားရ၊ သောက်ရရှာသော ရွာသားများမှာ မြေမြုပ်မိုင်းများရန်ကိုလည်း ကြောက်ရသေးသည်... မျှစ်ချိုး၊ *သက်ကယ်ရိတ်ထွက်ရင်း မိုင်းများ နင်းမိ၍ ခြေပြတ်၊ လက်ပြတ်နှင့် ဘ၀ဆုံးသွားကြသော အပြစ်မဲ့ရွာသားများ ကျွန်မတို့ မျက်စိရှေ့တွင် မကြာခဏ တွေ့မြင်ရတတ်သည်...

တောင်ရိုးကုန်း၊ ကြို့ပင်ကုန်းနှင့် ပဒေါင်းကုန်းအနောက်ဘက်တို့တွင် တောင်ယာခြံများရှိ၏... ထိုရွာပြင် တောင်ယာဘက်တွင် ခရမ်းသီး၊ ငှက်ပျော၊ ပဲသီး၊ ပဲပုတ်၊ ပြောင်းဖူး၊ မြေပဲ စသည် ရာသီအလိုက် စိုက်ပျိုးထားသော သီးနှံများကို တွေ့မြင်ကြရမည်... စိုက်ချိန်၊ ပျိုးချိန်ဆိုလျှင် မိမိပိုင်ဆိုင်ရာ တောင်ယာကွက်များတွင် စိုက်ပျိုးကြလျက် ပဲပုတ်ဈေး၊ မြေပဲဈေးများ ဈေးကောင်းရတတ်သည့် တချို့သောနှစ်များတွင် ရွာသားများ ငွေကြေးအဆင်ပြေလိမ့်မည်ဟု ထင်ထားလျှင် မှားပါလိမ့်မည်... စိုက်ပျိုးထားသော သီးနှံများ ခူးဆွတ်ချိန်ရောက်သောအခါ သူပုန်သတင်းရ၍ဟုဆိုကာ ရွာပြင် တောင်ယာဘက်သို့ ထွက်ခွင့်မပေးဘဲ ပိတ်ထားလိုက်လေသည်... သီးနှံများ ရိတ်သိမ်းချိန်မှ သူပုန်သတင်းရတတ်ခြင်းသည် အလွန်အံ့ဩဖွယ်ကောင်းသော တိုက်ဆိုင်မှုတရပ်ပင်... နောင်တစ်လခန့်အကြာ အစောင့်အရှောက်များမရှိတော့၍ မိမိတို့ တောင်ယာတွေဘက်သွားကြည့်လျှင် ဘာအသီးအနှံမျှ မရှိတော့သော အရိုးပြိုင်းပြိုင်း အပင်များနှင့် တူးယက်ထား၍ ဖွာလန်ကြဲနေသော မြေကြီးများကိုသာ တွေ့ကြရလိမ့်မည်... လူသူမခူးဆွတ်ဘဲထားလျှင် အလဟဿဖြစ်မှာစိုးသော စေတနာနှင့် ခူးဆွတ်သွားကြခြင်း ဖြစ်တန်ရာ၏.. ထိုအခြင်းအရာများသည် တစ်နှစ်ခြားတစ်ခါလို ကြုံတွေ့နေရသော ကိစ္စများဖြစ်သည်ဆိုလျှင် မည်သို့သော မှတ်ချက်မျိုးပေးကြမလဲ ကျွန်မသိချင်လှသည်...

ကျွန်မတို့ လောပိတ စက်ရုံမှ ရန်ကုန်သို့ ဓာတ်အားပို့သော တာဝါတိုင်ကြီးများ လုံခြုံရေးအတွက် ပဒေါင်းကုန်းမှ ရွာသားများ ထိုတာဝါတိုင်များတွင် ကင်းစောင့်ရလေ့ရှိ၏... သူတို့ပြည်နယ်မှ လျှပ်စစ်မီးကို ထုတ်လျက် သူတို့ရွာပေါ်မှ ဓာတ်ကြိုးများဖြတ်သန်းသွားသော်လည်း မီးအလင်းမရရှာသော ရွာသားများသည် တစ်မြို့တစ်ရွာသို့ သယ်ဆောင်သွားသော ဓာတ်ကြိုးများကို ကိုယ့်ထမင်းကိုယ်စား၊ ကိုယ့်စရိတ်နှင့်ကိုယ် အအိပ်ပျက်ခံ ကင်းစောင့်ပေးနေရသည်ကို "သူတို့လူမျိုးတွေကမှ အေးအေးဆေးဆေးမနေကြဘဲ၊ ဘာလို့ ဖျက်လိုဖျက်ဆီးလုပ်ချင်ကြတာလဲ"ဟု ပြောလာခဲ့လျှင်... ကျွန်မ တစ်ခွန်းတည်းသောမေးခွန်းသာ မေးဖြစ်ပါလိမ့်မည်... "အကယ်၍ ရှင်သာ ဒီလို နိုင်ထက်စီးနင်းနဲ့ အေးဓားပြတိုက်ခံရတဲ့ ကယားလူမျိုးဖြစ်ခဲ့လျှင် ဘာဆက်လုပ်မလဲ"ဟူ၍...

s0wha1

+++

*သက်ကယ် = အိမ်အမိုးမိုး၍ရသော မြက်ပင်ရှည်တမျိုး၊ ကျွန်မတို့အရပ်တွင် သက်ကယ်ပင်ကို ရက်၍ အိမ်အမိုးမိုးတတ်ကြသည်... (ကျွန်မ နားလည်သလို ရှင်းပြထားခြင်း)

ပေါ်တာဆွဲခြင်းကို မသိသူများ ကိုကလိုစေးထူးရဲ့ မရဏလမ်းမှ လားတူ လူသားများ ၊ မရဏလမ်းမှ အသက်တချောင်း နှင့် မြေမြုပ်မိုင်းအကြောင်းအနည်းအကျဉ်းပါသည့် မြေကြီးထဲမှ နတ်ဆိုး တို့တွင် သွားရောက်ဖတ်ရှုနိုင်ပါသည်...

ဒီချိန်ဆို...(ဒုတိယပိုင်း)

ဒီချိန်ဆိုပို့စ်မှာ အန်တီငြိမ်းနဲ့ မမေက ကယားပြည်နယ်ရဲ့ ပညာရေးပုံစံ အခြေအနေတွေ ထည့်ရေးဖို့ ကွန်မန့်ရေးပြီး အကြံပေးတဲ့အတွက် ဒုတိယပိုင်းအနေနဲ့ ကျွန်မ ငယ်ဘ၀အကြောင်းနဲ့ ဆရာ၊ ဆရာမတွေ အကြောင်း အနည်းငယ်ရောပြီး ဆက်ရေးလိုက်ပါတယ်...

တင်တင်ဌေး၊ ဆရာမ၊ me၊ မိုးကလျာအိ

သုံးတန်းနှစ် အတန်းပိုင်ဆရာမ ဒေါ်ဘေဘီ၊ ကျွန်မသူငယ်ချင်း နှစ်ယောက်ဖြစ်တဲ့ မိုးကလျာအိ၊ တင်တင်ဌေးတို့နဲ့အတူ ရိုက်ထားတဲ့ တစ်ပုံတည်းသော အမှတ်တရ ဓာတ်ပုံပါ... အဲဒီနေ့က အာစရိယ ပူဇော်ပွဲနေ့လေ... ကျွန်မတို့ဆီမှာ အာစရိယပူဇော်ပွဲ ကျင်းပတဲ့နေ့ဆို အရမ်းပျော်ဖို့ကောင်းပါတယ်... ကျောင်းသားတိုင်းလည်း မပျက်မကွက်လာကြတယ်... အဲဒီနေ့ မနက်ပိုင်းမှာ သူငယ်တန်းကနေ ၈တန်း ကျောင်းသားထိ ကျောင်းခန်းမကျယ်ကြီးရဲ့ ကြမ်းပြင်ပေါ် တစုတဝေးထဲထိုင်လို့ စင်ပေါ်မှာ ထိုင်နေကြတဲ့ ကျောင်းမှာရှိသမျှ ဆရာ၊ ဆရာမတွေကို ရိုသေစွာ ကန်တော့ကြပါတယ်... (တကယ်တော့ ကျောင်းခန်းမဆိုတာက မြို့ကျောင်းတွေမှာလို သီးသန့်ရှိတာ မဟုတ်ပါဘူး... စာသင်ခန်း သုံး၊ လေးခန်းကို နံရံတွေ ဖယ်လိုက်တော့ ဧရာမကျောင်းခန်းမ ဖြစ်သွားတော့တာပေါ့...) ပြီးရင်တော့ ကျောင်းသား၊ ကျောင်းသူတွေရဲ့ ပြဇာတ်တွ၊ အကတွေနဲ့ မြိုင်မြိုင်ဆိုင်ဆိုင်ကြီး ဖျော်ဖြေပွဲ စတင်တယ်... ကျောင်းဝန်းထဲမှာလည်း မုန့်လာရောင်းတဲ့လူတွေနဲ့ စည်ကားနေတယ်... ကျွန်မတို့ဆီမှာ ပျော်ပွဲရွှင်ပွဲက ရှားပါးလေတော့ ဒါမျိုး ကျောင်းကပွဲကိုလည်း အနီးအပါးက မိဘပြည်သူတွေ လာကြည့်ကြတာပါပဲ... ဒီလိုနေ့ဆို ကျွန်မတို့ရွာရဲ့ တစ်ဦးတည်းသော ဓာတ်ပုံဆရာလည်း လက်မလည်အောင် ဓာတ်ပုံရိုက်ပေးရပြီပေါ့... ဓာတ်ပုံဆရာက တခြားလူတော့ မဟုတ်ပါဘူး... တရုတ်ကုန်စုံဆိုင်ဖွင့်ထားတဲ့ တရုတ်မိသားစုထဲက အစ်ကိုကြီး တစ်ယောက်ပါ... သူ့ကို ဓာတ်ပုံမောင်မောင် လို့ခေါ်ကြတယ်... ဒီပုံကလည်း သူရိုက်ပေးတာပေါ့... ကျွန်မတို့ နောက်ဘက်မှာ ဖြတ်သွားတဲ့ ကျောင်းသူ နှစ်ယောက်ကလွဲပြီး လူမရှိတဲ့ ကျောင်းဝန်းကြီးပုံပေါက်နေလို့ ဇဝေဇ၀ါတော့ ဖြစ်မသွားကြပါနဲ့... လူတွေက ကျွန်မတို့ ဘယ်ဘက်ခြမ်း အောက်ဘက်က ကျောင်းခန်းမကြီး ပတ်ဝန်းကျင်မှာ ရောက်နေကြလို့ပါ... ကျွန်မတို့ ဓာတ်ပုံရိုက်တဲ့ နေရာကတော့ ကျောင်းဆိုင်းဘုတ်ရှေ့၊ နိူင်ငံတော် အလံအောက်၊ ကျွန်မတို့ ကစားကွင်းလို့လည်း ပြောလို့ရတဲ့၊ တနင်္လာနဲ့ သောကြာနေ့မနက်တိုင်း စုဝေးတန်းစီရာ ကွင်းပြင်နေရာလည်းဖြစ်တဲ့ ကုန်းမို့မို့ပေါ်မှာပါ...

ကျွန်မတို့ လောဓလေး အ.လ.က ကျောင်းက တောင်ပေါ်ရွာကျောင်းပေမဲ့ စည်းကမ်းကြီးတဲ့ကျောင်းအဖြစ် နာမည်ကြီးပါတယ်... အဲဒီတုန်းက ၄ တန်းနဲ့ ၈ တန်းနှစ်တွေက အစိုးရစစ်စာမေးပွဲတွေဖြစ်လေတော့ ကျွန်မတို့ကျောင်းက ကယားပြည်နယ် တစ်ပြည်နယ်လုံးမှာ အောင်ချက်အကောင်းဆုံး ကျောင်းထဲမှာ ပါဝင်တယ်... နှစ်စဉ်နှစ်တိုင်း ကျွန်မတို့ ကျောင်းအုပ်ဆရာမကြီး ဒေါ်ရင်ရင်ဟာ လွိုင်ကော်မြို့ပေါ်တက်ပြီး ဆုသွားယူရလေ့ရှိပါတယ်... ရတဲ့ ဆုတွေကလည်း မနည်းပါဘူး... ကျောက်ဆည်သူ ဆရာမကြီးရဲ့ အုပ်ချုပ်မှုကောင်းလို့လည်း ကျွန်မတို့ကျောင်းအနေနဲ့ ဒီလို ဂုဏ်ရှိနေတာ ထင်ပါရဲ့...

ကျွန်မတို့အိမ်က ဆရာမကြီး ဒေါ်ရင်ရင်၊ လောဓလေးဆေးရုံမှာ တာဝန်ကျတဲ့ မန္တလေးဇာတိ ဆရာဝန်မမိသားစုအိမ်တို့နဲ့ နီးလေတော့ ကျွန်မတို့ မိသားစုနဲ့ သူတို့ မိသားစုတွေက အလွန်ရင်းနှီးကြတယ်... အရင်ဆုံး ကျွန်မတို့အိမ် တည်နေရာကို ပြောပြချင်တယ်... တိုက်ကုန်းအ၀င်လမ်းအတိုင်း ကြည့်မယ်ဆိုရင် ကျွန်မတို့အိမ်က ဘယ်ဘက်ခြမ်း၊ လမ်းနှစ်လမ်းဆုံ ထောင့်မှာရှိတယ်... ကျွန်မတို့တိုက်ကုန်းအိမ်တွေက ခြံဝင်းကျယ်ကျယ်ထဲက အ၀ါရောင် တစ်ထပ်တိုက်ပုလေးတွေပါ... ဂျပန်တွေ စစ်လျော်ကြေးအနေနဲ့ လောပိတ စက်ရုံကြီးနဲ့ အင်ဂျင်နီယာအရာရှိတွေ အိမ်နေရာကို ဆောက်လုပ်ပေးခဲ့တာလို့ သိရပါတယ်... အဲဒီတော့ ကျွန်မတို့ တိုက်ကုန်းကအိမ်တွေရဲ့ အိမ်ရှေ့မျက်နှာစာတွေအားလုံး အရှေ့ဘက်ကို လှည့်ထားပါတယ်... ဒီတော့ ကျွန်မတို့အိမ်က အနောက်ရပ်ဖြစ်တဲ့ တိုက်ကုန်းလမ်းမဘက်ကို ကျောပေးထားပြီး ဆရာဝန်မ မိသားစု အိမ်ဘက်ကို မျက်နှာမူထားတယ်... (ကျွန်မတို့ ခြံတံခါး ၀င်ပေါက်က အိမ်ကျောပေးထားတဲ့ တိုက်ကုန်းကားလမ်းမဘက်မှာ ရှိလေတော့ အိမ်ထဲကို ကွေ့ပြီး ၀င်ရတယ်...) အဲဒီဆရာဝန်မတို့ အိမ်နဲ့ မျက်နှာချင်းဆိုင်မှာ (စက်ရုံသွားရာ ကားလမ်းခြားလျက်) ကျောင်းအုပ်ဆရာမကြီးတို့ အိမ်ပါပဲ... ဆရာမကြီးတို့ အိမ်အနောက်ဘက်ကတော့ ကျွန်မတို့ရဲ့လောဓလေးကျောင်းပါ... ဆရာဝန်မအိမ်၊ ကျောင်းအုပ်ဆရာမကြီးအိမ်နဲ့ တခြား ၀န်ထမ်းအိမ်တွေက ဂျပန်တွေဆောက်လုပ်သွားတဲ့ အိမ်မဟုတ်လို့လားမသိဘူး ကျွန်မတို့အိမ်တွေနဲ့ မတူပါဘူး... ပြောရရင်တော့ တိုက်ကုန်းက အိမ်တွေကလွဲရင် ကျန်တဲ့ ၀န်ထမ်းအိမ်တွေ အကုန်လုံး ပျဉ်ထောင်သွပ်မိုးအိမ်တွေသာဖြစ်ပြီး လမ်းမတွေဘက်ကို မျက်နှာမူထားကြတယ်... ဒီလိုဆိုရင်တော့ ကျွန်မတို့ အိမ်သုံးအိမ်ရဲ့ တည်ရှိပုံကို သိနိုင်ပြီ ထင်ပါရဲ့...

မြို့နေလူအများစုက နယ်ကျောင်းတွေရဲ့ ပညာရေးအခြေအနေကို ညံ့လိမ့်မယ်လို့ ထင်ထားတတ်ကြတယ်... တကယ်တော့ နယ်တွေမှာ တကယ်တော်၊ တကယ်တတ်တဲ့ ဆရာ၊ဆရာမတွေ အများကြီးပါ... သူတို့သင်ပေးရတဲ့ ဘာသာရပ်ကို ကျွမ်းကျင်တတ်မြောက်ထားတဲ့ ဆရာတွေက များပါတယ်... အင်္ဂလိပ်စာ သင်တဲ့ ဆရာ၊ ဆရာမဆိုရင် အင်္ဂလိပ်လို ပီပီသသနဲ့ သဒ္ဒါမှန်မှန် ကျွမ်းကျင်စွာ ပြောတတ်ကြတယ်... ဒီလိုပါပဲ ဆိုင်ရာဆိုင်ရာ ဘာသာရပ် ဆရာ၊ ဆရာမတွေကလည်း သူတို့နည်း သူတို့ဟန်နဲ့ တော်ကြပါတယ်... သူတို့ သိထား၊ နားလည်ထားသမျှကို အစွမ်းကုန် စေတနာပါပါနဲ့ တကယ်တတ်အောင်၊ နားလည်အောင် သင်ပေးကြတာပါ... "ပီတိကို စား၊ အားရှိပါ၏"... "တပည့်မရှား၊ တပြားမရှိ"... "စေတနာ၊ ကရုဏာ၊ အနစ်နာ" ဆိုတဲ့ နာသုံးနာနဲ့ ပြည့်ဝတဲ့ ဆရာတွေကို နယ်ကျောင်းတွေမှာ တွေ့ရမှာပါ... တောထဲမှာ လာနေရတဲ့ ၀န်ထမ်းချင်းတူတူ သူတို့တွေရဲ့ဘ၀က စက်ရုံဝန်ထမ်းတွေထက် ပိုဆိုးပါတယ်... ဆရာ၊ ဆရာမတွေဟာ တနင်္ဂနွေ တပတ်ခြားတခါ စက်ရုံဝန်ထမ်းတွေအတွက် စီစဉ်ပေးတဲ့ကားနဲ့ လွိုင်ကော်ကို ဈေးဝယ် ကားကြုံ ခိုကပ်ပြီး လိုက်စီးရတတ်တယ်... ပညာရေးဌာနဆိုတော့ EPC က မော်တော်ယာဉ်ဌာနလိုမျိုး အဖွဲ့အစည်းအထောက်အပံ့မှ မရှိဘဲ...

ကျွန်မတို့ဆီမှာ နှစ်ဝက်ကျိုးလောက်မှ ပုံနှိပ်စာအုပ် အပြည့်အစုံနဲ့ စာသင်ရတတ်ပါတယ်... တခါတလေ နှစ်သာကုန်သွားတယ် ဖတ်စာအုပ်မရလိုက်တဲ့ ကျောင်းသားတွေလည်း ရှိပါတယ်... များသောအားဖြင့်တော့ ကျောင်းသားဦးရေအလိုက် မှာထားတဲ့ စာအုပ်အရေအတွက်အတိုင်း မရောက်လာတတ်ပါဘူး... ဒီလိုခါမျိုးမှာ ဆရာတွေက မဲချပြီး စာအုပ်ဝေပေးပါတယ်... ကျွန်မအမေက လ တိုင်းလိုလို ရန်ကုန် ပြန်တတ်လေတော့ ကျွန်မတို့အတွက် ဖတ်စာအုပ်အဟောင်းတွေ ၀ယ်လာပေးပါတယ်... အဲဒီတော့ ကျောင်းစစတက်တဲ့နေ့ထဲက ကျွန်မတို့မှာ ဖတ်စာအုပ်ရှိနေတတ်တယ်... စာအုပ်သစ်တွေ မရမချင်း မပူမပင်သုံးလို့ရတာပေါ့... တချို့သော သူငယ်ချင်းတွေကလည်း သူတို့အစ်မတွေ၊ အစ်ကိုတွေရဲ့ ဖတ်စာအုပ်ဟောင်းတွေ သုံးကြတယ်... စာအုပ်သစ်မ၀ယ်နိုင်လို့ စာအုပ်ဟောင်းပဲ သုံးပြီး စာသင်နှစ်တနှစ် ပြီးသွားတဲ့ သူတွေလည်း အများကြီးရှိပါတယ်...

မှတ်မှတ်ရရ ကျွန်မတို့ ၅ တန်းနှစ်မှာ အထွေထွေသိပ္ပံဘာသာရပ်ကို သင်ရပြီဆိုတော့ ကွန်ပါဘူးတွေကိုင်ရပြီပေါ့... ကျွန်မပြောတဲ့ ကွန်ပါဘူးကို သိတယ်မလား... ထောက်ချွန်၊ ထောက်ဆူး၊ စက်ဝိုင်းခြမ်းတို့ ပါတဲ့ ကွန်ပါဘူးလေ... အဲဒီနှစ်က ကျွန်မတို့ကျောင်းက ကျောင်းသားအရေအတွက်အတိုင်း ကွန်ပါဘူး မရပါဘူး... ဒီတော့ ဆရာမက မဲနှိုက်ခိုင်းဖို့ ပြင်ဆင်ပါတယ်... ဗလာမဲ ၁၀ မဲပါ... အပြင်မှာဝယ်ရင် ဈေးကြီးတဲ့အတွက် ကျောင်းကရတာပဲ လူတိုင်း လိုချင်လေတော့ ရင်တထိတ်ထိတ်နဲ့ မဲ စ နှိုက်ကြတယ်... ဈေးနှုန်းအတိအကျမမှတ်မိတော့ပေမဲ့ အပြင်ပေါက်ဈေးနဲ့ အစိုးရဈေး ထက်ဝက်လောက်ကွာတာတော့ မှတ်မိနေတယ်... ဆရာမက နာမည်စဉ်လိုက်အတိုင်း ကျောင်းသားတွေ တစ်ယောက်ချင်းခေါ်ရင်း မဲနှိုက်ခိုင်းတာ မဲပေါက်တဲ့လူကပျော်၊ မဲမပေါက်တဲ့လူက မျက်နှာပျက်နဲ့ ကြည့်ရတဲ့ လူမှာလည်း ရင်မောရပါတယ်... ဒီလိုနဲ့ ဗလာမဲ ၉ မဲ အထိ ကျောင်းသားတွေ နှိုက်ပြီးကြပါပြီ... နောက်ဆုံး ကံဆိုးသူက ဘယ်သူဖြစ်လေမလဲလို့ အားလုံးကလည်း စိတ်ဝင်စားနေတယ်... တကယ်တော့ ဒီဗလာမဲတစ်မဲသာ တစ်ယောက်ယောက်ပေါက်သွားရင် ကျန်တဲ့လူတွေက မဲဆက်နှိုက်စရာမလိုတော့ဘဲ ကွန်ပါဘူးတွေ ပိုင်ဆိုင်ရတော့မှာလေ... မကြာခင် ကျွန်မအလှည့်ကို ရောက်လာလေတော့ စိတ်လှုပ်ရှားစွာနဲ့ ဆရာမ ရှိရာသွားလို့ မဲတွေကို ကျွန်မ စိတ်ကြိုက်သေချာရွေးပြီး နှိုက်လိုက်ပါတယ်... ကျွန်မ ရွေးချယ်ထားတဲ့ မဲလိပ်လေး ဖြည်နေတဲ့ ဆရာမကို မျက်နှာငယ်လေးနဲ့ ဒါပေမဲ့ မျှော်လင့်ချက်အပြည့်နဲ့ ကျွန်မမော့ကြည့်ရင်း ရင်တွေတဒိန်းဒိန်းနဲ့ပေါ့... တသက်မှာ တခါ ကျွန်မ ၀မ်းအနည်းရဆုံးနေ့ကို ပြောပါဆိုရင် အဲဒီနေ့လေးကိုပဲ ကျွန်မ ပြောမိပါလိမ့်မယ်... ပေါက်မဲတွေ အများကြီးထဲက တစ်ခုတည်းသော ဗလာမဲကို သေချာပိုင်နိုင်စွာ ရွေးချယ်လိုက်တဲ့ ကျွန်မမှ မကြေကွဲရင် ဘယ်လိုလူမျိုး ကြေကွဲမလဲလေ...

အိမ်ကိုပြန်ရောက်တဲ့အခါ တနေ့တာ အတွေ့အကြုံတွေ ပြန်ပြောပြတတ်တဲ့ ကျွန်မတို့မောင်နှမတွေ အကျင့်အတိုင်း အဲဒီနေ့မနက်ကအကြောင်း ကျွန်မအဖေကို ဘာမှ မခံစားရသလို တည်တည်ငြိမ်ငြိမ်နဲ့ ပြောပြခဲ့ပါတယ်... တကယ်တော့ ကျွန်မရင်ထဲက ၀မ်းနည်းမှုအတိုင်းအတာကို ကျွန်မကိုယ်တိုင်ပဲ သိနိုင်မယ်ထင်ပါရဲ့... ခုပြန်တွေးကြည့်တော့လည်း ကျွန်မက အဲဒီအရွယ်ထဲက ကိုယ့်ခံစားချက်ကို မထုတ်ပြဘဲ ဟန်ဆောင်တတ်နေပါလားပေါ့... နောက်တနေ့မှာ ကျွန်မ ကွန်ပါဘူးအသစ်လေးရပါတယ်... အဖေ လွိုင်ကော်မြို့ပေါ်တက်ပြီး ၀ယ်လာတဲ့ ကွန်ပါဘူးလေးဟာ ကျောင်းကလူတွေ ရတဲ့ ကွန်ပါဘူးနဲ့ တသဝေမတိမ်း တူပါရဲ့နဲ့ ကျွန်မ မပျော်နိုင်ခဲ့ပါဘူး... ကွန်ပါဘူးလေးကို ကြည့်ပြီး ၀မ်းသာရမယ့်အစား ဈေးသက်သက်သာသာနဲ့ ရမယ့်အရာတခုကို ဈေးကြီးပေးဝယ်ရတဲ့အတွက် ကျွန်မစိတ်ထဲမှာ ပိုလို့ဝမ်းနည်းမိပါတယ်... ကျွန်မထင်တယ်လေ... ကျွန်မသာ ပထမဆုံး ဗလာမဲ ပေါက်သူဆိုရင်တောင် ကျွန်မ ဒီလောက် စိတ်မကောင်းဖြစ်မှာ မဟုတ်ဘူးလို့...

s0wha1

ဒီချိန်ဆို...

ဒီချိန်ရောက်ရင် ကျွန်မတို့ လောဓလေးက အ.လ.က ကျောင်းကြီးလည်း ဖွင့်ပြီလေ... ကျွန်မတို့ ကျောင်းဖွင့်ချိန် ပထမဆုံး ကျောင်းတက်ရက် မတိုင်ခင်ညဆို စိတ်လှုပ်ရှားပြီး အိပ်လို့တောင် မပျော်တဲ့အဖြစ်ကို ပြန်လည် တွေးတောမိရင်း ကျွန်မ နယ်မှာ ကျောင်းတက်ခဲ့ရတဲ့ကာလကို မြင်ယောင်လွမ်းဆွတ်နေမိတယ်...

ဇွန်လရဲ့ တခုသော တနင်္လာနေ့ မနက် ၈ နာရီလောက်မှာ အဖြူ၊အစိမ်း ၀တ်စုံလေး ကိုယ်စီဝတ်လို့ တက်ကြွတဲ့ ခြေလှမ်းတွေနဲ့ ကျောင်းသား၊ ကျောင်းသူတွေ ကျောင်းဝင်းထဲကို တဖွဲဖွဲ ရောက်ရှိလာကြပြီပေါ့... နွေကျောင်းပိတ်ရက် ၃ လလောက် ခွဲခွါနေရတဲ့ သူငယ်ချင်းတွေ သူ့ထက်ငါ အရင်ဦးအောင် နှုတ်ဆက် အော်ဟစ်နေကြတာ ကျောင်းတော်ကြီး တခုလုံး လူသံတွေနဲ့ တဝေါဝေါ ဖြစ်လို့ပါပဲ... မနက် ၉ နာရီ ကျောင်းတက် ခေါင်းလောင်းထိုးသံကြီး ပေါ်ထွက်လာချိန်မှာတော့ ကျောင်းခန်းထဲကို အလုအယက် တရုန်းရုန်းနဲ့ ပြေးလွှားကြပုံကိုလည်း မြင်ကြရမှာပါ... နောက်တကြိမ် သံချောင်းခေါက်သံအပြီးမှာ တညီတညာထဲ သံပြိုင်သီဆိုလိုက်ကြတဲ့ ကမ္ဘာမကြေ နိုင်ငံတော် သီချင်းသံကို မိုးလုံးဟိန်းမျှ ကြားကြရပါလိမ့်မယ်... နိုင်ငံတော် သီချင်းသီဆိုချိန်မှာ ကျောင်းသား၊ ကျောင်းသူများမှ အစ၊ ဆရာ၊ ဆရာမများအားလုံး အဆုံး ရောက်ရာနေရာမှာ သတိဆွဲပြီး သီဆိုကြရပါတယ်... ကျောင်းပေါက်အ၀င်ဝမှာပဲ ရှိနေသေးရင်လည်း ကျောင်းပေါက်ဝမှာ၊ ယုတ်စွအဆုံး အိမ်သာရှေ့ရောက်နေလည်း အိမ်သာရှေ့မှာပဲ ခြေစုံရပ်နေရပါတယ်... မတော်တဆများ ကိုယ်သွားလိုရာကို ဆက်သွားနေခဲ့မယ်ဆိုရင် စည်းကမ်းကြီးလှတဲ့ ကျောင်းအုပ်ဆရာမကြီးရုံးခန်း မကြာခင် ရောက်ဖို့သာ ပြင်ထားပါတော့...

နိုင်ငံတော်သီချင်း သီဆိုပြီးချိန်မှာ ကျောင်းခန်းထဲ မရောက်သေးတဲ့ သူများ ကိုယ့်အခန်းရှိရာ အပြေးတပိုင်း လျှောက်လှမ်းလာကြပုံ၊ စာသင်ခန်းတွေမှာ အတန်းပိုင်ဆရာ၊ ဆရာမတွေကို ညီညာဖြဖြ နှုတ်ဆက်နေကြပုံတွေက အမြင်တမျိုး ထူးခြားနေပါလိမ့်မယ်... ဒေသခံ တောင်ရိုးလူမျိုး၊ ကယားလူမျိုးတွေက ဗုဒ္ဓဘာသာဝင်တွေဖြစ်သော်လည်း အဲဒီမှာရှိတဲ့ ကရင်လူမျိုးတိုင်းက ခရစ်ယာန် ဘာသာဝင်တွေဖြစ်လေတော့ မြို့ကျောင်းတွေမှာလို ဗုဒ္ဓဘုရားစင်ရှိပေမဲ့ ဘုရားမရှိခိုးခဲ့ရပါဘူး... ဒါကြောင့် ၆ တန်းနှစ် မြို့ကျောင်း တက်ရချိန်မှာ နိုင်ငံတော် သီချင်းမသီဆိုရတော့ပေမဲ့ ဘုရားရှိခိုးခဲ့ရပါတယ်... ဩကာသဘုရားရှိခိုးနဲ့ သမ္ဗုဒ္ဓေ္ဓဂါထာကလွဲရင် ဘာမှ မရွတ်တတ်တဲ့ကျွန်မ မနက်ကျောင်းတက် ဘုရားရှိခိုးချိန်ဆို "ဤသို့ပြုရ မြတ်ပုံည" အစချီတဲ့ အမျှဝေပိုဒ်ကို ရောက်ရင် လိုက်ယောင်ဝါးချရတဲ့ ဒုက္ခကြုံရပါတော့တယ်... နောက်ပိုင်းမှာ ယောင်ဝါးချရင်းနဲ့ ရွတ်တတ်သွားတဲ့အပြင် ကျောင်းအားရက်တွေမှာ ဒီလို ထပ်အရှက်မကွဲရလေအောင် ဘုရားစာ တော်တော်များများလေ့လာ၊ ကျက်မှတ်ဖြစ်တာကို မှတ်မိနေပါသေးတယ်...

၄၅မိနစ်စီနဲ့ စာသင်ချိန် နှစ်ချိန်အပြီး မနက် ၁၀နာရီခွဲလောက်မှာ မုန့်စားဆင်းချိန်ကို ရောက်လာပါပြီ... ၁၅ မိနစ်ဆိုတဲ့ အချိန်လေးမှာတောင် အလုအယက် ခုန်ပေါက်ကစားနေကြတဲ့ မူလတန်းအရွယ် ကျောင်းသားလေးတွေထဲမှာ ကျွန်မလည်း အပါအ၀င်ပေါ့... ၁၀နာရီ ၄၅မိနစ် သံချောင်းခေါက်သံ အဆုံးမှာတော့ မီးကို ရေနဲ့ ငြိမ်းလိုက်သလို ကျောင်းတော်သာကြီး တခုလုံး ယာယီတိတ်ဆိတ်သွားပါတယ်... ပြီးနောက် စာအံသံတွေနဲ့ အချိန်ပြောင်း သံချောင်းခေါက်သံတွေပဲ ကျောင်းကြီးကို လွှမ်းမိုးနေပါတော့တယ်... ဒီလိုနဲ့ နေ့လယ် ၁၂ နာရီ ရွာထဲက ကျောင်းသားတွေ ကိုယ့်အိမ်ကိုယ် ထမင်းစားပြန်ကြချိန်မှာ လောပိတ၊ ၁၀မိုင်ကုန်း၊ No.1 အစရှိတဲ့ ရွားနီးချုပ်စပ်က ကျောင်းသားတွေကတော့ အိမ်က ထမင်းဘူးကိုယ်စီသယ်လာလို့ ကိုယ့်အုပ်စုနဲ့ကိုယ် စားကြဖို့ ပြင်ဆင်နေချိန်ဖြစ်ပါတယ်...

ကျွန်မတို့အိမ်နဲ့ ကျောင်းက အိမ်တစ်လုံးပဲ ခြားလေတော့ အိမ်ပြန် ထမင်းအမြန်စားလို့ ကျောင်းကို ပြန်ပြေးပါတယ်... ၁ နာရီမှ ကျောင်းပြန်တက်မှာဆိုတော့ကာ ကျွန်မ ကစားဖို့ အချိန်ပိုရအောင်လို့လေ... ကျောင်းမှာ သူငယ်ချင်းတွေ စုံရင်တော့ မျောက်မူးလဲအောင်ကဲတဲ့ ကျွန်မတို့ရဲ့ ကစားပွဲကြီး စတင်ပါတယ်... မောလာရင်တော့ တချို့သူငယ်ချင်းတွေက နေ့လယ်အပြန် လွယ်အိတ်တစ်လုံးအပြည့် ဘယ်ကနေ ခူးလာမှန်းမသိတဲ့ မာလကာသီးတွေကို အားရပါးရစားကြပါတယ်... မန်ကျည်းသီး သီးချိန်ဆိုရင်တော့ မန်ကျည်းသီးစိမ်းတွေကို ခူးလာကြပြန်ပါရော... ကျွန်မအထင် ကျောင်းလာရာ လမ်းတလျှောက် တွေ့သမျှသစ်ပင်ပေါ် တက်ခူးခဲ့ကြပုံပါပဲ... သူတို့က မန်ကျည်းသီးစိမ်းတင် သယ်လာတာမဟုတ်ပါဘူး... ဆား၊ ငရုတ်သီးမှုန့်၊ ငရုတ်သီးစိမ်းစပ်စပ် ရောထားတာလေးကို စက္ကူလေးနဲ့ ထုပ်လို့ သယ်လာကြတာပါ... အဲဒီရောသမမွှေလေးကို မန်ကျည်းသီးနဲ့ တပျော်တပါးကြီး တို့စားကြပါတော့တယ်... ဒါဟာ ပိုက်ဆံရှိလို့ စားချင်တယ်ဆိုရင်တောင်မှ စားစရာဆိုင်မရှိတဲ့ ကျွန်မတို့ဒေသမှာ ရှိသမျှ သဘာဝအသီးအနှံလေးတွေနဲ့ ဖန်တီးထားတဲ့ ဒေသခံသရေစာ တမျိုးပဲပေါ့... အဲဒီမှာ နေတာကြာလို့ ရရှိလာတဲ့ အကျိုးဆက်ကတော့ ခုချိန်ထိ ကျွန်မတို့ မောင်နှမတတွေ သရေစာထက် ထမင်း၊ ဟင်းကို ပိုနှစ်သက်ကြတာပါပဲ... တနေ့၊ တနေ့ ဘယ်နှစ်ကြိမ်မြောက်မှန်းမသိ ထမင်းစားတတ်ကြပါတယ်... မနက်စောစော အဆာပြေကိုလည်း ထမင်းပဲ စားလေ့ရှိကြတယ်...

နေ့လယ် ၁ နာရီ ကျောင်းပြန်တက်ပါပြီ... ညနေ ကျောင်းဆင်းချိန် ၃နာရီ ၄၅ ထိ အားလပ်ချိန် မပေးတော့ပါဘူး... ထုံးစံအတိုင်း စာအံသံတွေကပဲ ကျောင်းဝန်းအတွင်း မင်းမူနေပါတယ်... ညနေပိုင်း နောက်ဆုံး စာသင်ချိန် နှစ်ချိန်မှာ တချို့အတန်းကြီးတွေရဲ့ ကြို/သက် ဘာသာရပ် လက်တွေ့ချိန်ဖြစ်လေတော့ သူတို့တွေ လတ်လျားလတ်လျား သွားလာလုပ်ကိုင်နေကြတာကို မြင်ရပါလိမ့်မယ်... ကြို/သက် ဘာသာရပ် ကို ကျွန်မတို့ကျောင်းက အလယ်တန်းကျောင်းသားကြီးတွေသာ သင်ယူရတာပါ... အဲဒီဘာသာရပ်ကို ၅ တန်းနှစ်မှာ ကျွန်မ သင်ယူခဲ့ရဖူးပါတယ်... မြန်မာတစ်နိုင်ငံလုံးအတွက် ပြဋ္ဌာန်းထားတဲ့ သင်ရိုးညွှန်းတမ်း ဘာသာရပ်တွေအပြင် ကျွန်မတို့ကျောင်းက အဲဒီအပို တစ်ဘာသာကိုလည်း မယူမဖြစ် သင်ယူရပါတယ်... ကြို/သက် ဘာသာရပ်က အသက်မွေးဝမ်းကျောင်းပညာရပ်ကို သင်ပေးတာပါ... ကျောင်းသူတွေကို အချက်အပြုတ်၊ အချုပ်အလုပ် သင်ပါတယ်... ကျောင်းသားတွေကိုတော့ ကြိမ်ထည်ပစ္စည်းမျိုးစုံလုပ်နည်း၊ လက်သမားပညာနဲ့ စက္ကူရုပ်ချိုးနည်း မျိုးစုံကို အတန်းပညာအလိုက် သင်ပေးပါတယ်... ပထမဆုံးနဲ့ နောက်ဆုံးသင်ခဲ့ရတဲ့ ကြို/သက်ဘာသာရပ်ဟာ ကျွန်မ ဘ၀မှာ အခက်ခဲဆုံး ဘာသာရပ် ဖြစ်ခဲ့တယ်... နားလည်ဖို့သာ အဓိကဖြစ်တဲ့ ဒီဘာသာရပ်ကို ကျွန်မက နှုတ်တိုက်ရအောင်သာ ကြိုးစားခဲ့တာကြောင့်ပါ... အပ်ချည်ကြိုးကို အပ်နဖားထဲထည့်ပြီး ကြိုးအဆုံးမှာ အထုံးလေး ထုံးရတဲ့အကြောင်းကိုတောင် ကျွန်မ အခေါက်ပေါင်း မရေတွက်နိုင်အောင် ကျက်မှတ်ခဲ့ရဖူးပါတယ်... ဒါတောင် ကောင်းကောင်းမရနိုင်လို့ ကျွန်မ အစ်မက ကူကျက်ပေးရတာ တသက်မမေ့စရာ အဖြစ်ပါပဲ...

၃နာရီ ၄၅ ရှိပါပြီ... သံချောင်းခေါက်သံကြားတာနဲ့ အိမ်စာပေးလိုက်တာ လုပ်ခဲ့ဖို့ ဆရာမ သတိပေးနေတာကိုလည်း ဘယ်သူမှ နားမထောင်ကြတော့ပါဘူး... သူ့ထက်ငါ အလုအယက် ကျောင်းပြင်ရောက်ဖို့သာ အဓိက ဖြစ်နေပါတယ်... ဆရာမက "ဟဲ့...နင်တို့အိမ်တွေက ထွက်ပြေးမှာ မဟုတ်ဘူး"ပြောလည်း နားမ၀င်တော့ပါဘူး... ရပ်ဝေးက ကျောင်းသားတွေကလည်း လာကြိုတဲ့ ကျောင်းကားပေါ် အလျင်အမြန်တက်လို့ အိမ်ရောက်ဖို့ပဲ စိတ်စောနေပါတော့တယ်... ကျောင်းနဲ့ နီးတဲ့ ကျွန်မတို့ မောင်နှမတတွေကတော့ အိမ်ကို အစောဆုံးပြန်ရောက်သူများ ဖြစ်မယ်ထင်ပါရဲ့... အိမ်ရောက်တာနဲ့ လွယ်အိတ်ကို ဘုတ်ခနဲ ချလို့ ကစားဖို့အတွက် တာစူပြန်ပါပြီ...

ညနေ ၄ နာရီလောက်ဆိုရင်တော့ တနေ့လုံး လှုပ်ရှားအသက်ဝင်နေတဲ့ ကျောင်းဝန်းကြီးဟာ တိတ်ဆိတ် ခြောက်ကပ်လို့ ကျန်ခဲ့ပြီပေါ့... ကျွန်းရွက်၊ ကြို့ပင်ရွက်တွေကို လေတိုးသံ၊ ငှက်လေးတွေရဲ့ တကျီကျီ အော်သံတွေသာ ကြားရပါတော့မယ်... မြေရိုင်းတွေ ပေါလှတဲ့ တောင်ပေါ်ဒေသမှာတော့ ကျွန်မတို့ ကျောင်းတော်ကြီးဟာ ကြီးမား ကျယ်ဝန်းလှပါတယ်... မြို့ကျောင်းတွေလို လေးဘက်လေးတန် တံတိုင်းကြီးတွေကြားက မြေနေရာလွတ်မရှိ ကျောင်းအဆောက်အဦးတွေ ပြည့်နေတာမျိုးမဟုတ်ဘူးလေ... ကျယ်ဝန်းလှတဲ့ ကျောင်းဝန်းထဲမှာ ကြီးမားလှတဲ့ ကစားကွင်း မြေကွက်လပ်တွေနဲ့အတူ ပျဉ်ထောင်သွပ်မိုး ကျောင်းအဆောက်အအုံလေးတွေက ဟိုနေရာတစု၊ ဒီနေရာတစုနဲ့ ခိုင်ခိုင်မာမာ တည်ရှိနေလေရဲ့...

ဒီလိုနဲ့ အင်္ဂါနေ့ မနက် ရောက်လာခဲ့ပြီလေ... ကျွန်မတို့ဆီမှာ တနင်္လာနဲ့ သောကြာနေ့ပဲ အဖြူ၊ အစိမ်း ၀တ်ကြရတာပါ... အင်္ဂါ၊ ဗုဒ္ဓဟူးနဲ့ ကြာသပတေးနေ့တွေမှာတော့ ကြိုက်ရာ အင်္ကျီကို ကြိုက်တဲ့ အရောင်နဲ့ ၀တ်ခွင့်ရှိပါတယ်... အဖြူ၊ အစိမ်း အင်္ကျီ တစ်စုံထက် ပိုမတတ်နိူင်တဲ့ တောသူတောင်သားတွေမို့ ဒီစနစ်ကို ကျင့်သုံးပုံရပါတယ်... ဆရာ၊ ဆရာမတွေကတော့ နေ့တိုင်း အဖြူ၊ အစိမ်း ၀တ်ကြရတယ်... အင်္ဂါနဲ့ ဗုဒ္ဓဟူးနေ့တွေက ပုံမှန်နေ့တွေအတိုင်း ပြီးဆုံးသွားပြန်ပြီပေါ့...

ကြာသပတေးနေ့ ရောက်ပါပြီ... ကျွန်မတို့ကျောင်းတွေမှာ နှစ်စဉ် အ၀ါသင်း၊ အစိမ်းသင်း၊ အနီသင်းနဲ့ အပြာသင်း ဆိုပြီး အသင်းတွေ ခွဲထားပေးပါတယ်... ကိုယ့်အသင်းအလိုက် တာဝန်ကျရာရက်မှာ ကိုယ့်စာသင်ခန်းကိုယ် သန့်ရှင်းရ၊ ကျောင်းဝန်းထဲမှာ အမှိုက်ကောက်တဲ့လူက ကောက်၊ သောက်ရေအိုးတွေ ရေဖြည့်သူက ဖြည့်နဲ့ တပတ်မှာ တရက် ကျရာတာဝန်ကို မတွက်ကပ်ဘဲ လုပ်ကြရတယ်... အိမ်သာဆေးတဲ့အခါလည်း အိမ်သာဆေးရတတ်ပါတယ်... ဒီလို ကိုယ့်အသင်း တာဝန်ကျရာ ရက်မျိုးမှာဆိုရင်တော့ မနက်စောစော ၇ နာရီလောက် ထပြီး ကျောင်းကို သွားရတာပေါ့... ငယ်ငယ်လေးထဲက အပြာရောင် ကြိုက်တဲ့ ကျွန်မက နှစ်တိုင်းမဟုတ်တောင် မဟာဗန္ဓုလအသင်းဆိုတဲ့ အပြာရောင်အသင်းသားပဲ ဖြစ်လေ့ရှိပါတယ်... ဒီနေ့ ကြာသပတေးဆိုတော့ ကျွန်မတို့ အသင်းတာဝန်ကျတဲ့နေ့မို့ မနက်စောစောထလို့ ကျောင်းကို သွားရပြီ...

သောကြာနေ့ကတော့ အသင်း ၄ သင်းလုံး စုပေါင်း တာဝန်ယူ သန့်ရှင်းရတဲ့ နေ့ပါ... ဒီလိုနေ့မှာ အဖြူ၊ အစိမ်း ဆင်တူဝတ်လို့ ကျောင်းရှေ့ ကွင်းပြင် အလံတိုင်ရှေ့မှာ သူငယ်တန်းကနေ ၈ တန်း ကျောင်းသားထိ အကုန်လုံးစုဝေးပြီး နိုင်ငံတော် သီချင်း သီဆိုကြရတာကတော့ တော်တော်ကြည်နူးဖို့ကောင်းပါတယ်... ပြီးရင်တော့ ဆရာမကြီးက မိန့်ခွန်းပြောလေ့ရှိတယ်... တနင်္လာနေ့နဲ့ သောကြာနေ့တိုင်း ဒီလို မနက်ပိုင်း စုဝေးတန်းစီရပါတယ်... ဆရာမကြီး မိန့်ခွန်းပြောပြီးရင် နှစ်ယောက် တစ်တွဲတန်းစီလို့ ကိုယ့်စာသင်ခန်းကိုယ် သွားကြရတယ်... ဘာကြောင့်မှန်းတော့ မသိဘူး ကျွန်မတို့ ကျောင်းသားတွေအားလုံး ဆရာမကြီးကို အလွန် ကြောက်ကြပါတယ်... ဆရာ၊ ဆရာမတွေဆိုလည်း ဆရာမကြီးနားရောက်ရင် ငြိမ်ငြိမ်ကုပ်ကုပ်လေး ဖြစ်နေတတ်ကြလေရဲ့... ဒီလိုနဲ့ နေ့လယ် ထမင်းစားချိန်ပြန်တက်ပြီးရင် ၄၅ မိနစ် တစ်ချိန်ပဲ စာသင်ရပါတယ်... ပြီးရင်တော့ သူငယ်တန်း၊ တစ်တန်းက လွဲလို့ ကျောင်းမှာရှိသမျှ ကျောင်းသားအားလုံး သန့်ရှင်းရေးလုပ်နေကြတာ မြင်ရပါလိမ့်မယ်... တစ်ပတ်ခြား တစ်ခါ သောကြာနေ့ညနေမှာ ကျောင်းဝန်းတခုလုံးကို မြက်နှုတ်၊ ပေါင်းသင်လုပ်ရတာဖြစ်လို့ အဲဒီနေ့ဆို ရပ်ဝေးက ကျောင်းလာတက်သူတွေက မနက်ကျောင်းလာချိန်၊ ရွာထဲက ကျောင်းလာတက်သူတွေက ထမင်းစားပြန်ချိန်တွေမှာ တောင်းတွေ၊ ပေါက်တူး၊ ပေါက်ပြား၊ မြက်ခုတ်ဓား စတဲ့ ကိုယ်သန်ရာသန်ရာ ပစ္စည်းတွေ ယူလာကြရတယ်... ဒီသန့်ှရှင်းရေးဟာ နာရီဝက်၊ မိနစ် ၄၀ လောက်သာကြာလေတော့ ကျွန်မတို့ ကျောင်းသားတွေအကြိုက် ကျောင်းစောစောလွှတ်တတ်တဲ့ နေ့မျိုးလည်း ဖြစ်ပြန်တယ်...

ကျွန်မတို့ သူငယ်ချင်း တသိုက်ကတော့ ဒီလို မြက်နှုတ်၊ အမှိုက်သိမ်း လုပ်နေရတာတောင် ကြံဖန်ကစားကြပါသေးတယ်... ကျောင်းဝန်းထဲမှာရှိတဲ့ ကျွန်းပင်ကြီးတွေနဲ့ အပင်တွေအားလုံးကို ပိုင်ဆိုင်တဲ့ လက်ဖက်ခြံပိုင်ရှင် သူဌေးမကြီး ငါးယောက်အနေနဲ့ ပျော်ပျော်ကြီး ကစားကြတာပါ... ပေါက်ပြားတွေပေါက်လို့၊ အမှိုက်တွေ ပစ်လို့ ကိုယ်စီကိုယ်စီ အလုပ်လုပ်နေကြတဲ့ ကျောင်းသားတွေဟာ ကျွန်မတို့ လက်ဖက်ရွက်တွေကို ဆွတ်ခူးနေတဲ့ ခြံအလုပ်သမားတွေ ဖြစ်သွားကြရပါရောလား... ဒီလို စိတ်ကူးလေးတယဉ်ယဉ်နဲ့ အလုပ်လည်းလုပ်၊ စကားလေး တပြောပြောနဲ့ ကစားနေလိုက်တာ မောတယ်ရယ်လည်း မခံစားရပါဘူး... ကြီးကြပ်နေတဲ့ ဆရာ၊ ဆရာမတွေက ပြန်ကြတော့ ပြောမှ ဖုတ်ဖက်ခါလို့ စနေ၊ တနင်္ဂနွေ နှစ်ရက်ပေါင်း အပီအပြင်ကစားဖို့ အားခဲရင်း အိမ်ကို ဒရောသောပါး ပြေးလာတဲ့ ဟိုးလွန်လေသော ဆယ်စုနှစ်တစုကျော်က ကျွန်မရဲ့ ပုံရိပ်ကို ပြန်လည် မြင်ယောင်ရင်း...

(၁၃နှစ်ကျော်ကျော် အဆက်အသွယ်မရှိတော့သော လောဓလေးက အချစ်ဆုံးသူငယ်ချင်း မိုးကလျာအိ၊ တင်တင်ဌေး၊ မြမြ၀င်းနဲ့ သန္တာလှိုင် တို့သို့ အမှတ်တရ...)

s0wha1

မမေရဲ့ ပထမဆုံးနေ့ ဆိုတဲ့ပို့စ်ကို ဖတ်ပြီး ဒီစာရေးဖို့ စိတ်ကူးရခဲ့ပါတယ်...


ဒီချိန်ဆို (ဒုတိယပိုင်း)

လောဓလေးနှင့် လောပိတ

ကျွန်မနေခဲ့ဖူးတဲ့ လောပိတ (၁) ဆိုတဲ့ပို့စ်နဲ့ ဖတ်ချင်ရာဖတ်ရန်မှာ ကျွန်မချစ်တဲ့ လောဓလေး လို့ Label နာမည် ပေးထားတာနဲ့ ပတ်သက်ပြီး ကျွန်မကို စာလုံးပေါင်း မှားနေတာလားလို့ လာမေးကြတဲ့လူ တော်တော်များပါတယ်... (တချို့က ကျွန်မချစ်တဲ့ လောပိတ မဟုတ်ဘူးလားတဲ့... တချို့ကလည်း လောဓလေ့ မဟုတ်ဘူးလားတဲ့... ဘာလို့ လောဓလေ့ မဟုတ်ဘူးလားလို့ မေးမှန်း ခုထိ ကျွန်မ နားမလည်ဘူး... လောဓလေးက ရွာနာမည်မှန်း မသိလို့ပြောတာဖြစ်မယ်ထင်ပါရဲ့... ကြုံမှ သူ့ကို ပြန်မေးကြည့်တော့မယ်...) အဲ့ဒီတော့ လောပိတနဲ့ လောဓလေး ကွာခြားချက်ကို ပို့စ်တစ်ခုအနေနဲ့ သီးသန့်ရေးပြီး ရှင်းပြဖို့ဖြစ်လာပါတယ်...

တကယ်တော့ လောဓလေး၊ လောပိတ ဆိုတာ သီးသန့်စီရှိတဲ့ ရွာနာမည်တွေပါ... လောဓလေးကျေးရွာက လောပိတ ကျေးရွာအုပ်စု ထဲမှာပါတဲ့ ရွာတစ်ရွာပါ... လောဓလေးမှာ ရှိတဲ့လူဦးရေထက် လောပိတမှာ နေထိုင်ကြတဲ့လူ ပိုများပါတယ်... အဲဒီတော့ လောပိတကို ကျေးရွာကြီးလို့ခေါ်နိုင်မယ်ထင်တယ်... ဒါပေမဲ့ လောပိတ ရေတံခွန်နဲ့ လောပိတ အမှတ် (၂) ရေအားလျှပ်စစ်စက်ရုံရှိတာက လောဓလေးကျေးရွာမှာပါ... ကျွန်မက ကျွန်မနေခဲ့တဲ့ လောဓလေးရွာအကြောင်း ရေးနေပေမဲ့ လောဓလေးလို့ ပြောရင် လူအများစု မသိမှာ စိုးလို့ လောပိတလို့ ရေးခဲ့တာပါ... တကယ်တန်း ကျွန်မတို့ နေထိုင်ခဲ့ရတာက လောဓလေးကျေးရွာမှာပါ...

ဒီထက် ရှင်းအောင်၊ မျက်လုံးထဲ မြင်လာအောင် ပြောရရင် ကျွန်မတို့ ကယားပြည်ရဲ့ မြို့တော် လွိုင်ကော်ကနေ လောဓလေးကို ၁၂ မိုင်ကျော်ဝေးပြီး ကားနဲ့ ၁ နာရီနီးပါး လာရပါတယ်... လမ်းမှာ တောင်ပေါ်ရွာလေး တစ်ရွာ၊ နှစ်ရွာနဲ့ တောအုပ်တွေပဲ မြင်ရမယ်... အဲဒီ လမ်းတလျှောက်မှာ စစ်ဆေးရေး ဂိတ် ၃ ဂိတ်ကို ဖြတ်ရပါတယ်... ၄င်း ဂိတ်တွေကို ရောက်ရင် ကားပေါ်က လူအကုန် လမ်းဆင်းလျှောက်ရတယ်... အင်ဂျင်နီယာအရာရှိ အများစုကတော့ ရွတ်ပြီး ကားပေါ်က မဆင်းဘဲ နေတတ်ကြပါတယ်... (အဲဒီလို လမ်းဆင်း မလျှောက်တဲ့အတွက် အစိမ်းရောင်ဝတ်တွေနဲ့ ပြဿနာ ဖြစ်ပေါင်းလည်း မနည်းပါဘူး... နောက်မှ ပို့စ်တစ်ခုအနေနဲ့ ကျွန်မရေးပါဦးမယ်...) ကားပေါ်က ရှိသမျှ ပစ္စည်းတွေကို သူတို့ပစ္စည်းမဟုတ်တိုင်း ကျိုးကျိုးပဲ့ပဲ့ အားရပါးရ လှန်လှောရှာဖွေတတ်ပါတယ်... လောပိတထဲကို လူစိမ်းအ၀င်မခံတဲ့အတွက် ဒီဂိတ်တွေက အပြင်လူ မ၀င်ရအောင် စီစစ်တားမြစ်တဲ့ နေရာတွေလို့ ပြောကြတာပဲ... ဒီတော့ တော်ရုံလူ လောပိတကို အလည်လာလို့တောင်မရပါဘူး... အရင်ကတော့ စစ်ဆေးရေးဂိတ်က ၁ ခုလောက်ပဲ ရှိတာပါ... နောက်တိုး စစ်ဆေးရေးဂိတ်တွေကတော့ ကရင်နီသူပုန်(စစ်အစိုးရ အခေါ်)တွေက နေရာချပေးခဲ့တာပါ... ကျွန်မပြောတာ ရှုပ်သွားမလား မသိဘူး... ဒီလိုလေ ချောင်းမြောင်းပစ်ခတ်မှုဖြစ်ခဲ့တဲ့ နေရာတွေ၊ ဓာတ်အားတိုင်တွေကို ဖျက်ဆီးခဲ့တဲ့နေရာတွေကို သူတို့က လုံခြုံရေးဂိတ် လုပ်လိုက်တာပါ... "သူခိုးပြေးမှ ထိုးကွင်းထ" ဆိုတဲ့ စကားပုံကို ကြားဖူးကြတယ် မဟုတ်လား...

ဒီလိုနဲ့ တတိယမြောက် စစ်ဆေးရေးဂိတ်ကို ကျော်လာအပြီး မိနစ် ၂၀ လောက် အကြာမှာ လောပိတ အမှတ် (၁) စက်ရုံ (ကျွန်မတို့ အခေါ် No.1) ကိုရောက်ပါတယ်... အမှတ် (၁) စက်ရုံက ရေတံခွန်ကို ပထမဆုံးတွေ့လို့ အမှတ်(၁) လို့ နာမည်ပေးပြီး နောက်မှ တွေ့တဲ့ လောပိတရေတံခွန်ကို အမှတ် (၂) လို့ မှည့်ခေါ်ခဲ့ကြပါတယ်... ဒါပေမဲ့ အမှတ်(၂) စက်ရုံကို အရင် ဆောက်ဖြစ်လို့ လျှပ်စစ်ဓာတ်အားထုတ်လုပ်နေပြီ ဖြစ်သော်လည်း အဲဒီချိန်မှာ အမှတ် (၁) စက်ရုံက စက်ရုံဆောက်ကာစ စီမံကိန်းကာလပဲ ရှိပါသေးတယ်... No.1 ပြီးရင် ၁၀ မိုင်ကုန်းပါ (လွိုင်ကော်နဲ့ ၁၀ မိုင်ပဲ ဝေးလို့) ၁၀ မိုင်ကုန်း ပြီးရင်တော့ လောပိတကို ရောက်ပါတယ်... (No.1 နဲ့ ၁၀ မိုင်ကုန်းကလည်း လောပိတကျေးရွာပါပဲ...) လောပိတကနေ နောက်ထပ် ၂ မိုင်လောက် ကားမောင်းလာပြီးမှ ကျွန်မတို့ No.2 ရှိရာ လောဓလေးကို ရောက်ပါတယ်... ပြောရရင်တော့ ကျွန်မတို့ရွာ(လောဓလေး)ဟာ ကတ္တရာလမ်းဆုံးရာ အစွန်ဖျားဆုံးရွာပါပဲ... ကျွန်မတို့ရွာ(လောဓလေး)ရဲ့ ဟိုမှာ ဘက်မှာ လေးအိမ်စု ကယားရွာလေးပဲရှိပါတယ်...အဲ့ဒါပြီးရင်တော့ လူမရှိတဲ့ တောကြီးမျက်မဲပဲ ကျန်ပါတော့တယ်...

ကျွန်မတို့ရွာ(လောဓလေး)က ရွာစွန်ရွာဖျား ဖြစ်သော်လည်း (လောပိတ စက်ရုံရှိလို့လား မပြောတတ်ဘူး...) အလယ်တန်းကျောင်း တစ်ကျောင်းနဲ့ အထက်တန်းကျောင်း တစ်ကျောင်းရှိပါတယ်... ပြီးတော့ ပြည်သူ့ဆေးရုံ နဲ့ ရုပ်ရှင်ရုံ တစ်ရုံလည်း (၁၉၉၀ နောက်ပိုင်း ရုပ်ရှင် မပြတော့ပါ...) ရှိတယ်... လောပိတ၊ No.1 ၊ ၁၀ မိုင်ကုန်းနဲ့ အနီးအပါးက လူတွေက ကျွန်မတို့ရွာ(လောဓလေး)မှာ ကျောင်းလာတက်ရ၊ ဆေးလာကုရတာပေါ့... သူတို့ရွာတွေမှာ မူလတန်းကျောင်းတွေတော့ ရှိကြပါတယ်... နောက်ပြီး လောပိတမှာက ၅ ရက် ၁ ဈေးလည်း ရှိတယ်... ကျွန်မတို့ ဝေးလံခေါင်သီတဲ့ တောင်ပေါ်ရွာတွေမှာ နေ့တိုင်း ရောင်းဝယ်ဖောက်ကားတဲ့ဈေး မရှိပါဘူး... ၅ရက်မှ တစ်ခါ အနီးအပါးရွာလေးတွေက ရောင်းတဲ့လူကရောင်း၊ ၀ယ်တဲ့လူက၀ယ်နဲ့ အဲဒီတမနက်ကတော့ စည်စည်ကားကား ဈေးလေးဖြစ်လို့ပေါ့... ကျွန်မတို့ဆီက ဈေးကွဲချိန်ဆိုတာ မနက် ၇ နာရီပါ... အဲဒီထက် ၁ နာရီကျော်လောက် နောက်ကျပြီးသာ ဈေးကို ရောက်သွားလို့ကတော့ ခြောက်သယောင်းနေတဲ့ ဈေးခုံတန်းနဲ့ အင်ဖက်တွေသာ တွေ့ရပါလိမ့်မယ်...

ကျွန်မတို့ရွာ(လောဓလေး)မှာတော့ ဘာဈေးမှ မရှိပါဘူး... ဒါပေမဲ့ ဗမာကုန်ခြောက်ဆိုင် တစ်ဆိုင်၊ တရုတ်ကုန်စုံ ဆိုင်တစ်ဆိုင် (ဒီလို ဒေသကို ဘယ်လိုရောက်ရှိလာမှန်းမသိတဲ့ ရှားရှားပါးပါး တရုတ်မိသားစု)နဲ့ သမ၀ါယမဆိုင် တစ်ဆိုင်တော့ရှိပါတယ်... နောက်ထပ် ကြွားရမယ်ဆိုရင် လက်ဘက်ရည်ဆိုင် တစ်ဆိုင်လည်း ရှိပါသေးတယ်... လက်ဘက်ရည်ဆိုင်က လက်ဘက်ရည်၊ ကော်ဖီပဲ ရောင်းတာနော်... အအေးတို့ ဘာတို့ မရှိဘူး... ကျွန်မဆို အသက် ၈ နှစ် သိတတ်စအရွယ် ရန်ကုန်ကို ပထမဆုံး အလည်ပြန်ရောက်မှ အအေးပုလင်းနဲ့ အအေးတွေကို သောက်ဖူးတာ... အဲဒီလောက်ထိ ကျွန်မတို့ရွာမှာ အစားအသောက်စုံတယ်... ဗွီဒီယိုရုံကတော့ ၃ရုံကြီးများတောင် ရှိပါတယ်... စာကြည့်တိုက် တစ်တိုက်လည်းရှိတယ်... (သမ၀ါယမဆိုင်နဲ့ စာကြည့်တိုက်ကို လူပျိုအင်ဂျင်နီယာ ဦးကြီးတွေက အုပ်ချုပ်ကြတယ်...) ပြီးတော့ ဆိုင်နာမည် ဟီတာချီလို့ ကျွန်မတို့ ခေါ်တဲ့ ခေါက်ဆွဲကြော်ဆိုင် တစ်ဆိုင်လည်းရှိပါသေးတယ်... အဲဒီဆိုင်မှာ တစ်နေ့လုံးနေမှ ခေါက်ဆွဲကြော် လာဝယ်တဲ့လူ ၅ ယောက်ရှိရင် ကံကောင်းပေါ့... အိမ်နဲ့ ဆိုင်က တွဲရက်ဆိုတော့ ဆိုင်ပိတ်တယ်၊ ဖွင့်တယ်ဆိုတာ မရှိဘူး... ကြိုက်တဲ့အချိန်မှာ သွားဝယ်လို့ရတယ်... ဒါပေမဲ့ အဲဒီဆိုင်က ရွာထဲမှာ ရှိတာ မဟုတ်ဘူး... လောပိတ ရွာအထွက်နဲ့ လောဓလေး ရွာအ၀င် ရဲစခန်းနားမှာရှိတာဆိုတော့ သွားရတာ နည်းနည်းဝေးတယ်...

ပြောရင်း၊ ပြောရင်းနဲ့ ဒီပို့စ်ရေးရတဲ့ ရည်ရွယ်ချက်တောင် ပျောက်ကုန်ပြီ... အချုပ်ပြောရရင် လောပိတ ဆိုတဲ့ အဓိပ္ပါယ်ကို ကျွန်မ သိသလောက် ရှင်းပြပါ့မယ်... လောဆိုတာ လှည်းပါတဲ့... ပိတ ကတော့ လူနာမည်ပါ... အဲဒီတော့ လောပိတ ဆိုတာ ပိတရဲ့ လှည်းလို့ အဓိပ္ပါယ်ရတယ်တဲ့... လောဓလေးရဲ့ အဓိပ္ပါယ်ကိုတော့ ကျွန်မ မသိပါဘူး... ဓလေးရဲ့ လှည်းလို့ ပြောရမလားမသိ... ထားပါတော့လေ... ဒီလောက်ဆိုရင်တော့ လောပိတနဲ့ လောဓလေး ကွာခြားချက်နဲ့ မတူညီတဲ့ ရွာနာမည်တွေဖြစ်ကြောင်း သိလောက်ပြီထင်ပါတယ်...

s0wha1

(၅ ရက် ၁ ဈေးပဲ ရှိတော့ စားစရာတွေ ဘယ်လိုသိမ်းကြလဲလို့ ကွန်မန့်မှာ လာမေးထားတဲ့အတွက် ဒီနေရာမှာ ထပ်ရှင်းလိုက်ပါတယ်...
ကျွန်မတို့တိုက်ကုန်းက လူတွေအနေနဲ့ ဘယ်လိုစားကြလဲဆိုတာ ပြောမယ်နော်... များသောအားဖြင့်တော့ စောစောစီးစီးမထချင်လို့ လောပိတ ၅ရက် ၁ ဈေးကို ကျွန်မတို့ သွားတာ ရှားတယ်... တစ်ပတ်ခြားတစ်ခါ တနင်္ဂနွေနေ့မှာ တိုက်ကုန်းကလူတွေစုပြီး မော်တော်ယာဉ်ဌာနက စီစဉ်ပေးတဲ့ကားနဲ့ လွိုင်ကော်မြို့ပေါ်မှာ ဈေးသွားဝယ်တတ်ကြတယ်... (ရွာထဲမှာ လွိုင်ကော်ကို သုံးရက် တခါ ပြေးဆွဲပေးတဲ့ ဈေးကားလည်း ရှိပါသေးတယ်...) ကြားရက်တွေမှာတော့ ရွာထဲက ၀က်မွေးထားတဲ့ ဟိုအိမ်၊ ဒီအိမ်က ၀က်ပေါ်တယ်ဆို သွားဝယ်ကြတယ်... ၃ ရက် ၁ ခါလောက် ရွာထဲက အဒေါ်ကြီးတစ်ယောက် အမဲသား၊ ၀က်သား ၅၀ သား၊ တပိဿာ ချိန်ထားပြီးသားကို အင်ဖက်နဲ့ထုပ်၊ တောင်းထဲထည့်ပြီး လိုက်ရောင်းတာကို ၀ယ်ကြတယ်... နောက်ပြီး ရွာသားတွေ ဒါမှမဟုတ် စစ်သားတွေက တောဝက်၊ ဂျေ(ဂျီ)၊ ဆတ် ဖမ်းမိရင် အသားပေါ်ပြီး ရလာတဲ့ အသားတွဲတွေကို နှီးကြိုးနဲ့တွဲလို့ ထမ်းပိုးကြီးမှာ ချိတ်၊ လူနှစ်ယောက်ထမ်းပြီး ရွာထဲ လှည့်ရောင်းတတ်တယ်...
အဲဒီတော့ အသားဟင်း ပြတ်တဲ့ရက်က နည်းပါတယ်... အသီးအရွက်ကတော့ ဘယ်အိမ်မှာ သွားခူးခူးပါ...)