ချစ်ခြင်းဖြင့်

နားလည်ပေးခြင်းဆိုတဲ့ စကားရဲ့ အတိမ်အနက်ကို
မင်း ဘယ်လို ယူဆထားလဲ ငါ မသိချင်တော့ဘူး။
နာကျင်ခြင်းတွေထဲက ပြန်ရုန်းထဖို့
ပိုအရေးကြီးနေတယ်။

နောင်တတွေ အကြိမ်ကြိမ်ကြား
အခါခါ ကြေကွဲ
တန်ဖိုးမဲ့ လူသားတစ်ယောက်ရဲ့
ကြာရှည် ရပ်တည်နိုင်မှုက ဩချစရာနော်။

အသစ်အသစ်သော မျှော်လင့်ချက်တွေနဲ့
မင်းပြောတတ်တဲ့ ပုံပြင်
ငါ့ရင်ထဲက မီး
ကူညီ ငြှိမ်းဖို့ရော စဉ်းစားဖူးပါရဲ့လား။

တန်ဖိုးထားတတ်မှု၊
နားလည်မှု၊ သိတတ်မှု…
ငါနဲ့ လားလားမှ မသက်ဆိုင်ခဲ့သော
လှပတဲ့ ဒီစကား သုံးခွန်း နဲ့အတူ


ဒီဘ၀၊ ဒီမျှလို့
ငါ (မရေမရာ)
ကျိန်ဆိုမြဲ။ ကျိန်ဆိုဆဲ။

…………………………
………………
……….

……….
………………
…………………………

အသက်ရှူလိုက်တိုင်း ရေရွတ်နေမိတာက
မင်းကို အရမ်းချစ်တယ်ဟာ… တဲ့။ ။


s0wha1
(March 2010 ရဲ့ တခုသော ညနေ)

ဓာတ်ပုံ မူပိုင် --- ဂူဂယ်မှ ရှာဖွေတွေ့ရှိသော ဓာတ်ပုံကို အသုံးပြုထားခြင်းဖြစ်သည်။

Print this post