Thursday, February 19, 2009

ဆလိုင်း တင်မောင်ဦး အောက်မေ့ဖွယ် (၂)



လမ်းပြကြယ်က တင်ခိုင်းတဲ့ ဆလိုင်းဦးတင်မောင်ဦးအကြောင်း ဒုတိယပိုင်းပါ။

Salai Tin Maung Oo - Chin Student Leader 02

Monday, February 16, 2009

FeedBurner ဆိုတာ



ခေါင်းစဉ်ကို ကြည့်ပြီး ကျွန်မ FeedBurner အကြောင်း ပြောတော့မယ်လို့ ထင်ကြမလား မသိဘူး။ တကယ်က FeedBurner ဆိုတာ ဘယ်လိုမျိုးပါ၊ ဘာပါ၊ ညာပါဆိုပြီး ကျွန်မ မပြောပြတတ်၊ မရှင်းလင်းတတ်ပါဘူး။ ကျွန်မ ဘလော့ဂ်ရဲ့ ညာဘက်အပေါ် ထောင့်လေးမှာ တင်ထားတဲ့

s0wha1 Blog မှ Post များကို Email မှ တဆင့် ဖတ်ရှူလိုလျင်

Enter your email address:

Delivered by FeedBurner

ဆိုတာနဲ့ ပတ်သက်ပြီး ပြောချင်ရုံ သပ်သပ်ပါပဲ။

ဘလော့ဂ်ကို အလွယ်တကူလာလို့ မရတဲ့သူတွေ၊ အီးမေးလ်ကနေပဲ အဆင်သင့်ဖတ်ချင်တဲ့သူတွေ၊ တခြားအကြောင်းအမျိုးမျိုးကြောင့် ဘလော့ဂ်ပေါ် လာမဖတ်နိုင်တဲ့သူတွေအတွက် ဒီလိုမျိုး Feedburner box လေးတွေကို ဘလော့ဂ်တော်တော်များများမှာ တင်ထားတတ်ကြပါတယ်။ ဒါနဲ့ ကျွန်မကလည်း ဘာရယ်မဟုတ်၊ လိုက်လုပ်တာပေါ့လေ။ အဲဒီမှာတင် ထူးထူးဆန်းဆန်းတွေ ကြုံရတော့တာပဲ။
တခြားဘလော့ဂါတွေ ကျွန်မလိုမျိုး ကြုံဖူး၊ မကြုံဖူးတော့ မသိပါဘူး။ ဖြစ်ပုံက ဒီလို... ကျွန်မဘလော့ဂ်မှာ ပို့စ်တခု တင်လိုက်တဲ့အခါ ကျွန်မဘလော့ဂ်ရဲ့ FeedBurner မှာ subscribe လုပ်ထားတဲ့ လူတချို့ဆီကနေ "ဒီပို့စ်လေးကို သဘောကျတယ်"တို့၊ "ပေးပို့လာတဲ့ ကဗျာအတွက် ကျေးဇူးတင်ပါတယ်"တို့၊ "ညီမ ပို့ပေးတဲ့ မေးလ်ထဲမှာ ဓာတ်ပုံတွေ မမြင်ရဘူး"တို့၊ "Thanks"တို့ စတဲ့ Email တွေ ကျွန်မဆီ ရောက်လာတတ်ပါတယ်။ အစကတော့ ကျွန်မမှာ တအံ့တဩဖြစ်နေတာ။ ဘာကြောင့် ဒီလိုမျိုးတွေ သူတို့ ပြောကြပါလိမ့် ဆိုပြီး မစဉ်းစားတတ်အောင် အတွေးများရပါတယ်။

FeedBurner ကနေ ပို့တဲ့ အီးမေးလ်ပုံစံတွေကို ဟိုတလောက လိုက်ကြည့်မိမှ... "ဩော်... ဒါကြောင့်ကိုး" လို့။

from: ကာရန်မဲ့ အတွေးစများ <>
reply-to: ကာရန်မဲ့ အတွေးစများ <>
to:

အီးမေးလ်ထဲကို ဒီပို့စ်တွေ ကျွန်မပို့တာ မဟုတ်ဘူးဆိုတာ ကျွန်မ ပြောဖို့မလိုဘူး ထင်ခဲ့ပေမဲ့ ဒီအကြောင်းနဲ့ပတ်သက်ပြီး တခုခုတော့ ရေးဦးမှပါပဲလို့ တွေးမိလိုက်သေးတယ်။ နောက်တော့လည်း ထုံးစံအတိုင်း ပျင်းတာနဲ့ ထားလိုက်ပါလေ၊ သိပ်မလိုအပ်ပါဘူး ဆိုပြီး...

မနေ့ကတော့ Valentine's လက်ဆောင် ပို့စ်နဲ့ ပတ်သက်ပြီး ဘာလဲဟဲ့ Valentine's Day မှာ ကွန်မန့်တခုရတယ်။

"နောက်နောင် mail ထဲကိုကိုယ်ရေးကိုတာတွေမပေးပါနဲ့ ခင်ဗျာ ကဗျာတွေစာတွေဘဲပေးပါ စိတ်မဆိုးပါနဲ့ " တဲ့။

"အဲ" ဆိုပြီး ဘာဆက်ပြောရမှန်းတောင် မသိဘူး။ အဟီး။ ပထမ "အဲ" ဖြစ်သွားရခြင်း အကြောင်းက "ငါ ပို့တယ်လို့ ထင်ပြန်ပဟ" လို့ တွေးမိပြီး ရယ်ချင်သွားတာ။ ဒုတိယ "အဲ" က ကိုယ်ရေးကိုယ်တာတွေ မပေးပါနဲ့ဆိုလို့ အူကြောင်ကြောင်ဖြစ်သွားတာ။ ပထမ "အဲ" မိတာကတော့ သိပ်မထူးဆန်းဘူးပေါ့လေ။ ခုလိုမျိုးတွေ အကျွမ်းတ၀င် သိပ်မရှိတဲ့အခါ နားလည်မှုလွဲပြီး ဖြစ်တတ်ပါတယ်။

ရန်ကုန်မှာတုန်းက ကျွန်မတို့ မောင်နှမတွေအတွက် အဖေက ကွန်ပြူတာ အဟောင်းလေး တလုံး ၀ယ်ပေးထားတယ်။ ကျွန်မတို့ကလည်း ကိုယ်တတ်တာကို အကျိုးရှိစွာ အသုံးချတဲ့အနေ ဖဲရိုက်တဲ့ ဂိမ်းကို အပြိုင် ထိုင်ကစားကြတာပေါ့။ အဲဒီတုန်းက ကွန်ပြူတာဆိုတာ ဖဲကစားဖို့ အသုံးဝင်တဲ့ ပစ္စည်းအနေနဲ့ပဲ ကျွန်မတို့ သိတယ်။ :P Thumb Drive လေးတွေ မရှိသေးခင်၊ လူသုံး မများခင်က အသုံးပြုကြတဲ့ Diskette ကိုဆို ဘယ်ထဲ ထည့်ရမှန်း မသိဘူး။ ထည့်ပြီးရင်လည်း ဘယ်နေရာမှာ သွားဖွင့်ရမလဲ မသိဘူး။ ကျွန်မ အစ်မက ၀က်ဘ်တွေ ဟန်းသွားတဲ့အခါ Ctr + Alt + Delete နှိပ်ပြီး Task Manager ခေါ်တော့ ဘယ်ခလုတ်တွေကို နှိပ်ပြီး ဘာလုပ်လိုက်မှန်း မသိဘူး။ ဒါနဲ့ စက်ဟန်းတဲ့အခါ "မကြီးတုန်းကတော့ လက်သန်းနဲ့ လက်မကို ချဲပြီး ခလုပ် နှစ်ခုကို၊ နောက်လက်တစ်ဖက်ကလည်း ခလုပ် တခုကို တပြိုင်တည်း နှိပ်ချလိုက်တယ်"လို့ သူများကို ဆရာ လုပ်သေးတာ။ :P

ဒီကို ရောက်ခါစက online, chatting ဆိုတာ နားကိုမလည်ဘူး။ အင်တာနက်နဲ့ အီးမေးလ်ကို သိခါစ... ပြီးတော့ nick name ဆိုတာကိုလည်း သဘောမပေါက်။ ကိုယ်တွေက နာမည်အမှန်တွေနဲ့ မေးလ်အကောင့်တွေ လုပ်ထားတော့ သူများလည်း ကိုယ့်လို ထင်မိတာ။ သူငယ်ချင်းတစ်ယောက်ရဲ့ friend list ထဲမှာ ငွေခရု(ngwe kha yu)ဆိုတဲ့ nick name လေး မြင်တဲ့အခါ "ဟယ်တော့်... လှလိုက်တဲ့ နာမည်လေး။ သူ့အမေက ပေးတတ်လိုက်တာ" ဆိုပြီး သဘောတွေ ကျလိုက်တာ မပြောပါနဲ့။ "အဲဒါ နာမည်မဟုတ်ဘူး။ သူ့ nick ဟ" လို့ ပြောလည်း နားမလည်။ "nick ဆိုတာ သူ့နာမည် မဟုတ်ဘူးလား"လို့ ပြန်မေးတော့ "ဟုတ်တယ်လေ"တဲ့။ "အေးလေ ဒါဆို သူ့အမေ မှည့်ပေးတဲ့ နာမည်မဟုတ်လို့ ဘာလဲ"လို့ မျက်စောင်းထိုးပြီး ပြန်ရန်ထောင်လိုက်သေးတာ။ ဟိုကလည်း ဘယ်လို ရှင်းပြရမှန်းမသိတာနဲ့ ဘာမှဆက်မပြောတော့ဘူး။ ကျွန်မခမျာ ငွေခရုဆိုတဲ့ နာမည်လေးနဲ့ ချစ်စရာကောင်မလေးတစ်ယောက်ကို မျက်လုံးထဲ မြင်ယောင်ပြီး သဘောတွေ အကျကြီး ကျနေမိတော့တာပဲ။ :D ဒါပေမဲ့ ကျွန်မ ကျောင်းစတက်ချိန်မှာ ကွန်ပြူတာရော၊ အင်တာနက်ရော ကောင်းကောင်း သုံးတတ်နေပြီဖြစ်လို့ တော်သေးတယ်။ ;))

ကိုယ့်ရဲ့ တုံးချက်၊ အချက်တွေ ပြောရရင်တော့ မကုန်ဘူး။ ကျွန်မ ၁ တန်း၊ ၂ တန်း အရွယ်တုန်းက ကျွန်မထက် ၄နှစ်လောက်ကြီးတဲ့ လောပိတရွာသူ(ကယားပြည်နယ်ရှိ) အမကြီးတစ်ယောက်က စာအရမ်းသင်ချင်လျက်နဲ့ မိဘတွေက မတတ်နိုင်လို့ ကျောင်းထွက်ရတဲ့အကြောင်း၊၊ ၄ တန်းထိ စာသင်ဖူးတဲ့အကြောင်းနဲ့ စာထဲမှာ "ကမ္ဘာပေါ်တွင် တိုက်ကြီး ၇ တိုက် ရှိတယ်" ဆိုတဲ့ အကြောင်း သင်ရတယ်ဆိုပြီး သူမှတ်မိသလောက် ကျွန်မကို ပြန်ပြောပြတယ်။ ဒါနဲ့ ကျွန်မက "ဟင်... အစ်မစာကလည်း အဓိပ္ပါယ် မရှိလိုက်တာ။ ကမ္ဘာကြီး တခုလုံး မပြောနဲ့။ ခု သမီးတို့နေတဲ့ တိုက်ကုန်းမှာတင် တိုက် ၇ လုံး မက ရှိတာကို။ ၄ တန်း စာထဲက တိုက်က ဘာတိုက်မလို့လဲ၊ ဘယ်လို စာကြီးလဲဟ၊ လူတွေကို ဘာတွေ လျှောက်သင်နေတာလဲ မသိဘူး" ဆိုပြီး ပွစိ၊ ပွစိနဲ့ ပြန်ငြင်းတာ။ ဟိုကလည်း "အီး၊ အဲ၊ အင်း"နဲ့... ဘာဆက်ပြောရမှန်း မသိဘဲ ငြိမ်သွားတယ်။ ကိုယ်ကိုယ်တိုင် ၄ တန်းရောက်မှပဲ သူပြောတဲ့ တိုက်ကြီး ၇ တိုက်ကို သဘောပေါက်တော့တယ်။ :D

ထားပါတော့လေ။ ကျွန်မ ပြောချင်တာက ဘလော့ဂ်မှာ ကျွန်မ ရေးသမျှပို့စ်တွေ အီးမေးလ်တွေဆီ ရောက်လာတဲ့အခါ အဲဒါ ကျွန်မကိုယ်တိုင် ပို့တာ မဟုတ်ပါဘူး ဆိုတာလေးရယ်၊ FeedBurner မှာ ကိုယ့်မေးလ်တွေကို ရိုက်ထည့်ပြီး subscribe လုပ်လိုက်ရင် ဒီဘလော့ဂ်က ပို့စ်တွေ ဖတ်ချင်တယ်လို့ FeedBurner က ယူဆပြီး ပို့စ်အသစ်တင်တိုင်း Auto ပို့နေမှာ ဆိုတာရယ်၊ မေးလ်တွေကို ဘယ်သူတွေက subscribe လုပ်ထားတယ်ဆိုတာတောင် ကျွန်မ မသိဘူးဆိုတာရယ် (သွား check ရင်တော့ ရပါတယ်။) ပြောချင်တာပါ။

ဒုတိယ တချက် ပြောချင်တာကတော့ ကိုယ်ရေးကိုယ်တာတွေ မပို့ပေးပါနဲ့ ဆိုတာလေးကိုပါ။ FeedBurner ကတော့ ကိုယ်ရေးကိုယ်တာလား၊ စာလား၊ ကဗျာလား ခွဲတတ်မယ် မထင်ပါဘူး။ ကျွန်မ ပို့စ်အသစ်တင်သမျှ ပို့နေမှာ ဖြစ်သလို၊ ကျွန်မကိုယ်တိုင်လည်း ကိုယ်ရေးကိုယ်တာလား၊ စာလား၊ ကဗျာလား မခွဲတတ်ပါဘူး။ ဘာလို့လဲဆိုတော့ ကျွန်မဘလော့ဂ်က တကယ့်ကို Personal Blog ပါ။ ဘလော့ဂ် စ ရေးတည်းက ကျွန်မ အကြောင်းပဲ ရေးခဲ့ပါတယ်။ ကျွန်မ ရပ်တည်ချက်၊ ခံယူချက်၊ အယူအဆ၊ ခံစားချက်၊ ကျွန်မ ချစ်ခင်တဲ့သူတွေ အကြောင်း စတဲ့ ကျွန်မနဲ့ ပတ်သက်သမျှတွေပဲ တောက်လျှောက် ရေးလာတာပါ။ ကျွန်မ ဘလော့ဂ်ဟာ အသိပညာ၊ အတတ်ပညာတွေ ဖြန့်ဝေတဲ့ ဘလော့ဂ်လည်း မဟုတ်၊ နိုင်ငံရေး၊ လူမှုရေး ဘလော့ဂ်လည်း မဟုတ်၊ သတင်းတွေ ပုံမှန်တင်ပေးတဲ့ ဘလော့ဂ်လည်း မဟုတ်၊ အနုပညာဖန်တီးတဲ့ ဘလော့ဂ်လည်း မဟုတ်... ကဗျာတွေတောင် ကိုယ့်ခံစားချက် ရှိမှ ရေးတတ်တဲ့ သူ၊ ကဗျာရေးချင်စိတ်ရှိတာနဲ့ ကောက်ရေးနိုင်တဲ့ ပါရမီရှိတဲ့သူမျိုးလည်း မဟုတ်။ ကိုယ့်အကြောင်း ကိုယ်ကလွဲပြီး ဘာမှ သိပ်မရေးတတ်တဲ့ ကျွန်မ ဘလော့ဂ်မှာ ကိုယ်ရေးကိုယ်တာတွေ မဖတ်ချင်ပါဆိုတော့... ကျွန်မ အူကြောင်ကြောင် ဖြစ်သွားတယ်။ ဟိ... အဲဒီတော့ ကျွန်မဘလော့ဂ်ဟာ Personal အကြောင်းတွေပဲ ရေးတဲ့ Personal Blog ပါလို့ ကြေငြာရမလိုလို။ ;))

နောက်ဆုံး တချက်ပြောချင်တာက ဘလော့ဂ်က စာတွေကို မလိုချင်ဘဲ ညာဘက်အပေါ်ထောင့်လေးမှာ ရှိတဲ့ အကွက်ထဲမှာ အီးမေးလ်လိပ်စာ ရိုက်ထည့်ပါဆိုတာတွေ့ပြီး ဘာမှန်း၊ ညာမှန်း မသိ အီးမေးလ်လိပ်စာ ထည့်မိတာပဲ ဖြစ်ဖြစ်၊ အကြောင်းအမျိုးမျိုးကြောင့် မှားယွင်းစွာ ထည့်မိတာပဲဖြစ်ဖြစ် အဲဒီအထိ ဘာပြဿနာမှ မရှိသေးပါဘူး။ ကိုယ့်ဆီကို ဒီဘလော့ဂ်က ပို့စ်တွေ လိုချင်ပါသလားဆိုတဲ့ confirm letter mail ရောက်လာပါသေးတယ်။ အဲဒါကို confirm ထပ်လုပ်မှ ဒီပို့စ်တွေကို ရတာပါ။ အဲဒါကိုမှ မရချင်ဘူးဆိုရင် အဲဒီမေးလ်ရဲ့ အောက်ဆုံးမှာ ခုလို စာကြောင်းတွေ ပါပါတယ်။
You are subscribed to email updates from ကာရန်မဲ့ အတွေးစများ
To stop receiving these emails, you may unsubscribe now.
Email Delivery powered by FeedBurner
If you prefer to unsubscribe via postal mail, write to: ကာရန်မဲ့ အတွေးစများ, c/o FeedBurner, 20 W Kinzie, 9th Floor, Chicago IL USA 60610

unsubscribe now ဆိုတာလေးကို Click နှိပ်လိုက်ပါ။ ပို့စ်တွေ အီးမေးလ်အနေနဲ့ ရောက်လာတော့မှာ မဟုတ်ပါဘူး။ :P


ရွှင်လန်းချမ်းမြေ့ကြပါစေ။

s0wha1

Saturday, February 14, 2009

Valentine's လက်ဆောင်



ဒီနှစ်တော့ မနှစ်က "ဘာလဲဟဲ့..." လို အဆင်မပြေမဖြစ်တော့ဘူး။ :) စိတ်ဆိုး၊ ဒေါသထွက်ရတာတွေလည်း မရှိ၊ အားလုံး ချောချောမွေ့မွေ့ပဲ။ အသက်အရွယ်ကြောင့်လားမသိ ရန်မဖြစ်တာတောင် အတော်ကြာပြီ။ အလိုမကျစိတ်တွေလည်း သိပ်မရှိတော့။ ဒါပေမဲ့ သူ့ကို ချစ်တဲ့စိတ်ကတော့ မပြောင်းလဲပါဘူး။ :P




ပထမဆုံး ပေးဖြစ်တဲ့ Valentine's လက်ဆောင်ဆို အံ့ဩစရာ ကောင်းနေမလား မသိဘူး။ ချစ်သူများနေ့တိုင်း အတူရှိမနေတတ်တဲ့ ကျွန်မတို့နှစ်ယောက်အတွက်တော့ ဒါတွေက ရိုးနေပါပြီလေ။ Valentine's Card လေးတွေတောင် အကြောင်းအမျိုးမျိုးကြောင့် နှစ်တိုင်း မပို့ဖြစ်တတ်။ သူ့အတွက်ရည်ရွယ်လို့ ၀ယ်ထားပြီး သိမ်းထားလိုက်တာပဲ ရှိတယ်။ ခုချိန်ထိ မပေးဖြစ်တဲ့ ကတ်တွေလည်း ရှိတုန်း။ ဒီနှစ်တော့ ကျွန်မက သူ့ကို အံ့ဩသွားစေချင်ခဲ့တာ။ ဖြစ်နိုင်ရင် သူ့ရှေ့ကို လူကိုယ်တိုင် အရောက်သွားပြီး လက်ဆောင်ပေးချင်မိတယ်။ အဲဒီလိုသာဆို သူ အံ့ဩလွန်ပြီး သတိတောင် လစ်သွားနိုင်မယ် ထင်တယ်။ =)) ကိုယ့်အတွေးထဲတော့ ဟုတ်နေတာပဲ။ :D

ဖေဖော်ဝါရီ ၁၄ရက်နေ့အရောက် သူ့ဆီ လက်ဆောင်ပို့ပေးဖို့ဆိုတာ ထင်သလောက် မလွယ်ပါဘူး။ သူမသိအောင် တိတ်တိတ်လေး ကြိတ်ကြံစည်ရတာ ပိုတောင် ခက်သေး။ ဟိုလူ့မေး၊ ဒီလူ့ အကူအညီတောင်းနဲ့ အဲဒီနေ့ မနက်စောစောမှာ သူ့ဆီ လက်ဆောင် ရောက်သွားခဲ့တယ်။ လက်ဆောင်က ဘာမှ မထူးဆန်း၊ အဖိုးအခ သိပ်မရှိတဲ့ ကျွန်မတို့နှစ်ယောက်ပုံပါ မတ်ခွက်လေးသာ ဖြစ်တယ်။ ဒါပေမဲ့ သူ အရမ်းပျော်ခဲ့သလို၊ ကျွန်မလည်း ပျော်တာပါပဲ။ "မင်း အရမ်းချစ်ဖို့ကောင်းတယ်။ Idea လေးကလည်း မိုက်တယ်။" ဆိုတဲ့ စကားတွေနဲ့အတူ ဒီနှစ် ချစ်သူများနေ့က ကျွန်မအတွက် အဓိပ္ပါယ်ပြည့်စုံသွားခဲ့တယ်။


ဓာတ်ပုံတွေ တင်ချင်လွန်းလို့သာ တင်ထားပြီး လူပုံတွေ သိပ်မမြင်ရအောင် Resolution အများကြီးချထားတာကိုတော့ သည်းခံပေးကြပါ။ အရမ်းလှတော့ copy အကူး ခံရမှာစိုးလို့။ ;))


ချစ်ခြင်းများစွာ
s0wha1

Friday, February 13, 2009

အောင်ဆန်းဇာနည်




အောင်ဆန်းဇာနည်

ဖေဖော်ဝါရီ ၁၃ မှာ
ဗိုလ်ချုပ်မွေးနေ့ပါ၊
တထောင့်ကိုးရာ တဆယ့်ငါး
ရှေ့နေ ဦးဖာသား၊
ဇာတိ နတ်မောက် မကွေးခရိုင်
သိကြများခုတိုင်၊
ကြံ့ကြံ့ခိုင်တဲ့ ဇာနည်ဘွား
မိခင် ဒေါ်စုသား၊
တထောင့်ကိုးရာ လေးဆယ့်ခွန်
ပြောင်းကြွ တမလွန်၊
မျက်ရည်ဖြိုင်လို့ ဘ၀င်ညှိုး
ဇူလိုင် တဆယ့်ကိုး။
ပြည်ထောင်စုရဲ့ ကျေးဇူးရှင်
ဗိုလ်ချုပ် တို့ဖခင်၊
ကောင်းစေချင်တဲ့ မှာစကား
ငါတို့ မမေ့အား။
ပြည်ထောင်စုရေး ကြိုးပမ်းဆောင်
ပြည်ချစ် တို့ခေါင်းဆောင်
ဆိုရှယ်လစ်ဘောင် လမ်းစဉ်များ
ဗိုလ်ချုပ် ချမှတ်သွား။


ဗိုလ်ချုပ်အောင်ဆန်း မွေးနေ့ အမှတ်တရအနေနဲ့ ဒီကဗျာလေး တင်လိုက်ပါတယ်။ အရင်က ကျွန်မ ဘလော့ဂ်မှာ ဒီကဗျာ ရှိတယ် ထင်နေတာ။ cbox မှာ Soe Peaceful က တင်ပေးဖို့ ပြောလို့ လိုက်ရှာကြည့်မှ မတင်ရသေးမှန်း သိတယ်။ ဗိုလ်ချုပ်သာ အသက်ထင်ရှားရှိနေသေးရင် ဒီလ ၁၃ရက်နေ့ဟာ ဗိုလ်ချုပ်ရဲ့ ၉၄ နှစ်ပြည့်မွေးနေ့ပေါ့နော်။


ဗိုလ်ချုပ်မွေးနေ့ကဗျာကို သီချင်းလုပ်ထားတာလေး... Forward mail တခုကနေ ရတာပါ။
ဖေဖော်ဝါရီ ၁၃


s0wha1

ဗိုလ်ချုပ်ရဲ့ animation ဓာတ်ပုံက မောင်လေး မင်းမင်း လုပ်ထားတာပါ။

Friday, January 23, 2009

မျက်နှာဖုံး



တိမ်ယောင်ယောင်၊ မြူယောင်ယောင်နဲ့
ငွေ့ရည်တွေ စုရုံး၊
အနားသတ်မှာ
အိုအေစစ် ရှိတယ်။

ဖြူသလိုလို၊ ပြာသလိုလိုနဲ့
တကယ်က အဖြူကို ပျက်စီးစေတဲ့
မည်းပြာ၊ ညိုညစ်၊
အဟုတ်အမှန်။

ကဲ... ဘယ်မှာလဲ
မင်းတို့ ပြောပြောနေတဲ့
အိုအေစစ်...။


s0wha1
(23 Jan 2009)



ဓာတ်ပုံ မူပိုင် --- ဂူဂယ်မှ ရှာဖွေတွေ့ရှိသော ဓာတ်ပုံကို အသုံးပြုထားခြင်းဖြစ်သည်။

Thursday, January 22, 2009

ဆလိုင်း တင်မောင်ဦး အောက်မေ့ဖွယ်



စင်္ကာပူရှိ လမ်းပြကြယ် မြန်မာစာကြည့်တိုက်ရဲ့ ကော်မတီဝင် တစ်ယောက်က ကျွန်မ ဘလော့ဂ်မှာ တင်ထားပေးဖို့ ပြောတာနဲ့ "လမ်းပြကြယ် စာကြည့်တိုက် (စင်္ကာပူ)" ဆိုတဲ့ Label တခုတိုးပြီး ဒီလိုစာတွေ (တင်ခိုင်း သလောက်) ပုံမှန် တင်သွားဖို့ အစီအစဉ် ရှိပါတယ်။

Salai Tin Maung Oo - Chin Student Leader


ကျွန်မ ဘလော့ဂ်မှာ PDF ဖိုင်ကို တင်လေ့ တင်ထ မရှိပါဘူး။ ဘယ်လို တင်ရမှန်း မသိလို့ပါ။ ခု ဒီ ပီဒီအက်ဖ်ဖိုင် တင်ပုံတင်နည်းကို ပြောပြတဲ့ ကိုနစ်နေမန်းကို ကျေးဇူးတင်ပါတယ်လို့။


ရွှင်လန်းချမ်းမြေ့ကြပါစေ...။
s0wha1

ကာရန်မဲ့ အတွေးစများ © 2008 Por *Templates para Você*