HappY BirthdaY MoM

အမေ...
စိတ်ချမ်းသာ၊ ကိုယ်ကျန်းမာနဲ့ ပျော်ရွှင်စရာကောင်းတဲ့ မိသားစုနဲ့အတူ နှစ်ပေါင်းများစွာ မွေးနေ့ပွဲတွေ ကျင်းပနိုင်ပါစေ။




s0wha1

ဗိုလ်ချုပ်အောင်ဆန်း၏ မမေ့နိုင်သော မိန့်ခွန်းများ

ဗိုလ်ချုပ်အစ်ကို ဦးအောင်သန်း၏ အမှာ ---

တနေ့တွင် ကိုရှိန်သန်းလာ၍ ဗိုလ်ချုပ်အောင်ဆန်း၏ မိန့်ခွန်းများ၊ ရေးသားချက်များ၊ သူနှင့် ပတ်သတ်၍ ရေးသားထားသော ဆောင်းပါးများကို စုပေါင်း၍ စာအုပ်အဖြစ် ထုတ်သင့်၊ မထုတ်သင့် မေးပါသည်။

ကျွန်တော်လည်း မဆိုင်းမတွပင် ထုတ်သင့်ကြောင်း၊ ကျွန်တော်ကိုယ်တိုင် သူ့မိန့်ခွန်းများနှင့် ရေးသားချက်များကို စာအုပ်အဖြစ် ထုတ်ဝေရန် ရည်ရွယ်ခဲ့ကြောင်း၊ ထိုရည်ရွယ်ချက်ကို ရဲဘော်တယောက်အား ပြောပြရာ “ဦးအောင်သန်းအနေဖြင့် ဗိုလ်ချုပ် အထ္ထုပတ္တိ" သဘောမျိုးရေးလျှင် ပိုကောင်းမည်ထင်ကြောင်း ထိုရဲဘော်က အကြံပေးသဖြင့် “အောင်သန်း၏ အောင်ဆန်း” စာအုပ်ကို ရေးသားထုတ်ဝေခဲ့ကြောင်း ပြန်ပြောလိုက်ပါသည်။ (ထိုစာအုပ်ဖတ်လျှင် စာမျက်နှာ တ၀က်ကျော်မှာ ဗိုလ်ချုပ်အောင်ဆန်း၏ မိန့်ခွန်းများနှင့် သူ့အကြောင်း ရေးသားထားသော ဆောင်းပါးများ ဖြစ်သည်ကို တွေ့ရပါလိမ့်မည်။ )

ထိုစာအုပ်နိဒါန်းတွင် ရေးခဲ့သကဲ့သို့ လွတ်လပ်ရေးဗိသုကာဖြစ်သော နိုင်ငံရေးခေါင်းဆောင်များ၏ အထ္ထုပတ္တိရေးလျှင် ထိုပုဂ္ဂိုလ်များ၏ နိုင်ငံရေး အရောင်အဆင်း၊ နိုင်ငံရေး ကြိုးပမ်းချက်များ ပေါ်လွင်အောင် ရေးသားသင့်သည်ဟု ယူဆပါသည်။

ထိုရည်ရွယ်ချက်အောင်မြင်စေရန် ထိုခေါင်းဆောင်များ၏ မိန့်ခွန်းများ၊ ရေးသားချက်များကို သုတေသနပြုရန် အရေးကြီးလှပေသည်။ သို့မှသာလျှင် ထိုခေါင်းဆောင်များ၏ နိုင်ငံရေး အရောင်အဆင်းအမှန်ကို သိသာနိုင်ပေမည်။

အထ္ထုပတ္တိရေးသူများသည် တရားသူကြီးနေရာတွင် ရှိရပေမည်။ တရားသူကြီးတယောက်သည် အမှုတစ်ခုကို စစ်ဆေးစီရင်ရာတွင် ဆန္ဒဂတိ၊ ဒေါသဂတိ မလိုက်ဘဲ သက်သေ ထွက်ချက်ပေါ်တွင် အမှီပြု၍ စီရင်ချက် ချရပေသည်။ အလားတူစွာ အထ္ထုပတ္တိရေးသူများသည် အထ္ထုပတ္တိတခု ရေးရာတွင် သုတေသနပြုလျက် တွေ့ရှိသော အချက်များပေါ်တွင် အမှီပြု၍ မိမိတို့၏ “ဇာတ်လိုက်” အကြောင်း ပေါ်လွင်အောင် ရေးရပေမည်။ မိမိတို့ လိုလျှင် လိုသလို၊ မလိုလျှင် မလိုသလို ကောက်ချက်ချရေးလျှင် အဂတိလိုက်စားရာ ရောက်ပေမည်။ ထိုသို့ အဂတိလိုက်စား ရေးသော အထ္ထုပတ္တိများမှာ ကြာရှည်စွာ မခံနိုင်ပေ။ မကြာမှီ တိမ်မြုပ် ပျောက်ကွယ်သွားပေမည်။

ဗိုလ်ချုပ်အောင်ဆန်း၏ မိန့်ခွန်းများ၊ ဆောင်းပါးများကို စုပေါင်း၍ စာအုပ်ထုတ်ခြင်းဖြင့် သုတေသန ပြုလိုသူများအဖို့ သုတေသနပြုရာတွင် လွယ်ကူပေမည်။ ဤအချက်ဖြင့်ပင် ထိုမိန့်ခွန်းများ၊ ဆောင်းပါးများကို စုပေါင်း၍ စာအုပ်အဖြစ် ရိုက်နှိပ်၊ ထုတ်ဝေသင့်ကြောင်း ထင်ရှားပေသည်။

ထိုအချက်ထက် အရေးကြီးသော အချက်ရှိသေးသည်။ ထိုအချက်မှာ တဆယ့်လေး၊ ငါးနှစ် အာဏာလက်ကိုင်ပြုခဲ့သော ဖ၊ဆ၊ပ၊လ အစိုးရများမှစ၍ ယနေ့အာဏာာလက်ရှိ တော်လှန်ရေးအစိုးရအထိ စစ်ပြီးခေတ် အစိုးရများသည် မိမိတို့ လုပ်ကိုင်နေပုံမှာ “ဗိုလ်ချုပ် လမ်းစဉ်ဖြစ်သည်" ဟုကြွေးကြော်ကြသည်။ သို့ဖြစ်ရာ ပြည်သူလူထုအနေဖြင့် “ဗိုလ်ချုပ်လမ်းစဉ် ဆိုတာ၊ ဘာလဲ” ဟု သိလိုကြသည်။ ထိုသို့ သိနိုင်ရန်အတွက် ဗိုလ်ချုပ်အောင်ဆန်း၏ မိန့်ခွန်းများ ရေးသားချက်များကို လေ့လာရန် အရေးကြီးပေသည်။

အချို့နိုင်ငံများတွင် အစိုးရကိုယ်တိုင်က မိမိတို့ ခေါင်းဆောင်များ၏ မိန့်ခွန်းများမှ ကောက်နှုတ်ချက်များ ထုတ်လျက် စာအုပ်များအဖြစ် ရိုက်နှိပ်ထုတ်ဝေသည်ကို တွေ့ရသည်။ မြန်မာပြည်တွင်ကား အစိုးရက ဗိုလ်ချုပ်အောင်ဆန်း၏ မိန့်ခွန်းများ၊ ရေးသားချက်များကို စာအုပ်အဖြစ် ရိုက်နှိပ်ထုတ်ဝေသည်ကို မတွေ့ရသေးပေ။

သို့ဖြစ်ရာ ကိုရှိန်သန်း၏ ကြိုးပမ်းချက်သည် မွန်မြတ်ရုံမက လိုအပ်သော ကြိုးပမ်းချက် ဖြစ်သည့်အတိုင်း “အောင်မြင်ပါစေ” ဟု ဆုတောင်းရင်း ဤအမှာကို ရေးလိုက်ရပေသည်။

အောင်သန်း
၁၉၆၉ - ခု၊ ဇန်န၀ါရီလ။

*** ***** ***

၁။ ဇာတိမာန်နှင့် သေကြပါ။

ဗိုလ်ချုပ်အောင်ဆန်းနှင့် ရဲဘော်သုံးကျိပ်တို့ ဟေနန်ကျွန်းတွင် ဂျပန်များက စစ်ပညာသင်ပေးနေကြစဉ်၊ ဂျပန်တို့က ၄င်းတို့အား အားလုံးဖျောက်ဖျက်မည့် အခြေအနေမျိုးကို ကြုံတွေ့နေကြရစဉ် ဗိုလ်ချုပ်အောင်ဆန်းက ပြောသည်မှာ ---

“ဟေ့... သေလည်း ဗမာပီပီ ဇာတိမာန်နှင့် သေကြပါ...”

“ရန်သူကို မိမိလက် အားနေရင် လက်နှင့်ထိုး၊ ခြေအားနေရင် ခြေနဲ့ကန်ပါ...။ နောက်ဆုံး ပါးစပ်အားနေလျှင် ပါးစပ်နှင့် ကိုက်ပြီးမှ ရဲရဲ သေပြလိုက်ကြတာပေါ့...။”

------------------------------------------------------------

၂။ ဒီရဲဘော်သုံးကျိပ် ညီညွတ်ဖို့လိုတယ်။

“ရဲဘောသုံးကျိပ်ဟာ နိုင်ငံရေးအဖွဲ့ တဖွဲ့တည်း မဟုတ်ဘဲ သခင်ဂိုဏ်းကြီးနှစ်ခုဖြစ်တယ်၊ အနာဂါတ် လွတ်လပ်ရေးတိုက်ပွဲမှာ ဒီသုံးကျိပ် ညီညွတ်ဖို့ လိုတယ်။ ဒါမှ လူငယ်များဖြစ်တဲ့ သခင်ဂိုဏ်း နှစ်ဂိုဏ်းလုံး ညီညွတ်မယ်။ ဒါမှ လူများစုကို ကိုယ်စားပြုမဲ့လူတွေ တကယ်လည်း အလုပ်လုပ်ကြမဲ့ လူငယ်တွေ ညီညွတ်မယ်။ ဒါမှ လွတ်လပ်ရေးတိုက်ပွဲဟာ ခိုင်မာတောင့်တင်းမယ်...။"

------------------------------------------------------------

၃။ ရှေးက စစ်ထွက်ကြပုံ။

ဗိုလ်ချုပ်အောင်ဆန်းတို့ ယိုးဒယားတွင် တပ်များစုကြပြီး တပ်စစ်ကြောင်း အသီးသီးထွက်ရန် စီစဉ်ကြစဉ် ဖာပွန်စစ်ကြောင်း ချီတက်ရန် တာဝန်ကျသူ ဗိုလ်ကျော်ဇောက ဗိုလ်ချုပ်အောင်ဆန်းအား ကန်တော့်သောအခါ ဗိုလ်ချုပ်အောင်ဆန်းက ပြောသည်မှာ ---

“စစ်ထွက်ကြတာပေါ့၊ ရှေးရှေးတုန်းက ဗမာ့တပ်တွေ စစ်ထွက်ကြတာ တနသာင်္ရီကို လှေကြီးတွေနဲ့ ရေကြောင်းလွှင့်ကြတော့ တချို့က ရေကြောင်းမှားပြီး ရခိုင်ပြည်ဘက် ရောက်လိုရောက်ဖြစ်ကြတာပဲ၊ ဒါပေမဲ့ ရောက်တဲ့နေရာက ဆက်ပြီး ဖြစ်သလို လုပ်ကြတာပေါ့...။”

------------------------------------------------------------

၎။ ထင်သလောက် မဟုတ်။

ပဲခူးခရိုင် ဝေါအပိုင် အညာစုရွာ ဗိုလ်ချုပ်အောင်ဆန်း ရောက်၍၊ ရဲဘော် ၃၇ ယောက်စုရန် ပြောရာ ရပ်ရွာထဲက တုတ်တုတ်မလှုပ်ကြ၍ ဗိုလ်ချုပ်အောင်ဆန်းက ပြောသည်မှာ ---

“ခင်ဗျားတို့ရွှာကို ရှေးယခင်တုန်းက ယုံမိတယ်၊ ဘာ့ကြောင့်လဲဆိုတော့ ဆရာစံထတုန်းကလည်း ထထကြွကြွရှိတဲ့ ရွာတရွာလို့ အသိအမှတ်ပြုခဲ့တယ်၊ မှင်နီ အ၀ိုင်းခံခဲ့ရတယ်၊ ခုတော့ ကျုပ်အထင်ကြီးသလောက် မဟုတ်တာ တွေ့ရတယ်...။”

------------------------------------------------------------

ယိုးဒယားပြည် ဘန်ကောက်မြို့တွင် သွေးသစ္စာသောက်စဉ်က ဗိုလ်ချုပ်အောင်ဆန်း မိန့်ခွန်း။

အမှာ

ကျွန်တော်တို့သည်၊ ယိုးဒယားပြည် ဘန်ကောက်မြို့၌ ၁၃၀၃ ခု၊ ပြာသိုလဆန်း ၁၁ ရက်၊ စနေနေ့ ၂၇၊ ၁၂၊ ၄၂ မှစ၍ ဖွဲ့စည်းတည်ထောင်ခဲ့သော မြန်မာ့လွတ်လပ်ရေးတပ်မတော်တွင် ရဲဘော်တယောက် ဖြစ်ပါသည်။ ၁၊ ၁၊ ၄၂ နေ့တွင် ရဲဘော်သုံးကျိပ်ဝင် ဗိုလ်မှူးရန်နိုင်၊ ဗိုလ်မှူးမင်းခေါင်၊ ဗိုလ်မှူးတောက်ထိန်တို့ ကြီးမှူးသော ဗမာ့တပ်မတော်နှင့်အတူ ဗမာပြည် တောင်ပိုင်း၊ ကော့သောင်မြို့သို့ ချီတက်၍ စစ်သည်တော်အင်အား ( ၈၀ ) ခန့်မျှနှင့် ၂၆၊ ၂၊ ၄၂ နေ့၊ မြတ်မြို့ကို သိမ်းပိုက် ရရှိပါသည်။ ၄င်းမြိတ်မြို့မှ ၆၊ ၂၊ ၄၂ နေ့ ထွက်၍ ၁၂၊ ၂၊ ၄၂ နေ့ မော်လမြိုင်မြို့သို့ ရောက်ရှိပြီး မုပွန်ရပ်ကွက်၌ အင်္ဂလိပ်လေယာဉ်နှင့် တိုက်ပွဲဖြစ်ပါသည်။ ၁၃၊ ၂၊ ၄၂ နေ့ ဘားအံမြို့သို့ရောက်၍ အင်္ဂလိပ်လေယာဉ်နှင့် တိုက်ပွဲဖြစ်သည်။ ၁၅၊ ၂၊ ၄၂ နေ့ ပီးပုံရွာ၌ အင်္ဂလိပ်စစ်တပ်နှင့် တိုက်ပွဲဖြစ်ပါသည်။ ၃၊ ၃၊ ၄၂ နေ့၊ ကျိုက္ခမီမြို့မှထွက်၍ ၅၊ ၃၊ ၄၂ နေ့၊ ဒေးဒရဲမြို့သို့ရောက်၍ အင်္ဂလိပ်လေယာဉ်နှင့် တိုက်ပွဲ ဖြစ်ပါသည်။

၁၇၊ ၃၊ ၄၂ နေ့ ဟသာင်္တမြို့သို့ရောက်၍ အင်္ဂလိပ်၊ အမေရိကန် ပူးပေါင်းထားသော စစ်တပ်နှင့် တိုက်ပွဲ ဖြစ်ပါသည်။ ၂၉၊ ၃၊ ၄၂ နေ့၊ ရွှေတောင်မြို့သို့ရောက်၍ ဗမာပြည်တွင် နံမည်ကြီးခဲ့သော ရွှေတောင်တိုက်ပွဲကို ၀င်ရောက်ဆင်နွှဲရပါသည်။ ဤကဲ့သို့ အရိုးကြေကြေ အရေခန်းခန်း ဗမာပြည် လွတ်လပ်ရေးအတွက် အသက်ပေး ဆောင်ရွက်ချက်များကို တင်ဆက်ရခြင်းသည် ဘန်ကောက်မြို့မှ ဗမာ့တပ်မတော် မထွက်မှီ ---

မှတ်ချက်။ ။ ၂၇၊ ၂၊ ၄၁ နေ့တွင် တကြိမ်၊ ၂၉၊ ၁၂၊ ၄၁ နေ့တကြိမ်၊ သွေးသစ္စာရေ နောက်ဆုံးသောက်သုံးပွဲတွင် ဗိုလ်ချုပ်အောင်ဆန်းသည် သူ၏ရည်ရွယ်ချက် မိန့်ခွန်းကို ဗမာပြည် ဗမာ လူထုကြီး တရပ်လုံး သိသာရန် ပဏာမပျိုးခြင်း ဖြစ်ပါသည်။

၅။ မိမိတို့ အသက်အိုးအိမ် စည်းစိမ်စွန့်ခွာနိုင်မှ။

"ရဲဘော်တို့...

ရဲဘော်တို့သည် မိမိ၏ အသက်နှင့် သားမယား စည်းစိမ်ဥစ္စာ ပစ္စည်းတို့ကို စွန့်ခွာနိုင်ပါမှ၊ ဤလွတ်လပ်ရေး တပ်မတော်မှာ အမှုထမ်းကြပါ။ သည်လိုမှ မစွှန့်လွှတ်နိုင်လျှင် ယခုအချိန်ကစ၍ တပ်မတော်မှ ထွက်ခွင့်ပြုပါတယ်။ စစ်ဆိုသည်မှာ နိုင်မည်ရှုံးမည် မပြောနိုင်ပါ။ သေမည်၊ ရှင်မည်မသိ။ ဂျပန်နှင့် အင်္ဂလိပ်တို့သည် စစ်ကြေငြာ၍ တိုက်သောစစ်ဖြစ်သည်။ ဂျပန် ဖြစ်စေ၊ အင်္ဂလိပ် ဖြစ်စေ၊ သုံ့ပန်း အဖြစ် အဖမ်းခံရပါက သတ်ရန် ဥပဒေ မရှိခဲ့ချေ။ ရဲဘော်တို့ ငါတို့ကို ရန်သူ အင်္ဂလိပ်ဖမ်းပါက ပုန်ကန်သူ၊ သူပုန်အဖြစ်နှင့် ကြိုးစင်သော်၎င်း၊ တသက်တကျွန်းသော်၎င်း၊ ထောင်ဒဏ်သော်၎င်း ပေးမည်မှာ သေချာတယ်။ ရဲဘော်တို့ ငါတို့သည် မကြာမီ ဗမာပြည် လွတ်လပ်ရေးအတွက် အင်္ဂလိပ်ကို တော်လှန်တိုက်ပွဲ ၀င်ရလိမ့်မည်။ ရဲဘော်တို့ ငါတို့သည် စားရန် စားရေရိက္ခာမရှိ၊ ၀တ်ရန် အ၀တ်မရှိ။ သို့အတွက်ကြောင့် ရဲဘော်တို့သည် အိပ်ရန်မြေကြီး၊ စားသောက်ရန် ကျောက်ခဲ၊ ဒါပဲ ငါ တတ်နိုင်တယ်။ ဤစစ်တပ်ထဲသို့ ၀င်ရောက်အမှုထမ်းသောကြောင့် ရာထူး ဋ္ဌာနန္တရ ရလိမ့်မည်။ သူဋ္ဌေးကြီး ဖြစ်လိမ့်မည် မမျှော်လင့်ပါနဲ့။

အေး... ကံအားလျော်စွာ စစ်နိုင်၍ လွတ်လပ်ရေး ရရှိပါက ဗမာပြည်ကို ဆိုရှယ်လစ် လူ့ဘောင် တည်ဆောက်မည်။ ဤကဲ့သို့ တိုင်းပြည်ကို ဆိုရှယ်လစ်လူ့ဘောင် တည်ဆောက်သောအခါ ရဲဘော်တို့သည် ကာယအား၊ ဉာဏအား စွမ်းအားရှိသရွေ့ တတ်နိုင်သည့်ဘက်က လုပ်အားပေးရမယ်။ တိုင်းပြည်က ထိုက်တန်သော အကျိုးခံစားခွင့်ကို ရဲဘော်တို့ကို ပေးမယ်။ အကယ်၍ အလုပ်မလုပ်နိုင်၍ အနားယူသောအခါ စားပြီး အိပ်၊ အိပ်ပြီး စား၊ အိုးပိုင် အိမ်ပိုင်နှင့် စိတ်ချမ်းသာစွာ နေထိုင်စားသောက်နိုင်ရန် ငါကတိပေးပါတယ်...။”



ဆက်ရန်

ဗိုလ်ချုပ်အောင်ဆန်း၏ မမေ့နိုင်သော မိန့်ခွန်းများ (၂)

စုဆောင်းထားသမျှ ဗိုလ်ချုပ်အောင်ဆန်းပုံအချို့ (၈)

ဓာတ်ပုံများကို မြန်မာကျူးပစ်မှ ကူးယူသည်။


ရွှင်လန်း ချမ်းမြေ့ကြပါစေ။

s0wha1

စုဆောင်းထားသမျှ ဗိုလ်ချုပ်အောင်ဆန်းပုံအချို့
စုဆောင်းထားသမျှ ဗိုလ်ချုပ်အောင်ဆန်းပုံအချို့ (၂)
စုဆောင်းထားသမျှ ဗိုလ်ချုပ်အောင်ဆန်းပုံအချို့ (၃)
စုဆောင်းထားသမျှ ဗိုလ်ချုပ်အောင်ဆန်းပုံအချို့ (၄)
စုဆောင်းထားသမျှ ဗိုလ်ချုပ်အောင်ဆန်းပုံအချို့ (၅)
စုဆောင်းထားသမျှ ဗိုလ်ချုပ်အောင်ဆန်းပုံအချို့ (၆)
စုဆောင်းထားသမျှ ဗိုလ်ချုပ်အောင်ဆန်းပုံအချို့ (၇)

ဗိုလ်ချုပ်အောင်ဆန်းပုံပါ ပိုက်ဆံအချို့

တွေးချင်ရာတွေး ရေးချင်ရာရေး (၄)

ဒီခေါင်းစဉ်နဲ့ စာတွေ မရေးဖြစ်တာတောင် ကြာပြီ။ အရင်က ရေးမယ်၊ ရေးမယ်ဆိုပြီး တွေးထားတာတွေ အများကြီး။ ခုတော့ မေ့တေ့တေ့ဖြစ်ကုန်ပြီ။

နေ့လယ်က အိမ်ကို ၀မ်းကွဲအမ တစ်ယောက်လာလို့ အိမ်နားက MRT Station မှာ သွားခေါ်ရတယ်။ မလာတတ်တာလည်း မဟုတ်ဘဲ အဲဒီလို တကူးတက သွားခေါ်ရတာလည်း ရှိသေးတယ်။ ပြောချင်ဘူး။ အဲဒါ လမ်းမှာ သွားနေရင်း အပြင်မထွက်တာ ၂ ရက်လောက်အတွင်း ပြောင်းလဲနေတာ တခုတွေ့တယ်။ MRT ဆီရောက်ဖို့ ကျွန်မတို့ သွားနေကျ ကားသွားကားလာ သိပ်မရှိတဲ့ လမ်းလေး တခုကို ဖြတ်ရတယ်။ အဲဒီနားတ၀ိုက် လူနေတိုက်တွေက လူတွေလောက်ပဲ အသုံးပြု သွားလာတဲ့ ကားလမ်းလေးပေါ့။ အရင်တုန်းက မိုးရွာနေတုန်းနဲ့ မိုးရွာပြီးစတွေ အဲဒီကားလမ်းဖြတ်ရင် တော်တော် စိတ်ပျက်ဖို့ကောင်းတာ။ လူကူးရတဲ့ နေရာကမဟုတ်ဘဲ တိုက်ကြားတွေကနေ အလွယ် ဖြတ်ကူးကြတာဆိုတော့ ကားလမ်းဘေး ပလက်ဖောင်းနားက မြက်ခင်းပြင်တွေမှာ မိုးရေကြောင့် စိုစွတ်နေပြီး မြေကြီးက ပျော့နေတဲ့အတွက် ခြေထောက်တွေ ပေကုန်တတ်တယ်။ ရွှံ့နဲ့ ရေအချို့ခြေထောက်ကို မပေအောင် ခြေဖျားလေး ထောက်၊ ကိုယ်လေး ဖော့ပြီး သွားရတော့တာကိုး။ ခုတော့ (လမ်းကူးရတဲ့နေရာ မဟုတ်ပေမဲ့) လူအများစု လမ်းဖြတ်ကူးနေကြတဲ့ မြက်ခင်းပြင်ပေါ်မှာ လူတစ်ယောက်စာ ကျောက်ပြားလေးတွေ ခင်းပေးထားတယ်။ စိတ်ထဲမှာ တော်တော်သဘောကျသွားတယ်။ တလက်စထဲ တွေးလိုက်မိသေးတယ်။ ဒီမြို့နယ်မှူးက ဒီနားမှာ နေထိုင်တဲ့ ပြည်သူတွေရဲ့ ဘာမဟုတ်တဲ့ လိုအပ်ချက်လေးကို ဘယ်လိုများ သိနေပါလိမ့်လို့။ ဩော် သူများအစိုးရတွေများ... အဲလို၊ အဲလို...

ကျွန်မ ရေးထားတဲ့ ရန်ကုန်ပြန်မှတ်တမ်း (၁)၊ (၂)၊ (၃) နဲ့ပတ်သက်ပြီး ကွန်မန့်တွေက ခုချိန်ထိ ကြိုကြားကြိုကြား တက်တက်လာတယ်။ ကျွန်မရဲ့ အရေးအသားက သူတို့ကို တော်တော် ဟက်ထိပုံရတယ်။ (မပန်ရေးတဲ့ ဟတ္ထိနဲ့တော့ မတူဘူးနော်။ :P) ကျွန်မကို မကျေမနပ်နဲ့ လာပြောကြတဲ့ သူတို့ကွန်မန့်တွေ ဖတ်ပြီး အစကတော့ ဘာမှ ပြန်မရေးဘဲ နေမလို့ပဲ။ နောက်တော့လည်း နည်းနည်းနားလည်အောင်တော့ ပြန်ရေးလိုက်ပါတယ်။ တချို့က ကျွန်မ ဘာကို ရေးထားလို့ ရေးထားမှန်း မသိဘူးတဲ့။ အဲဒါနဲ့ ရှင်းရှင်းလေးဖြစ်အောင် ကွန်မန့်မှာ ထပ်ရေးပေးလိုက်တယ်။ ဒါကိုမှ နားမလည်သေးဘူးဆိုရင်တော့ ကျွန်မလည်း မသိတော့ဘူး။;)) သူတို့က ကျွန်မပြောတော့သာ နာတတ်ကြတာ ကျွန်မရေးထားတာ ဘယ်နေရာမှားနေတယ်၊ လက်ရှိအခြေအနေထက် ဘာတွေ ပိုရေးထားတယ်ဆိုတာမျိုး ထောက်ပြ ပြောဆိုတာ လုံးဝမရှိဘဲ ဘလိုင်းကြီး ကွန်မန့်လာလာရေးကြတာကိုတော့ ကျွန်မက နောက်ဆို အချိန်ကုန်ခံပြီး ရီပလိုင်း ပြန်မလုပ်တော့ဘူး။ ရှုပ်လွန်းလို့။

တခါတလေ လူတွေ အရမ်း ရယ်ရတယ်။ ကျွန်မကို "ဩော် s0wha1 လား"ပေါ့။ "s0wha1 ဘလော့ဂ်ကို မကြာမကြာ လာဖတ်ဖြစ်တယ်"၊ ဘာညာနဲ့ အွန်လိုင်းမှာ တချို့လူတွေ လာပြောကြတယ်။ ပြီးရင် သူတို့က ကျွန်မကို Female လား၊ Male လားတောင် သေချာမသိဘူး။ "အစ်ကို"လို့ လာခေါ်တဲ့သူက ခေါ်၊ "ဟေ့လူ"လို့ လာခေါ်တဲ့သူက ခေါ်နဲ့။ လူက မပြုံးဘဲ ၀ါးလုံးကွဲရယ်မိတယ်။ ဘလော့ဂ်တခုလုံးမှာ ကျွန်မချင်း မိုးမွှန်အောင် ရေးထားပါလျက် ယောက်ျားမှန်း၊ မိန်းမမှန်း မသိကြသူတွေ သိပ်မရွှီးတတ်ဖို့တော့ လိုလိမ့်မယ်ထင်ပါရဲ့။ ကောင်မလေးတစ်ယောက်ဆို လူကို သူမသိတာတခု လာမေးတာတောင် မာရေကျောရေနဲ့ စိတ်ထဲကတော့ ဘာလဲဟပေါ့။ နောက်မှ ကျွန်မကို သူက ယောက်ျားလေးထင်လို့ အထက်စီးလေသံနဲ့ လာစကားပြောနေတာကိုး။ အံ့ဩကုန်နိုင်ဖွယ်ပဲ။ ပြောသေးတယ်... သူက ကျွန်မဘလော့ဂ်ကို လာဖတ်ဖူးတယ်ဆိုလား။ =)) နောက်ဆို "s0wha1သည် အမျိုးသမီး ဖြစ်၏" လို့ ရေးထားရမလို ဖြစ်နေပြီ။ ဒါတောင် မှားချင်မှားနေကြဦးမှာ။ တကယ်က ကျွန်မ ဘလော့ဂ်ကို မဖတ်ဖူးလို့လည်း ကျွန်မအနေနဲ့ ဘာပြောစရာရှိလဲ။ ကျွန်မကလည်း "ကျွန်မ ဘလော့ဂ်ဖတ်လားဟင်"လို့ မေးနေတာလည်း မဟုတ်။ (အဲလို မေးလို့ အားနာပါးနာနဲ့ ပြောကြတာဆိုရင်လည်း တော်သေး။) မသိရင် မသိသလိုလေးနေပြီး နှုတ်ဆက်ကြတာက ပိုမကောင်းဘူးလားလို့ပါ။

ကျွန်မနဲ့ ကျွန်မ သူငယ်ချင်းတွေလည်း တခါတခါ လွဲတတ်ပါတယ်။ တစ်ရက် MRT စီးရင်း ကျွန်မသူငယ်ချင်း ၃ယောက် အလုပ်မရှိ၊ အလုပ်ရှာပြီး သူတို့ရှေ့မှာ ထိုင်နေတဲ့ အိန္ဒိယလူမျိုး တစ်ယောက်ကို ကြည့်ရင်း ငြင်းကြသတဲ့။ တစ်ယောက်က "အိန္ဒိယက ကုလားဖြစ်မယ်"တဲ့၊ နောက်တစ်ယောက်ကတော့ "မဟုတ်ဘူး မလေး ကုလား"တဲ့၊ တစ်ယောက်ကကျ "လိုကယ်(local) ကုလား"လို့ ပြောတယ်။ သုံးယောက်သား သူနိုင်ကိုယ်နိုင် အပြိုင် ငြင်းနေကြတာ အဲဒီအိန္ဒိယအကိုကြီးက "ကျွန်တော် မြန်မာ ကုလားပါ ခင်ဗျာ"လို့ ဗမာလို ပီပီသသကြီး ပြန်ပြောလိုက်မှ သူတို့ အငြင်းအခုန်လည်း ရပ်သွားတော့တယ်။ ;)) "ငါတို့မှာ သူမြန်မာလို ပြန်ပြောလိုက်တာလည်း ကြားရော မျက်နှာပူပြီး အားနာလိုက်တာဟာ"ဆိုပြီး ကျွန်မတို့ကို ပြန်ပြောပြတယ်။ ငြင်းစရာမရှိ ကြံဖန်ငြင်းတာကိုး ကောင်းတာပေါ့လို့။

ကျွန်မကျတော့ တမျိုး၊ ကျွန်မက ဘယ်သူကိုမဆို သိပ်ပြီး စနောက်လေ့ မရှိဘူး။ ကျွန်မကို နောက်ရင်လည်း သိပ်မကြိုက်ဘူး။ သူတို့လို ပြန်မပြောတတ်လို့လည်း ပါတာပေါ့။ ရှားရှားပါးပါး သူများကို စနောက်မိရင်လည်း ကိုယ်ပဲ ပြန်ခံရတတ်တယ်။:D ဒါမှမဟုတ် (မစ တတ်တော့) နားလည်မှုတွေလွဲရာကနေ အငြင်းအခုန်တွေဖြစ်ပြီး စကားများရတတ်တယ်။ တရုတ်နှစ်ကူးအချိန်ဆိုရင် တရုတ်တွေရဲ့ ပြက္ခဒိန် အကောင်ပလောင်နှစ်တွေကို အရုပ်တွေနဲ့တကွ ဒီနှစ်မှာ ဘာဖြစ်မယ်ဆိုတဲ့ ဗေဒင်ဟောစာတမ်းတွေပါ နေရာတိုင်းလိုလိုမှာ ခမ်းခမ်းနားနား တွေ့ရတတ်တယ်။ ကျွန်မ သူငယ်ချင်းတော်တော်များများက ခွေးနှစ်ဖွားတွေဆိုတော့ တစ်ယောက်က ခွေးရုပ်ရှေ့မှာ အမှတ်တရ ဓာတ်ပုံရိုက်တယ်။ တကယ် သူ ရိုက်ချင်တာက ခွေးရုပ်လေးနဲ့ ဗေဒင်ဟောထားတဲ့ ဆိုင်းဘုတ်ရှေ့မှာပဲ ရိုက်ချင်တာ ဒါပေမဲ့ ဓာတ်ပုံထဲမှာတော့ Dog လို့ ရေးထားတဲ့ ဘေးနားလေးမှာ သူက နေရာယူပြီးသား ဖြစ်နေတယ်။ ဟိုရှမ်းပြည်နယ်က "ခွေးရုပ်" ဆိုတဲ့ ဘူတာ ဆိုင်းဘုတ်အောက်မှာ ဓာတ်ပုံရိုက်မိတာထက် ဆိုးနေပြီ။ ဒါနဲ့ ကျွန်မက ကင်မရာထဲက သူ့ဓာတ်ပုံကို ကြည့်ရင်း သူ့ကို "ဟာ နင်က ခွေးပဲဟ"လို့ စနောက် ပြောပြီး အားရပါးရ ရယ်တယ်။ သူလည်း ကျွန်မနဲ့အတူ လိုက်ရယ်ရင်း ပြန်မေးတယ်။ "အေး... ဟုတ်တယ်။ နင်ကရော ဘာလဲ"တဲ့။ သူက ကျွန်မကို ပြန်နောက်ချင်လို့လား၊ ဒါမှမဟုတ် တကယ်သိချင်လို့ အတည် မေးတာလားဆိုတာတော့ မပြောတတ်ပါဘူး။ ဒါပေမဲ့ ကျွန်မ ဘာကောင်နှစ်ဖွားလဲ သူသေချာ မသိတာ အမှန်။ အဲဒီတော့ ကျွန်မကလည်း မဆိုင်းမတွ အပီအပြင် ပြန်ဖြေတယ်။ "ငါက ကြက်"တဲ့။ သွားရောပဲ။ သူများကို စိတ်ရှိလက်ရှိ စနောက်နေပြီးမှ ဖြစ်ပုံများ ပြောချင်ပေါင်။:P အမှန်ဆို "ငါက ကြက်ဖ" လို့ ဒါမှမဟုတ် "ကြက်ဖနှစ်ဖွား"လို့ ပြောရမှာ။ စကားပြော လောကြီးသွားတာ ပြန်ပြင်လို့ကို မမှီတော့ဘူး။ သူငယ်ချင်းတွေအကုန်လုံး "အုန်း" ကနဲ ၀ိုင်းရယ်ကြတာ။ မှတ်ရော။ နောက်ဆို သူများကို ဘယ်တော့မှ နောက်တော့ဘူး။ :D

ဒီနေ့ အိမ်နားမှာ မိုးတွေကရွာ၊ လျှပ်စီးတွေကလက်နဲ့ အိမ်မှာနေရတာ ဇိမ်ကိုကျလို့။ အမေ ချက်ကျွေးတဲ့ ၀က်သားဟင်း အချိုချက်ရယ်၊ ဆတ်သားခြောက်ကို ခရမ်းချဉ်သီးနဲ့ စပ်စပ်လေး ချက်ထားတာရယ် ဗိုက်ကားအောင် စားပြီး သီချင်းလေး နားထောင်ရင်း အင်တာနက်သုံးရတာ မိုက်မှမိုက်။ အဲဒီချိန် အိမ်နားမှာ မိုးကြိုးပစ်လိုက်လို့လား မသိပါဘူး။ Breaker Tripped ဖြစ်သွားတယ်။ အဲဒါနဲ့ မောင်လေးက တခါ ပြန်တင်လိုက်၊ နောက်တခါ မိုးထပ်ခြိမ်းလို့ ပြန်ပြုတ်ကျသွားလိုက်နဲ့။ နှစ်ခါလောက် ဘရိတ်ကာကျပြီး မီးပျက်ပျက်သွားတယ်။ အမေကလည်း ကျွန်မတို့ အမေပီသစွာ အရမ်း ကြောက်တတ်တာ။ ပြန်မတင်ဘဲ ဒီတိုင်းထားလိုက် လုပ်နေသေးတယ်။ နောက်တော့ ကျွန်မလည်း ဒီပို့စ် ရေးနေရင်း မိုးအေးအေးနဲ့ ကွေးလိုက်တာ ခုမှပဲ နိုးလာတယ်။

တွေးချင်ရာတွေး၊ ရေးချင်ရာရေးဆိုတဲ့အတိုင်း ရေးချင်ရာ လျှောက်ရေးထားတာ။ သည်းခံပြီး ဖတ်ကြတာ ကျေးဇူးပါ။ တကယ်ရေးချင်တာတွေကိုတော့ အကြောင်းအမျိုးမျိုးကြောင့် ဖျက်လိုက်ပြီ။ တကယ်တော့ ဒီပို့စ်ကို လွန်ခဲ့တဲ့ ၃ လကျော်ထဲက တ၀က်တပျက် ရေးထားပြီးသား။


ရွှင်လန်း ချမ်းမြေ့ကြပါစေ။

s0wha1

မွေးနေ့ ဆုမွန်

ဇွန်လမှာ ကျွန်မတို့မိသားစုဝင်တွေရဲ့ မင်္ဂလာမွေးနေ့တွေ မရှိပေမဲ့ ကျွန်မချစ်တဲ့ လူတချို့ရဲ့ အမှတ်တရမွေးနေ့တွေနဲ့ ပြည့်လို့နေပါတယ်။ ကျွန်မချစ်တဲ့အန်တီများရဲ့ မွေးလလို့ဆိုနိုင်တဲ့ မိုးရာသီ ဇွန်လလေးဟာ မိုးတွေကို မချစ်ခင်တဲ့ ကျွန်မအတွက် ခုတော့လည်း စိတ်ထဲမှာ အမှတ်ထင်ထင် ရှိလို့နေပါပြီ။ ဒီနေ့ဟာ ကျွန်မချစ်ခင်လေးစားရသော အန်တီစုရဲ့ ၆၃နှစ်ပြည့် မွေးနေ့ဖြစ်ပါတယ်။ ဒီတနင်္ဂနွေနေ့တွင် အန်တီစုမွေးနေ့ပွဲကို စင်္ကာပူ တိုပါးရိုးမြန်မာဘုန်ကြီးကျောင်းမှာ ကျင်းပမှာ ဖြစ်ပါတယ်။

အန်တီစုမွေးနေ့ဖြစ်တဲ့ ဒီနေ့ ဒီရက်ကို မြန်မာနိုင်ငံ အမျိုးသမီးများနေ့အဖြစ်လည်း သတ်မှတ်ကျင်းပကြပါတယ်။ အန်တီခင်ရဲ့ မြန်မာအမျိုးသမီးများနေ့ ပို့စ်မှာ သွားရောက်ဖတ်ရှု နိုင်ပါတယ်။


ဇွန် ၁၄ရက်နေ့က ၄၃နှစ်ပြည့်ခဲ့တဲ့ အန်တီငြိမ်း၊ ဇွန် ၂၁ မှာ ၄၃နှစ်ပြည့် မွေးနေ့ကျရောက်မဲ့ အန်တီခင်တို့ကို အန်တီစုမွေးနေ့နဲ့အတူ ဆုတောင်း ပေးပါတယ်။ သက်ရှည်ကျန်းမာ၍ ချစ်သောမိသားစုနဲ့အတူ မခွဲမခွာ တိုင်းပြည်အကျိုးကို ဒီထက်မက သယ်ပိုးနိုင်ပါစေ။


ဇွန် ၁၀ရက်နေ့က ကျွန်မရဲ့ တစုံတယောက်မွေးနေ့ဆုတောင်းပို့စ်မှာ အန်တီတို့က ခုလို ကွန်မန့် လာရေးကြတယ်။

*** ***** ***

မေငြိမ်း said...

ဘသူ့မွေးနေ့လဲလည်း မပါပါလား.. ဟီဟီ ..အန်တီ့မွေးနေ့တော့ မဟုတ်သေး.. အန်တီက ၁၄ရက်နော်.. ပီးရင် အန်တီစုက ၁၉ရက်.. အင်းး Che Guevara လည်း ၁၄ရက်..။ သေချာတာတော့ ဇွန်မှာ လူတော်တွေမွေးတယ်ဆိုပဲ..ခိခိ..။ ဆိုတော့ မွေးနေ့ရှင်ကို လူတော်လေးတယောက်လိုဏ္ဍ သတ်မှတ် ပေးပါ့မယ်လေ။ :P

June 10, 2008 3:13 PM

s0wha1 said...

ဟားဟား... အန်တီရေ ကွန်မန့်အတွက် ကျေးဇူး... သေချာတာပေါ့ လူတော်လေးပဲ ဖြစ်မှာ... :P

June 10, 2008 4:00 PM

ခင်မင်းဇော် said...

ဟဲ့ အန်တီခင်ကတော့ ၂၁ နော် ။
ဇွန်ဖွား မေထုန်ရာသီဖွားနေနော် ..
သိတယ်နော် အရည်အချင်းတွေကို...

June 11, 2008 12:00 AM

s0wha1 said...

ဟုတ်ပါ့။ အရည်အချင်းတွေကတော့ ရှယ်တွေကြီးပဲ...;)) အန်တီငြိမ်းနဲ့တောင် ပြောဖြစ်သေးတယ်။:D

June 11, 2008 9:04 AM

*** ***** ***

ဒီကွန်မန့်တွေကို ကြည့်ခြင်းအားဖြင့် ဇွန်လမှာ ဘယ်လိုလူမျိုးတွေကို မွေးဖွားတယ်ဆိုတာ သိကြရောပေါ့နော်။ :P

ချစ်တဲ့

s0wha1

သံသရာ ကမ်းကပ်

သံသရာ ကမ်းကပ်

သံသရာ ကမ်းကပ်
လှမ်းတက်ရခက်တယ် ဆိုပေမယ့်
သင့်ခြေတစ်လှမ်း….
လက်ကမ်းပေးမယ့် လက်တွေက
သူ.. ငါ.. ကွဲပြား ခြားနားခြင်းမရှိတဲ့
ပရဟိတ အနွေးစိတ်တွေနဲ့
ရွှံထဲ.. ဗွက်ထဲ.. ဒုက္ခသည်များရှိရာ
ဖေးကူထူမ သိပ်တိုတဲ့ လူ့ဘ၀မှာ…
ဒုက္ခမရဏကို ပစ်မထားဘဲ
အတူမျှဝေခံစားနိုင်ကြောင်း ပြသကြရအောင်။

ညှိုးနွမ်းခြောက်သွေ့နေပြီးသား သစ်ပင်အိုနဲ့တူတဲ့ လူ့ဘ၀များရှိရာ နာဂစ်ဆိုတဲ့ မုန်တိုင်းယန္တယားကြီးက ထိုသစ်ပင်အိုတွေကိုပဲ အမြစ်က ဆွဲလှန်ပစ်ခဲ့တယ်။

ကျွန်တော်တို့ဘ၀တွေ အရင်ထဲက မနေပျော်ခဲ့ပါဘူး။ စားဖို့သောက်ဖို့နဲ့ လူ့လောကမှာ ခြေထောက်နှစ်ချောင်း မားမားမတ်မတ်ရှိနေဖို့ကိုပဲ အသက်ရှင်နေရတာပါ။ အခုဒီဘ၀လေးကိုပဲ “လှိူင်းကြက်ဖ”လို့ ခေါ်တဲ့ လှိူင်းလုံးတွေက ပင်လယ်ဖက်ဆီမှ တစ်လှိုင်း၊ မြစ်ဝဖက်ဆီမှ တစ်သွယ် ၀င်ရောက်တွန်းချလို့ အသိုက်တွေ လဲကွဲခဲ့ရပါပြီ။ ရင်နဲ့ဖွားခဲ့ရတဲ့ သွေးရင်းသားရင်း၊ ဘ၀ခရီးကြမ်းကို အတူတူဖြတ်နေကြရတဲ့ ဇနီးမယား၊ လင်ယောက်ျား၊ တစ်အူတုံဆင်း ညီရင်းအကို မောင်နှမတွေ၊ ကြည့်စမ်းပါ… ၀ိညာဉ်မဲ့သွားတဲ့ သူတို့ရဲ့ ခန္ဓာတွေ မျက်စိစုံမှိတ်၊ ရှိလက်စ အင်အားလေးနဲ့ပဲ ရေထဲမျောကာ မသာချရပေါ့။ ကိုယ့်ကိုကိုယ် ငုံကြည့်မိလို့လည်း မသတီဖို့ အချိန်မရှိ၊ သူများကို ကြည့်မိလို့လည်း အကုသိုလ်စိတ်မရှိ၊ အကုန်လုံး လူရိုင်းလိုလို၊ တာဇံလိုလိုနဲ့ ငိုကြွေးဖို့တောင် ဆွံ့အ သွားခဲ့ရပြီ။ အုန်းသီး၊ အုန်းရည်၊ ဆန်မှိုတက်နဲ့ ထမင်းတစ်နပ်ဖြစ်ခဲ့ရရင် ဘ၀ဟာ ကြီးလှတဲ့ ကုသိုလ်တဲ့လား၊ မိုးပေါ်က ကျလာတဲ့ PH7 နဲ့ ဘီစကစ်၊ ခေါက်ဆွဲခြောက်တို့ကို တုတ်ဆွဲ၊ ဓားဆွဲ မဖြစ်ရအောင် ဝေခြမ်းကာ မျက်ရည်လည်ရပေါ့။ သံသရာကမ်းကပ်ရာ လှမ်းတာပေါ့ ...။

နာဂစ်ကြောင့် မြို့ပြနဲ့ ကျေးရွာ ရေစက်ဆုံခဲ့ရတယ်ဆိုရင် မြို့ပြက ဂရုဏာရှင်များက ကျေးရွာ၊ ဇနပုဒ် အလှမ်းဝေးလွန်းလှတဲ့ဆီက ဝေဒနာသည်များရှိရာကို ရောက်ဖူးခဲ့ရပြီ။ စာနာတတ်ခဲ့ရပြီ။ လူဖြစ်ရတဲ့ဒုက္ခကို နားလည်ခဲ့ရပြီ။ ကောက်ရိုးမီးလို ဟုန်းကနဲထတောက်ပြီး ငြိမ်သက်ကာ ပြီးဆုံးသွားမဲ့ ကိစ္စမဟုတ်ကြောင်း သိခဲ့ရပြီ။ တကယ့်ကို ရင်နာစရာဘ၀များ ပြန်လည်ထူထောင်ရေး နှစ်ရှည်လများ မဟာစီမံကိန်းချရမှာပါ။ လမ်းပန်း ဆက်သွယ်ရေး အဆင်ပြေချောမွေ့မှုပေါ်မူတည်ပြီး demand နဲ့ supply က စကားပြောပါတယ်။

အာဏာရှိမယ်၊ စကားပေါက်ရောက်မယ် ဆိုရင်ဖြင့် မော်တော်ခပ်လတ်လတ် ၁စီး တန်သည်၊ ၂စီး တန်သည်ကို ထားရှိစေလိုပါသည်။ ကယ်ဆယ်ရေး ရိက္ခာပစ္စည်းမှသည် ပြန်လည်ထူထောင်ရေးအထိ အကူအညီ ပေးလိုကြသည့် စေတနာရှင်များအတွက် ထိရောက်လို့ပါ။ disaster ဒေသတွေမှာ ဆက်သွယ်ရေးလွယ်ကူပြီး အလှူရှင်တွေ သွားရောက်လိုသည့်ဒေသအထိ ပို့ဆောင်ပေးနိုင်ဖို့ပါ။ အလှူရှင်တွေက မြို့ကထွက်ပြီး ကားနဲ့လာ၊ ပြီးမှ မော်တောငှား၊ ထိုအသေးစားမော်တော် (ခေါ်) ပဲ့ထောင်ကလည်း တစ်စီးငှားလျှင် ငွေကျပ် ၃၀၀၀၀၀န်းကျင်နဲ့ သွားလိုသည့် ခရီးအနီးအဝေးကို လိုက်၍ ဓာတ်ဆီပါ ပေးရတာပါ။ ဒီတော့ တစ်လကျော်အချိန် အထိ အ၀တ်အစား၊ စားနပ်ရိက္ခာနဲ့ ဆေးဝါးကလွဲလို့ ထွေထွေထူးထူး သယ်မသွားနိုင်ပါဘူး။ သွားရတယ် ဆိုရာဝယ် ပစ္စည်းတန်ချိန်၊ လိုက်ပါတဲ့ လူအရေအတွက်ပေါ် မူတည်ပြီး ပဲ့ထောင်စီးရတာလည်း ရင်တထိတ်ထိတ်နဲ့ပါ။ ရာသီဥတုဆိုးဝါးပြီး မိုးကြီးလေကြီးတိုက်ခဲ့ရင် အလှူရှင်တွေအတွက်လည်း တကယ့် မလွယ်ကြောပါ။ ခုဆို မိုးဝင်လာပြီဖြစ်လို့ ဒေသဝေး သွားနိုင်တဲ့လူ အရေအတွက်လည်း အနည်းငယ်တော့ ကျဆင်းစ ပြုလာပါပြီ။

ကျွန်တော်တို့သွားခဲ့တဲ့ ဒေးဒရဲအလွန် မြစ်ဝက ရွာလေးရွာဖြစ်တဲ့ ညောင်လန်း၊ လိပ်ကျွန်း၊ ဥတို၊ ရေတွင်းကုန်း(ပင်လယ်ဝအနီး) စတဲ့ ရွာတွေဆိုရင် ခုချိန်ထိ ထမင်းနပ်မှန်ဖို့ အလျှူရှင်တွေ မျှော်ရတုန်းပါ။ မိုးရွာစ ပြုလာတော့ တပတ်၊ ဆယ်ရက်မှာ ၃ခါလောက်တော့ အလှူရကြပါတယ်တဲ့။ ဆီလို အပေါက်ရှာပြီး အပြစ် တင်ချင်နေတာတော့ မဟုတ်ပါဘူး။ အပေါက်တွေ ဘယ်လောက် များနေလဲဆိုတာ စာဖတ်သူတို့လည်း သိပြီးသားပါ။ တစ်ရွာလုံးပေါင်းမှ အိမ်နှစ်အိမ်ပဲ ကျန်တဲ့ရွာနဲ့။ အားကိုးစရာမဲ့သွားတဲ့ မိအိုဖအိုတွေနဲ့ အိမ်ရယ်လို့သာ ခေါ်နေရတဲ့ အမိုးအကာလေးတွေ လုပ်ထားတဲ့နေရာလေးမှာ မိသားစု လေးငါးစုပေါင်းပြီး နေကြရတဲ့နေရာတွေပါ။ အမိုးအတွက် တာလပတ် ဖျင်ထည်တွေတော့ အလုံအလောက်မဟုတ်ပေမဲ့ အနည်းငယ်စီ ရကြရှာပါသတဲ့။ ဒန်အိုး ဒန်ခွက် နဲ့ ဆေးဝါးအနည်းငယ်လည်း တချို့ရွာတွေမှာ ရကြပါတယ်တဲ့။ ကျွန်တော် ဥာဏ်ပုစွာနဲ့ စဉ်းစားမိပါတယ်။ ထိုဝေးလံတဲ့ ရွာတွေ၊ ဒေသတွေမှာ ဆက်သွယ် ဆောင်ရွက်ရေးသဘောမျိုး ဖြစ်စေ၊ အချက်အလက် စုဆောင်းဖြန့်ဝေမှုမျိုး ဖြစ်စေ၊ လိုအပ်ချက် အကောင်အထည် ဖော်ဆောင်ပေးရေးသဘောမျိုး ဖြစ်စေ၊ အမာခံအဖွဲ့ တစ်ဖွဲ့လောက် ထားနိုင်ဖို့ရာ မဖြစ်နိုင်ဘူးလားလို့။ ထိုအဖွဲ့မှတဆင့် မြို့ပေါ်ကို လှမ်းဆက်သွယ်မှုမျိုး ရရှိနိုင်အောင် စီစဉ်ရင်တော့ အတိုင်းထက်အလွန်ပေါ့ဗျာ။

မြို့ပေါ်က စီစဉ်ပေးနိုင်မယ့် ရေယာဉ်အကြီးစားမျိုးနဲ့ တစ်ပတ် တစ်ခေါက်နှုန်းလောက် တည်ဆောက်ရေးအတွက် လိုတဲ့ မျှောတိုင်၊ ၀ါးလုံး၊ အမိုးအကာအမျိုးတွေကို ထိုရွာအဖွဲ့တွေနဲ့ ချိတ်ဆက်ပြီး ပေးပို့နိုင်တာပေါ့။ စီးပွားရေး ဘယ်လိုပြန်လုပ်မလဲလို့ မေးကြည့်တဲ့အခါ ကြောင်အအဖြစ်ပြီး ခပ်ဆိုင်းဆိုင်းပဲ ဖြေကြပါတယ်။ ရွာမှာ အလုပ်လုပ်ချင်ရင်တောင် လုပ်ငန်းရှင်မရှိတော့တဲ့ အဖြစ်ပါတဲ့။ ကျန်ရစ်ခဲ့တဲ့ ကျွဲတွေ၊ နွားတွေနဲ့ တတ်နိုင်သူတွေက လယ်ပြန်လုပ်နိုင်အောင် ကြိုးစားကြပေမဲ့ “မျိုးစပါးတွေကလည်း ရေနဲ့ အကုန်ပါသွားပြီ၊ ဒီကောင်တွေ ကိုယ်တိုင်က စားကျက်ရှားပြီး ချိနေပြီဖြစ်လို့ ထန်ကုန်ခိုင်းလို့ရ သုံး၊ လေးလပါ” တဲ့။ မြို့တက် ကူလီလုပ်မယ် ဆိုတော့လည်း အကိုတို့ မြင်ခဲ့တဲ့အတိုင်း ဒေးဒရဲ မြို့ပေါ်ရောက်အောင်သွားဖို့က ၄နာရီလောက် မော်တော်စီးရမှာတဲ့လေ။ ဘယ်မှာလဲ လမ်းစရိတ်။ သူတို့ထက်ဦးအောင် ကျွန်တော်ပဲ သက်ပြင်း ကြိုချလိုက်ပါတယ်။ ဘယ်လို သံသရာကြီးလဲပေါ့နော် …။

ပဲ့ထောင်ပေါ်ကနေ ဟာ… လယ်ကွင်းတွေက စိမ်းနေပါလားလို့ ရေရွတ်တဲ့အခါ လမ်းပြက စပါးခင်းတွေတော့ မဟုတ်ဘူး၊ မြက်ပင်တွေပါတဲ့။ လှေကျန်၊ ပိုက်ကျန်သူတွေက ငါးထောင်နေကြတာကိုလည်း မြင်ခဲ့ရပါတယ်။ လူငှားမတတ်နိုင်လို့ ကလေး၊ မိန်းမ မကျန် ကွန်ချနေကြတယ်။ ဘယ်လိုလဲ အမိများလားဆိုတော့... “တစ်နေကုန်ဆိုရင် ၀မ်းစာလောက်တော့ ရပါတယ်” တဲ့။ ကျွန်တော်တို့ဈေးထဲက ငါးတွေ၊ ပုဇွန်တွေ ဘယ်ကများ လာကြပါလိမ့် …။

မျက်လုံးထဲမှာ သွေးရူးသွေးတမ်းနဲ့ မှောင်မှောင်မဲမဲ လေကြီးမိုးကြီးထဲ မိသားစုတွေ သွေးရူးသွေးတမ်း ထွက်ပြေးကာ သေကုန်ကြပုံ၊ တစ်ကျောင်းတည်းရှိတဲ့ ကျောင်းဝင်းထဲ ပြေးဝင်ပုန်းကြရာ ထိုကျောင်းရော လူတွေပါ ရေထဲ၊ လေထဲ အကုန်ပါသွားပုံ၊ ရေလွတ်တဲ့ သစ်ပင်အဖျားမှာ ရောက်နေကြတဲ့ သက်ကြီး ရွယ်အိုတွေ လေဒဏ်၊ မိုးဒဏ်ကို မခံနိုင်တော့လို့ အသက်ပျောက်သွားကာ ရေထဲပြုတ်ကျပုံတွေ၊ ဖက်တွယ်လို့ရတဲ့ သစ်ပင် သစ်ကိုင်းမှာ တွယ်တက်ကာ အသက်ရှင် လွတ်မြောက်လာခဲ့ပေမဲ့ တစ်ကိုယ်လုံး တုန်ရင်ပေါက်ပြဲပြီး အ၀တ်ဗလာ ဖြစ်နေရှာတဲ့ ယောက်ျား၊ မိန်းမတွေ၊ ကိုယ့်မြေ၊ ကိုယ့်ယာစွန့်ပြီး တစ်ခြားရွာကို ပြေးတော့ တစ်ခြားရွာက ကိုယ့်ထက်အဆမတန် ဆိုးနေလို့ ပြန်ပြေးလာရပုံတွေ၊ ဒုက္ခ သုက္ခများကြားက အမှန်လား၊ အမှားလား မေးခွန်းများ ရောက်ဖြစ်အောင် ရောက်လာလို့ ကိုယ့်ဘ၀ကို ကြောင်အအ ဖြစ်ရပုံတွေ ...။

ပုံတွေ… ပုံတွေ… ပုံတွေ… နာဂစ်က အရုပ်ဆိုးအကျည်းတန် စိတ်ဒဏ်ရာ အနာတရနဲ့ မလှမပတော့မယ့် သံသရာ ပန်းချီးကားချပ်ကြီး တစ်ချပ်လို ချဆွဲပြသွားခဲ့တယ်။ ဒါမှ တကယ့် realism အစစ်ကွလို့ နောက်ဆုံး ကြုံးအော်သွားသေးလားတော့ မသိပါ။ ကျွန်တ်ာတို့အဖို့ သံသရာကမ်းကပ်... လှမ်းတက်ရခက်တယ် ဆိုပေမဲ့ တကယ်ကို နဖူးတွေ့ ဒူးတွေ့ ကြုံခဲ့ရပါပြီ။


မင်းသစ်တည်
၉.၆.၂၀၀၈


စာကြွင်း ။ ။ အဝေးဆုံးဖြစ်တဲ့ ရေတွင်းကုန်းရွာက ပင်လယ်ဝနဲ့ သိပ်မဝေးတော့သလို ဒေးဒရဲ မြို့ပေါ်ကနေ ပဲ့ထောင်နဲ့ ရောက်ပြန်ခရီး သွားမယ်ဆိုရင်တောင် ကြာမြင့်ချိန် အနည်းဆုံး ၅နာရီ လောက် ခရီးရှိပါတယ်။

ရွာအမည် ။ ။ ညောင်လန်း
အိမ်ခြေ ။ ။ ၇၅လုံးခန့်ရှိခဲ့ရာ ၂လုံးသာ အကောင်းကျန်
လူဦးရေ ။ ။ ၂၉၀လောက်ရှိခဲ့ရာ ၃၈ဦး သေဆုံးခဲ့ပါတယ်။

ရွာအမည်။ ။ လိပ်ကျွန်း
အိမ်ခြေ ။ ။ အိမ်ခြေ၁၆၀ခန့်
လူဦးရေးး လူဦးရေ ၅၆၀လောက်ရှိခဲ့ရာ ၆၂ဦး သေဆုံးခဲ့ပါတယ်။

ရွာအမည်။ ။ ဥတို
အိမ်ခြေ ။ ။ အိမ်ခြေ ၁၂၆ခန့်
လူဦးရေ ။ ။ လူဦးရေ ၄၀၀ ကျော်ခန့်ရှိခဲ့ရာ ၇၆ဦး သေဆုံးခဲ့ပါတယ်

ရွာအမည်။ ။ ရေတွင်းကုန်း
အိမ်ခြေ ။ ။ အိမ်ခြေများတဲ့ ရွာလတ်ပိုင်း
လူဦးရေ ။ ။ လူဦးရေ ၁၀၀၀ ကျော်ရှိခဲ့ရာ ၁၀၀ ကျော်ခန့် သေဆုံးခဲ့ပါတယ်။

*** ***** ***

ကိုမင်းသစ်တည်ရဲ့ ဆောင်းပါးကို အီးမေးလ်ကနေတဆင့် ရရှိတဲ့အတွက် ကျွန်မဘလော့ဂ်မှာ ပြန်လည် ကူးယူတင်ပြလိုက်ပါတယ်။ ဆောင်းပါးပို့ပေးတဲ့ ကိုမင်းသစ်တည်ကို ကျေးဇူးတင်လျက်။

စက်ကြီး ၁၃ ပါး

ကျွန်မ ငယ်ငယ်က အစ်ကိုတွေ၊ အစ်မတွေ ကြောက်ရင် ဒီဂါထာကို ရွတ်သံ ကြားဖူးနေကျပါ။ အဲဒီတုန်းကတည်းက လိုက်ရွတ်ချင်ပေမဲ့ အရွယ်ကလည်း တော်တော် ငယ်သေးတော့ သူတို့ကို မမေးမိဘူး။ နောက်ပိုင်းကျတော့လည်း အဲဒီဂါထာအကြောင်း မေ့သွားတယ်။ ခုကျမှ ၀က်ဘ်ဆိုဒ်တခုမှာ တွေ့လို့ ကျွန်မ အလွတ်ကျက်ရအောင် ကျွန်မ ဘလော့ဂ်မှာ ပြန်တင်ထားလိုက်တာပါ။

***** *** *****

စက်ကြီး (၁၃)ပါး ဂါထာ ပါဠိတော်

သြောင်း - တစ်ရာ့ရှစ်ကွက် ဗုဒ္ဓစက်။
တစ်ဆယ့်လေးချက် ဓမ္မစက်။
တစ်ဆယ့်ရှစ်ချက် သံဃာ့စက်။
လရောင်းဝင်းလျက် ရှင်ပစ္စေကဗုဒ္ဓါ ရဟန္တာစက်။
မြင်းမိုရ်တောင်ဦး မြင့်ခေါင်ကျူးလျက် မိဘစက်။
ဂုဏ်ကျေးဇူး အထူးသိလျက် ဆရာ့စက်။
ဗြဟ္မစိုရ်လက်နက် ဗြဟ္မာ့စက်။
မိုးကြိုးလက်နက် သိကြားစက်။
လောင်မီးကျလျက် နတ်တို့စက်။
ဘွဲ့ဖြူလက်နက် ဘီလူးစက်။
တောင်ဟုန်းပြင်းလျက် ဂဠုန်မင်းစက်။
အာခံတွင်းက ဝင်းဝင်းတောက်လျက် နဂါးစက်။
သုံးထောင်သင်္ချာဟေဝန္တာ အာဏာစိုးလျက် သီဟစက်။
စက်ကြီးတစ်ဆယ့်သုံးပါး၊ ရွတ်သံကြားက ဘေးများမြင်မှု၊
မကောင်းစုတို့၊ ဝေးကကြဉ်ရှောင်၊ အောင်စေတတ်သည်။
မြတ်သည့်ဆရာ ပညာတည်း။
သြောင်း - နမော ဗုဒ္ဓါ နုဘာဝေန၊
သြောင်း - နမော ဓမ္မာ နုဘာဝေန၊
သြောင်း - နမော သံဃာ နုဘာဝေန၊
သြောင်း - ဒူရေ ဒူရေ၊ သွား ဟုံ ဟုံ။

***** *** *****

စက်ကြီး (၁၃)ပါး ဂါထာမန္တန်တော် ရွတ်ဆိုရခြင်းအကျိုး

စက်ကြီး (၁၃)ပါး ဂါထာမန္တန်တော်ကို နေ့စဉ် ရွတ်ဖတ်ခြင်းဖြင့် မိမိတို့အိမ်၌ ကျက်သရေမင်္ဂလာ တိုးတက် ပွားများစေပါသည်။ ကျရောက်ဆဲ၊ ကျရောက်လတ္တံ့သော ဘေးအန္တရာယ်များလည်း ကင်းဝေးစေပါသည်။ ထို့ပြင် အမိ၊ အဘ၊ ဆရာသမား စသော ချစ်ခင်နှစ်သက်သူတို့နှင့် မကွဲမကွာ အတူတကွ နေထိုင်ရသော အကျိုးတို့ကိုလည်း ရရှိစေနိုင်ပါသည်။

ဤဂါထာမန္တန်တော်ကို ကုန်းလမ်း၊ ရေလမ်း၊ လေယာဉ်ခရီးလမ်းတို့ သွားလာရာ၌ အထူးသတိပြုကာ တလေးတစား ရွတ်ဆိုပွားများသင့်ပါသည်။ ယင်းဂါထာမန္တန်တော်ကို ရွတ်ဖတ်ပွားများပြီးသောအခါ မိမိကိုယ်စောင့်နတ် အပါအဝင် နတ်တို့အား အမျှပေးဝေပါ။ လမ်းခရီး၌ အန္တရာယ် တစ်စုံတစ်ခု ကြုံလာသည့်တိုင် ၎င်းနတ်တို့က မိမိအား ကျေးဇူးတင်သောအားဖြင့် တုံ့ပြန်ကူညီကြလိမ့်မည်။ သူတော်ကောင်း နတ်ကောင်းမ ဆိုသည့် သဘောကို စဉ်းစား ဆင်ခြင်ရန် ဖြစ်ပါသည်။

***** *** *****

ရွှင်လန်း ချမ်းမြေ့ကြပါစေ။

s0wha1