Penang ရှိ Meditation Center (၂)

ကိုပေါက ဒီဘုန်းကြီးကျောင်းကို မသိဘူးဆိုပြီး ကွန်မန့်လာရေးသွားလို့ ပြောရဦးမယ်။ တကယ်က ကိုပေါမသိတာလည်း အလွန်မဟုတ်ဘူး။ ပီနန်မြို့ပေါ်မှာနေတဲ့ မြန်မာတိုင်းတောင် သိမှာ မဟုတ်ဘူး။ ဘာလို့ဆို တပါးထိုင်ကျောင်းလေးဖြစ်တဲ့အပြင် ပီနန်မြို့ပေါ်မှာ ရှိတာလည်း မဟုတ်ဘူးလေ။ ပီနန်ကနေ နာရီဝက်လောက် သွားမှ အဲဒီ Bukit Mertajam မြို့နယ်ကို ရောက်မှာ။ ၁၂ ကီလိုမီတာရှည်တဲ့ တံတားကြီးကို ဖြတ်သွားရသေးတာ။ ပြီးတော့ ကိုးကွယ်တဲ့ ဒကာ၊ ဒကာမတွေကလည်း အကုန် မလေးတရုတ်တွေကြီးပဲ။ ပီနန်းမြို့ပေါ်က ထိုင်းဘုန်းကြီးကျောင်းနဲ့ မျက်နှာချင်းဆိုင်မှာရှိတဲ့ မြန်မာဘုန်းကြီးကျောင်းလိုတော့ လူသိ ဘယ်များမလဲ။ ဥပမာပေးရရင် စလုံးမှာ တိုပါးရိုးဘုန်းကြီးကျောင်းကို လူတိုင်းသိပေမယ့်၊ တပါးထိုင် ဘုန်းကြီးကျောင်းလေးတွေကို လူတိုင်း မသိသလိုပေါ့။ ကျွန်မဆို Eunos မှာ ရှိတဲ့ ဘုန်းကြီးကျောင်း တခါမှကို မရောက်ဖူးတာ။ :P

ခု အဲဒီပီနန်းမြို့နားက ဘုန်ကြီးကျောင်းမှာ ရိုက်လာတဲ့ လက်ကျန်ပုံလေးတွေ ထပ်တင်လိုက်ပါတယ်။

ဘုန်းကြီးကျောင်းဝန်းထဲက ဘဲရုပ်သေးသေးလေးပါ။ ချစ်ဖို့ အတော်ကောင်းပါတယ်။


သမင်သားအမိက မှန်ဘီလူးဆွဲပြီး ရိုက်ထားတော့ ကြီးနေသလိုပါပဲ။


ဒါက သူတို့ မူရင်းအနေအထားလေးပေါ့။ တော်တော်သေးတယ် မဟုတ်လား။



နာဂစ်တုန်းက ကူညီထားတာတွေပါ။ အလှူငွေ တော်တော်များများလည်း ရတယ်။ သူတို့ကိုယ်တိုင် ဦးစီးဦးဆောင်လုပ်ပြီး သွားလှူထားတာ။







ဘုန်းကြီးကျောင်းဝန်းထဲက တပါးထိုင် ကျောင်းဆောင်လေးတွေပါ။


ဒါကတော့ ဒီကျောင်းအဆက်ဆက်က ကျောင်းထိုင်တွေပုံ။

ဒီဆရာတော်ကြီးပါပဲ။ ဘုန်းကြီးကျောင်းကို စထူထောင်ပြီး ထေရ၀ါဒသာသနာကို အဲဒီဒေသပတ်ဝန်းကျင်မှာ ဖွံ့ဖြိုးတိုးတက်အောင်လုပ်ခဲ့တာ မလေးရှားလူမျိုး တရုတ်ဘုန်းကြီးပါ။


ရွှင်လန်းချမ်းမြေ့ကြပါစေ။
s0wha1

ဖတ်မိသမျှ စာအချို့ (၂)

ကျွန်မ ဖတ်ဖူးတဲ့ စာအုပ်တချို့ကစာတွေ ကောက်နှုတ်ဖော်ပြမယ်ဆိုပြီး ၂၀၀၇၊ ဇွန်လက ဖတ်မိသမျှ စာအချို့ကို တခါပဲ ရေးဖြစ်ပြီး ထပ်မရေးဖြစ်ခဲ့ဘူး။ ရေးမယ်၊ ရေးမယ်နဲ့ စိတ်ထဲမှာသာရေးနေပြီး ဘလော့ဂ်မှာတော့ တကယ်မရေးဘဲ အပျင်းတက်နေတာက များနေတာကိုး။ ဒီတခါတော့ ခုတလော ဖတ်ဖြစ်တဲ့ စာအုပ်လေးတွေအကြောင်း နည်းနည်းရေးချင်တယ်။

******* ***** *** ***** *******


ဆရာ ဇ၀နရဲ့ "ကောလိပ်ဂျင်"၀တ္ထုနဲ့ ရုပ်ရှင်က နာမည်ကြီးဆိုတော့ လူတိုင်းသိမှာပါ။ ကျွန်မကတော့ ခုမှ ဖတ်ဖူးတယ်။ ရုပ်ရှင်ကိုလည်း သေချာ မမှတ်မိတော့ပါဘူး။ မင်းသား ကောလိပ်ဂျင်နေ၀င်း တိုက်ပုံအမည်း၊ ထီးကောက်ရှည်နဲ့ သရုပ်ဆောင်ခဲ့တဲ့ကားဆိုရင်တော့ ကျွန်မ ငယ်ငယ်က ကြည့်ဖူးခဲ့ပါတယ်။ ဆရာဇ၀နရဲ့ ၀တ္ထုတွေ ကျွန်မ သိပ်မဖတ်ဖူးသလိုပါပဲ။ ဆိုးပေ ၀တ္ထုတွေလောက်ပဲ ဖတ်ဖူးတယ်ထင်ပါတယ်။


ဆရာကြီးရွှေဥဒေါင်း ၀တ္ထုတွေကိုတော့ ကျွန်မ တော်တော်များများ ဖတ်ဖူးခဲ့တယ်။ ကျွန်မတို့ အိမ်နားရှိ စာအုပ်အငှားဆိုင်က စာအုပ်စင်မှာ ရွှေဥဒေါင်း စာအုပ်တွေကြီးပဲ နေရာများများယူထားတော့ အဲဒီဆိုင်ကျေးဇူးနဲ့ ဖတ်ဖြစ်ခဲ့တာပါ။ ဆရာကြီးရဲ့ ဘာသာပြန်စာအုပ်တွေထဲက "သွေးစုပ်မြေ"ကတော့ ဖတ်ပြီးတိုင်း အိပ်မပျော်နိုင်ခဲ့ပါဘူး။ ဒါပေမဲ့ စုံထောက်ဦးစံရှား ၀တ္ထုတို အနည်းငယ်ပဲ ဖတ်ဖူးပါတယ်။ ဒီနေ့မှ "စုံထောက်ဦးစံရှားပေါင်းချုပ်"စာအုပ် တစ်အုပ်ရလို့ ဖတ်နေတုန်း ရှိသေးတယ်။

ခု ဆရာကြီး ရွှေဥဒေါင်းရေးတဲ့ "အမေရိကန်သမ္မတ အေဗရာဟမ်လင်ကွန်း"အကြောင်း စာအုပ်ထဲမှာတော့ သမ္မတ လင်ကွန်းအကြောင်း၊ အမေရိကန် တောင်ပိုင်းနဲ့ မြောက်ပိုင်း ပြည်တွင်းစစ်တွေအကြောင်း၊ မြောက်ပိုင်းသားတို့ရဲ့ပါတီ ရီပတ်ဘလီကင်နဲ့ တောင်ပိုင်းသားတို့ရဲ့ ဒီမိုကရက်ပါတီတို့ ရွေးကောက်ပွဲအတွက် တရားဆွယ် စကားရည်လုပွဲတွေအကြောင်း အနည်းငယ်လည်း ပါသေးတယ်။ မြောက်ပိုင်းသားဖြစ်တဲ့ သမ္မတလင်ကွန်းက အလွန်ကြင်နာ သနားတတ်သူဖြစ်ကြောင်း မှတ်သားလိုက်ရတယ်။ ဒါကြောင့်လည်း လူလူချင်း အသားအရောင် ကွဲပြားမှုကြောင့် အခိုင်းအစေကျွန်အဖြစ် သတ်မှတ်ခံထားရတဲ့ အဖိနှိပ်ခံ လူမည်းတွေဘက်က ရပ်တည်ခဲ့တာ မအံ့ဩတော့ပါဘူး။ လူမပြောနဲ့ တိရိစ္ဆာန်လေးတွေကိုတောင် ညှာတာသနားတတ်တဲ့ သမ္မတကြီးဟာ သူ့တိုင်းပြည် နှစ်ခြမ်းမကွဲအောင် ကြိုးစားရင်း အောင်မြင်လုခင်၊ ပြည်တွင်းစစ်အပြီးမှာပဲ လုပ်ကြံခံရလို့ သေဆုံးခဲ့ရပါတယ်။ ဆိုင်ဆိုင်၊ မဆိုင်ဆိုင် ကျွန်မတော့ ဒီစာအုပ်ဖတ်ရင်း ဗိုလ်ချုပ်အောင်ဆန်းကို သတိရမိတယ်။


ဒါကတော့ ဆရာကြီး ရွှေဥဒေါင်းရဲ့ ၀တ္ထုတိုပေါင်းချုပ်ပါ။ အဲဒီထဲမှာ "ကစားတိုင်းနိုင်တဲ့နည်း"ဆိုတဲ့ ၀တ္ထုတိုထဲက စာအချို့ ကောက်နှုတ်ချင်တယ်။ ဗဟုသုတပေါ့။

"အလောင်းအစား လုပ်တဲ့အခါမှာ စိတ်ရှုပ်စရာအကြောင်း တစုံတခုရှိလျက်နဲ့ လာပြီးကစားသည်ဖြစ်စေ၊ ရှုံးလျှင် ဒုက္ခရောက်မယ်ဆိုတဲ့ ငွေပူမျိုးနဲ့ လာပြီးကစားသည်ဖြစ်စေ၊ မနိုင်လျှင် မဖြစ်ဘူး၊ နိုင်မှဖြစ်မယ်ဆိုတဲ့ စိတ်ထားမျိုးနဲ့ လာပြီး ကစားသည်ဖြစ်စေ အဲဒီလိုလူမျိုးဟာ ရှုံးရှုံးသွားတာချည်း တွေ့ရတယ်တဲ့။ ဒီအကြောင်းကို သိတော့ ဦးစိန်ဟုတ်က ဘယ်လိုလုပ်သလဲဆိုရင် ဒီကနေ့ လာကစားကြတဲ့ လူတွေအနက် ဘယ်လူဟာ အထက်ပါ 'ရှုံးစိတ်' မျိုး ထားနေသလဲဆိုတာကို သိရအောင် ရှေးဦးစွာ စုံစမ်းသတဲ့။ သဘောအမျိုးမျိုးထားပြီး လူအမျိုးမျိုး လာကစားကြပေမယ့် လူတွေအားလုံးအနက်မှာ 'ရှုံးစိတ်' မျိုးထားတဲ့ လူတယောက်တလေတော့ ပါတာချည်းပဲတဲ့။ ဒီလိုစိတ်မျိုးထားပြီး ကစားတဲ့ ကစားသမားတစ်ယောက်လောက် တွေ့ရသည်နှင့်တပြိုက်နက် ဦးစိန်ဟုတ်က အဲဒီလူနဲ့ ဆန့်ကျင်ဘက် ထိုးပြီး ကစားသတဲ့။ အဲဒါကြောင့်လည်း သူက ကစားသမားတွေအားလုံး ထိုးပြီးလောက်မှ ကပ်ထိုးတာလေ။ နောက်ဆုံးမှာ ဟိုလူလည်း ပြောင်ရော၊ သူလည်း ပွရောတဲ့။"

"ကျုပ်ကစားပြီး ကျုပ်က နိုင်တော့ သူ့စနစ်ဟာ မှားရော ဟုတ်လား။"

"မှားတာက သူ့စနစ်မှားတာ မဟုတ်ဘူး။ တွက်ကိန်းမစုံလို့တဲ့။ ဘယ်လိုလဲဆိုတော့ ရှင်ဧကန္တ ရှုံးရမယ်ဆိုပြီး ရှင်နဲ့ ဆန့်ကျင်ဘက် သူကစားရော။ နို့ပေမဲ့ ရှင်က ကျွန်မနဲ့ ဗောတံတားပေါ်မှာ ပြောခဲ့တဲ့စကားအတွက်ကြောင့် ဟဒယရွှင်ပြုံးပြီး ထိုးတိုင်း တိုက်နေတော့တာကိုးရှင့်။ လူတစ်ယောက်ဟာ ဟဒယနှလုံး အထူးသဖြင့် ရွှင်ပြုံးပြီး ခုန်ချင်သလို၊ ပေါက်ချင်သလို ဖြစ်နေတဲ့အခါမှာ ကစားလျှင်လည်း နိုင်တတ်တယ်တဲ့ရှင်။ ရှင်နဲ့ ကျွန်မတို့အကြောင်း သူက မသိရလေတော့ ရှင်နဲ့ ဆန့်ကျင်ဘက် ကစားမိတာ။ ရှင်နိုင်ပြီး သူရှုံးသွားတော့တာကိုး။"

ကျွန်မကတော့ အဲဒါကို လက်ခံတယ်။ ဥပမာ ထီထိုးလို့ ထီပေါက်ရင်လည်း ခုလို သဘောတရားတွေ ပါတယ်လို့ ထင်တယ်။ ပူဆွေးသောက ရောက်နေတဲ့သူတွေ ထီပေါက်တာ မတွေ့ရသလို၊ ငါ ထီပေါက်မယ်ကွလို့ ထင်နေတဲ့သူတွေမှာ ထီပေါက်တာ မတွေ့ရဘူး။ အမှုမဲ့ အမှတ်မဲ့ ထီထိုးရင်ပဲဖြစ်ဖြစ်၊ (ဒီပုံအတိုင်းဆို ချမ်းသာတဲ့သူတွေပဲ ထီပေါက်နိုင်တယ်ဆိုပေမဲ့) ဆင်းရဲသော်လည်း စိတ်ညစ်စရာ မရှိတဲ့သူတွေပဲဖြစ်ဖြစ် ထီပေါက်တတ်တာ များတယ်။ ဘောလုံးပွဲတွေ အလောင်းအစားလုပ်နေတဲ့သူတွေအတွက် သတိချပ်သင့်တာလေး အမှတ်တရ ရေးလိုက်တာပါ။ :P


ဗိုလ်ချုပ်အစ်ကို ဦးအောင်သန်းရေးတဲ့ "အောင်သန်း၏ အောင်ဆန်း" စာအုပ်ကို ပြီးခဲ့တဲ့ နှစ်ဆန်း မြန်မာပြည်ပြန်တုန်းက အဝေးပြေးကားဂိတ်မှာ လွယ်အိတ်လေးတွေနဲ့ စာအုပ်လိုက်ရောင်းတဲ့ လူတစ်ယောက်ဆီက ၄၀၀၀ နဲ့ ၀ယ်ခဲ့တာ။ အဲဒီစာအုပ်ဝယ်တုန်းက အမှတ်ရမိတာ တခုကတော့ စာအုပ်ကို "ဘယ်လောက်လဲ"လို့ မေးတာ အဲဒီလူက ကျွန်မအရမ်းလိုချင်နေမှန်းသိတော့ လက်လေးချောင်ထောင်ပြပြီး "ရှားပါးစာအုပ်၊ ဘယ်မှာမှ ရှာမရနိုင်ဘူး၊ ၀ယ်နိုင်မှ ၀ယ်ပါ"ဆိုပြီး ပြောတယ်။ အဲဒီလို ကားဂိတ်မှာ စာအုပ်သည်တွေ လိုက်ရောင်းနေတာ သုံးအုပ်မှ ၁၀၀၀လောက်ပဲ ရှိတာမို့ ကျွန်မတို့က ၄၀၀ ထင်ပြီး တန်းယူလိုက်တာပေါ့။ နောက်မှ ၄၀၀၀ တဲ့။ ဒီစာအုပ်ထဲမှာ ဗိုလ်ချုပ်အောင်ဆန်းရဲ့ မိန့်ခွန်းတော်တော်များများ ပါတယ်။ တချို့ကို ကျွန်မဘလော့ဂ်မှာ ဗိုလ်ချုပ်အောင်ဆန်း၏ မမေ့နိုင်သော မိန့်ခွန်းများ ဆိုပြီး အပိုင်း ၅ ပိုင်း ခွဲပြီး တင်ခဲ့ဖူးတယ်။ နောက်ပိုင်းတော့ ပျင်းလို့ ဆက်မတင်ဖြစ်ဘူး။


လူထုဦးလှရဲ့ ထောင်နှင့်လူသား စာအုပ်က ဦးလှ ရန်ကုန်အကျဉ်းထောင်ထဲမှာ ၃ နှစ်၊ ၃ လ၊ ၇ရက် နေခဲ့ရစဉ်က ထောင်ကျအချို့ရဲ့အကြောင်းကို ရေးထားတာပါ။ တချို့ထောင်ကျတွေက ပြစ်မှုမကျူးလွန်ဘဲ မတရားသဖြင့် ရောက်လာကြတာတွေလည်း ပါတယ်။ ဘ၀တွေက တော်တော်စုံသလို၊ လောကကြီးမှာ ဒီလို အဖြစ်အပျက်တွေလည်း ရှိပါသေးလားလို့တွေးမိတယ်။ အဲဒီစာအုပ်ထဲမှာ ဗိုလ်ချုပ်တို့ကို လုပ်ကြံတဲ့ထဲပါတဲ့ ကိုသုခအကြောင်းကို ရေးထားတာလည်း တွေ့ပါတယ်။ ၁၉ ဇူလိုင် ၁၉၄၇ နိုင်ငံတော်လုပ်ကြံမှု ဆိုပြီး တင်ခဲ့ဖူးပါတယ်။ အပိုင်း ၁ ကနေ ၆ ထိ ခွဲတင်ထားတဲ့ အဲဒီပို့စ်ကို သွားဖတ်လို့ရပါတယ်။။


စိုးမြိုင် (မြန်မာပြန်)ရဲ့ ရှားလော့ဟုမ်း စုံထောက်ဝတ္ထု ဘာသာပြန်ပါ။ ဘာသာပြန်စာအုပ်တွေ၊ စုံထောက်ဝတ္ထုတွေ သဘောကျတဲ့ ကျွန်မအကြိုက်ပါပဲ။


ဆရာမောင်သိန်းလွင် ဘာသာပြန်တဲ့ ရုရှစာရေးဆရာကြီး လီယိုတော်စတွိုင်းရဲ့ ကမ္ဘာကျော် ၀တ္ထုဖြစ်တဲ့ "စစ်နှင့် ငြိမ်းချမ်းရေး" စာအုပ်ပါ။ အဲဒီစာအုပ်ကို ကျွန်မ ခုမှ ဖတ်ဖူးပါတယ်။ နာမည်ပဲ ကြားဖူးနေတာ။ ဒီစာအုပ်က အနှစ်ချုပ် ဘာသာပြန်ထားတာလေးပါ။ တကယ့်မူရင်း အတွဲ ၁၂ တွဲတော့ ဖတ်ဖူးဖို့ နေနေသာသာ မြင်တောင် မမြင်ဖူးသေးပါဘူး။ ဂန္တ၀င်မြောက်တဲ့ ကမ္ဘာကျော် စာအုပ်ကို ဘာသာပြန်ဝတ္ထုတွေထဲက တစ်အုပ်အနေလောက်ပဲ ခံစားလို့ရတာ ကျွန်မ တော်တော်ညံ့လို့ဖြစ်ပါလိမ့်မယ်။ ဒါမှမဟုတ် အနှစ်ချုပ်လေးပဲ ဖတ်ရတာကြောင့်လည်း ဖြစ်နိုင်ပါတယ်။


ဒီစာအုပ်ကတော့ အဆုံးထိ မဖတ်ဖြစ်ပါဘူး။ အထောက်တော်လှအောင်ရဲ့ တခြားစာအုပ်တွေတော့ မပြောတတ်ဘူး။ ဒီစာအုပ်ကတော့ ဖတ်လို့တော်တော်မကောင်းတဲ့ စာအုပ်ပါပဲ။ ၁၉၆၈ ခုနှစ်က ထုတ်ထားတဲ့ ရှားပါးစာအုပ်ဆိုပြီး ကျွန်မအမေလည်း ၀မ်းသာအားရ ၀ယ်လာတာ သူလည်း ဆုံးအောင် မဖတ်ဖြစ်ပါဘူး။ နီဂရိုးတော်လှန်ရေးအကြောင်းဆိုပေမဲ့ ဘာမှ ဂဃနဏမဟုတ်တဲ့ အဓိပ္ပါယ်ခပ်ဆင်ဆင်စကားလုံးတွေပဲ ထပ်ကာထပ်ကာ ရေးထားတော့ ဖတ်ရတဲ့သူလည်း တခါလာလည်း ဒါ၊ တခါလာလည်း ဒါနဲ့ အီလည်အီလည် ဖြစ်လာတော့တာပါပဲ။ အဲဒါကြောင့်လည်း စာမျက်နှာက ၄၉၀ ရှိအောင်ထူပါတယ်။ ကျွန်မအထင် ဆရာ အထောက်တော်လှအောင်က သူရေးထားတာကို ပြန်ရော ဖတ်ပြီး စစ်ဆေးရဲ့လားမသိဘူးလို့ အတွေးဝင်မိလောက်အောင်ပါပဲ။ :D


ရွှင်လန်းချမ်းမြေ့ကြပါစေ
s0wha1

Penang ရှိ Meditation Center

ပီနန်မြို့မှာရှိတဲ့ Bukit Mertajam မြို့နယ်မှာ မြန်မာ ဘုန်းကြီးကျောင်းလေး တစ်ကျောင်းရှိပါတယ်။


အဲဒီအနီးအနား တရုတ်လူမျိုး မဟာယန ဗုဒ္ဓဘာသာဝင်တွေအားလုံး ထေရ၀ါဒ ဗုဒ္ဓဘာသာဝင်တွေ ဖြစ်အောင် ဒီဆရာတော်က ကြိုးစားခဲ့ပါတယ်။ ဆရာတော်ကြီးက တရုတ်လူမျိုးပါ။ ပျံလွန်တော်မူသွားတာ ကြာပါပြီ။ နောက်ပိုင်း ကျောင်းထိုင်တွေကတော့ မြန်မာပြည်က မြန်မာဘုန်းကြီးတွေပါ။


real nobody ကို ရေးသားခဲ့တဲ့ ထေရ၀ါဒ တရုတ်ဆရာတော်ပါ။ ကျွန်မ ပို့စ်တင်ဖူးပါတယ်။ အခုလည်း ဓာတ်ပုံရိုက်လာလို့ ထပ်တင်ထားပါတယ်။


ဒီတရားစာချိုးလေးကို ဓာတ်ပုံထဲမှာ ဖတ်မရရင် ပို့စ်မှာ သွားဖတ်နိုင်ပါတယ်။


ဒီကျောင်းမှာ မဟာစည်ဆရာတော်တွေ ကျောင်းထိုင်ပါတယ်။


မဟာစည်ဆရာတော်ဘုရားကြီးပုံ


ဘုန်းဘုန်းတို့က ၀ိနည်းနဲ့အညီ သပိတ်နဲ့ပဲ ဆွမ်းဘုဉ်းပေးပါတယ်။


ဒါကတော့ ခုလက်ရှိ ယာယီကျောင်းထိုင်ဆရာတော်ပါ။ တကယ့်ကျောင်းထိုင်ဆရာတော်ကတော့ မြန်မာပြည်မှာ ၀ါဆိုနေရပါတယ်။ သူ့ကျောင်းမှာ ၀ါပြန်မဆိုရင် ကျောင်းကို သိမ်းပစ်မယ်ဆိုတာကြောင့်ပါ။


ကျောင်းထိုင်ဆရာတော်ပုံပါ။ ဘုန်းဘုန်းက ရန်ကုန်မှာဆိုတော့ ကျွန်မ မဖူးခဲ့ရပါဘူး။


ဆွမ်းဟင်းခွက်ပေါင်း ၅၀ ကျော်ပါတယ်။ အချိုပွဲကလည်း ၄၀ ကျော်လောက်ရှိတယ်။


ဘုန်းဘုန်း ဆွမ်းဘုဉ်းပေးချိန်မှာ ကားတွေ၊ ဆိုင်ကယ်တွေနဲ့ လူပေါင်း ၅၀ ကျော်လောက် လာလှူကြတာပါ။ အဲဒါ နေ့တိုင်းပါပဲ။ ဘုန်းဘုန်းကို တစ်ယောက်ချင်းစီ ဆွမ်းကပ်၊ ပြီးရင် တရားနာ၊ ပြီးတော့ ဘုန်းဘုန်းက အခန်းတံခါးပိတ်ပြီး တပါးတည်း ဆွမ်းဘုဉ်းပေး။ လူတွေကလည်း အပြင်မှာ တပျော်တပါးကြီး စားကြနဲ့။ တကယ့်ကို ဗမာရွာလေးကျနေတာပဲ။


ဘုန်းဘုန်းတွေအနေနဲ့ သာသနာပြုရတာလည်း မလွယ်ပါဘူး။ Dictionary စာအုပ်အထူကြီးပေါင်းစုံနဲ့ လေ့လာနေရတာပါ။ ဘုန်းဘုန်း စားပွဲပေါ်က Dictionary စာအုပ်တွေ ရေကြည့်တာ ၉ အုပ်ကျော်ပါတယ်။ ကျွန်မတို့ မပြန်ခင် တစ်ရက်က တရုတ်လူမျိုး ဒကာတစ်ယောက် သူ့အိမ်ဘုရားစင်အတွက် ရပ်တော်မူ ဗုဒ္ဓရုပ်ပွားတော်ကို ဘုန်းကြီးကျောင်းမှာ အနေကဇာ လာတင်ပါတယ်။ ဘုန်းဘုန်းက ပရိတ်တွေရွတ်၊ ပဋ္ဌာန်းတွေရွတ် နာရီဝက်ကျော်၊ ၁ နာရီလောက် ရွတ်ပေးပါတယ်။ အဲဒီ ဆင်းတုတော်ရှေ့မှာ ကျွန်မတို့က ကိုယ်သောက်မယ့် သောက်ရေသန့်ဗူးလေးတွေ အဖုံးဖွင့်ပြီး ကပ်ထားတယ်။ ပရိတ်ရေသဘောမျိုးပေါ့။ ဘုန်းဘုန်းရွတ်ပြီးတာနဲ့ ကိုယ့်ရေဗူးလေးတွေ ကိုယ်ယူကြတော့ အဲဒီတရုတ်လူမျိုး လင်မယားတွေကလည်း လိုချင်ကြတယ်။ ဒါနဲ့ ဘုန်းဘုန်းဆီက သူတောင်းတာလေးက သဘောကျစရာ။ သူလည်း "လိုချင်လို့ပါ" ဆိုပြီး တောင်းတော့ ဘုန်းဘုန်းက "အဖုံးဖွင့်ထားတဲ့ တဗူးကို ယူလိုက်"လို့ ပြောတာ။ သူက "အဖုံးမဖွင့်ထားလည်း ဘုရားရှေ့မှာ ကပ်ထားတာဆိုတော့ တူတူပဲ မဟုတ်လား"ဆိုပြီး "နှစ်ဗူး ယူမယ်နော်"လို့ ပြောရင်း ဘုန်းဘုန်း ဘာမှ ပြန်မပြောနိုင်ခင် ဗူးအသစ်တလုံးကိုပါ သူ့မိန်းမအတွက် ဆတ်ကနဲ ကောက်ယူလိုက်တာ။ ကျွန်မမှာ ရယ်နေရသေးတယ်။ နောက်တော့ ဆရာတော်က "မြတ်စွာဘုရားကို ရေချမ်း၊ ပန်း နေ့တိုင်း ကပ်ရဲ့လား" မေးတော့ သူက "ကပ်ပါတယ်"ပေါ့။ "ပန်းကတော့ နေ့တိုင်းမဟုတ်ဘူး"တဲ့။ "သောက်တော်ရေကတော့ နေ့တိုင်းနီးပါးပါပဲ"တဲ့။ "မအားတဲ့နေ့တော့ တခါတလေ မကပ်ဖြစ်ပါဘူး" ပြောတော့ ဘုန်းဘုန်းက အနည်းငယ် စိတ်ပျက်လက်ပျက်နဲ့ ရယ်ပြီး ကျွန်မတို့ မျက်နှာကို လှမ်းကြည့်တယ်။ ပြီးတော့ "ဒီလို ဗုဒ္ဓရုပ်ပွားတော်ကို သောက်တော်ရေကပ်ဖို့ ၈ နှစ်နီးပါး တရားဟောရတယ်" လို့ ပြောတယ်။ ဩော်... ပြည်ပမှာ သာသနာပြုရတာလည်း တကယ်မလွယ်ပါလားနော်။


အဲဒီကသူတွေက ဘုန်းဘုန်းတို့ကို "ဆရာတော်"လို့ပဲ တရုတ်သံဝဲ၀ဲလေးတွေနဲ့ ခေါ်ကြပါတယ်။ ပြီးရင် ငါးပါးသီလတွေ၊ ဩကာသတွေ အကုန်ရပါတယ်။ တကယ့်ကို ထေရ၀ါဒဗုဒ္ဓဘာသာဝင်တွေကို ဖြစ်နေတာပဲ။


စနေ၊ တနင်္ဂနွေလို နေ့မျိုးဆိုရင်တော့ ဒီထက် လူများပါတယ်။ ညဘက်တွေမှာလည်း တရားပွဲရှိတယ်။ ကျွန်မတို့ သွားတဲ့ တနင်္ဂနွေတုန်းက အောက်တိုဘာလနဲ့ နိုဝင်ဘာလမွေးတဲ့သူတွေက သူတို့မိဘတွေအတွက် စုပေါင်း Birthday ကျင်းပပြီး ကျေးဇူးတင်ကြောင်း ဂါရ၀ပြုတဲ့ ပွဲရှိပါတယ်။ (ကိုယ့်မွေးနေ့အတွက် ကိုယ်ကျင်းပတာ မဟုတ်ဘဲ မိဘတွေကို ကျင်းပပေးတာပါ။) သူတို့အခေါ်တော့ မိဘတွေကို ဂုဏ်ပြုကျေးဇူးတင်တဲ့ မွေးနေ့ပွဲပေါ့။ ယဉ်ကျေးမှုကအစ မြန်မာယဉ်ကျေးမှုနဲ့ တူသွားတယ်။ မိဘကို ကျေးဇူးတင်ရကောင်းမှန်း၊ ရိုသေသိတတ်စေတဲ့ ပွဲတော်လေး တခုပါ။


ကျောင်းအ၀င်ဝပုံကို ရိုက်လာတာ။ ည ၈ နာရီကျော်ရင် တရားလာထိုင်တဲ့သူတွေက နေ့လယ် ဆွမ်းလာကပ်သလိုပဲ များပါတယ်။

ကျန်တဲ့ ဓာတ်ပုံတွေကို နောက်ရက်မှ တင်တော့မယ်။


ရွှင်လန်းချမ်းမြေ့ကြပါစေ။
s0wha1

ဗြိစ္ဆာ (SCORPIO) တွေရဲ့ အချစ်ဒဿန

သူငယ်ချင်းတစ်ယောက်က ရာသီဖွားတွေအလိုက် အချစ်ဒဿနတွေအကြောင်း အီးမေးလ်ပို့တာ။ ဘာရယ်မဟုတ် အမှတ်တရ ကျွန်မရဲ့ ရာသီဖွားကို တင်လိုက်တယ်။ မှန် မမှန်တော့ သိဘူး။ ဟိ

scorpio scorpio sorpio sCoRpIo SCORPIO ScOrPiO scorpio scorpio scorpio

ဗြိစ္ဆာ အချစ်ဒဿန (SCORPIO)

ဤရာသီဖွားများသည် အလွန်ချစ်တတ်သော၊ အလွန်မုန်းတတ်သော အချစ်ကို ပိုင်ဆိုင်ထားပြီး တစ်ပါးသူ မဆိုထားနှင့် မိမိကိုယ်မိမိပင် နားမလည်​နိုင်သော ထူးခြားသည့် နှလုံးသားပိုင်ရှင်ဖြစ်သည်ဟု ကမ္ဘာ့​နက္ခတ်ပညာရှင်ကြီးများက တညီတညွတ်တည်း အဆိုပြုသည်။

ကန္တာရအလယ် ပတ်ကြားအက်နေသည့် ကျောက်မြေကြားရှိ အလွန်အဆိပ်ပြင်းသော ကင်းမြီးကောက် တစ်ကောင်၏ ရင်ထဲမှ မွတ်သိပ်နေသော၊ နူးညံ့လွန်းသော၊ အချစ်ကြီးသော၊ အမျက်ကြီးသော နှလုံးသားမျိုးကို ပိုင်ဆိုင်သူဟု ဖော်ကျူးပြန်သည်။

အကောင်းဆုံးနှင့် အဆိုးဆုံးကိုသာ လုပ်လိုသော သဘာဝရှိသည်။ ကောင်း၊ ဆိုး၊ မှန်၊ မှား လုပ်သင့်၊ မလုပ်သင့်စသည့် အစဉ်အလာအရ သတ်မှတ်ထားချက်များကို လုံးဝလက်မခံခြင်း မရှိ။ မိမိရင်ထဲမှ ကောင်းသည်၊ မှန်သည်ဟုထင်လျှင် ခေါင်းအေးအေးနှင့် တဇွတ်ထိုး လုပ်တတ်သည်။ မိမိခံစားချက်၊ ခံယူချက်ကို ဦးစားပေးမည်။ ကိုယ်ပိုင်အဘိဓမ္မာနှင့် မဖြစ်မနေ လုပ်တတ်သည်။ မိမိစိတ်ထဲ၌ရှိသော အရာများကို တစ်ပါးသူအား ဖွင့်ပြောတိုင်ပင်ခြင်းမရှိ လျှို့ဝှက်စွာ သိုသိပ်၍ မဖြစ်မနေ လုပ်တတ်သော သဘောရှိသည်။

တစ်စုံတစ်ယောက်သောသူကို ချစ်မိပြီဟု ဆုံဖြတ်ချက်ချရန်အတွက် အလွန်အချိန်ယူတတ်သော်လည်း ဆုံးဖြတ်ပြီးပါက လုံးဝ ပြန်မပြင်တတ်ပေ။ ဝေဖန်မှုကို လုံးဝဂရုမစိုက်၊ ဥပေက္ခာပြုတတ်သည်။ ဥပေက္ခာနှလုံးသား ပိုင်ရှင်ဟုလည်း သတ်မှတ်နိုင်သည်။

မိမိချစ်သူက အမှာအယွင်းတစ်စုံတစ်ရာ ပြုလုပ်ပါကလည်း ဒေါသအမျက်ပြင်းစွာဖြင့် လုံးဝခွင့်မလွှတ်။ နှလုံးသားထဲမှ အပြီးအပိုင် ထုတ်ပစ်ပြီး ဥပေက္ခာပြုလိုက်မည်။ ပင်ကိုသဘာဝတွင် အလွန်ထူးခြားသည်။ ပြန်မပြော၊ နားမထောင်၊ တစ်ပါးသူ တားဆီးသည့် ကိစ္စကိုမှ လုပ်လိုသည်။ အားနည်းသောသူဘက်မှ ရပ်တည်မည်။ အလွန်ကြောက်မက်ဖွယ်ကောင်းသည်မှာ မေတ္တာစိတ်ပြောင်းလဲလွယ်သည်။ ခံစားချက်ကို မြိုသိပ်တတ်သည်။ မိမိဘက်မှ တတ်အားသရွေ့ ပေးဆပ်သည်။ သည်းခံသည်။ ခံနိုင်စွမ်းကုန်သောအခါ အရွဲ့တိုက်မည်။ အလွန်ချစ်ခဲ့သူကိုပင် စွန့်ပစ်မည်။ ခွဲခွာသောအခါတွင်လည်း သံယောဇဉ် လုံးဝ မရှိသလောက်အောင်ပင် ဖြစ်မည်။ နောက်တစ်ယောက် တွေ့ပြီဆိုကလည်း အလွန်လေးနက်သော မေတ္တာနှင့် ချစ်မည်။

အချစ်ဦးနှင့် ဆုံစည်းကိန်းမရှိ။ သို့သော် အချစ်ဆုံးသူနှင့် ပေါင်းရမည်။ ချစ်သူ၊ ခင်သူပေါများမည်။ အခိုက်မသင့်ပါက အိမ်ထောင်ဆက်ပင်များသွားနိုင်သည်။

သူတစ်ဦးတစ်ယောက်အား မေတ္တာရှိ ချစ်မိပြီဆိုကလည်း အခြားသော သူများကဲ့သို့ မိတ်ဆွေ အပေါင်းအသင်များကို ဖွင့်ပြောလေ့မရှိ။ တစ်ဦးတည်း လျှို့ဝှက်စွာ ကြိတ်ကြံတတ်သည်။ မိမိအချစ်ကို နှုတ်မှ မပြောခင် ချစ်သူရှိရာသို့ အချိန်ရှိသရွေ့ တရစ်ဝဲဝဲ လုပ်နေတတ်သည်။ ချစ်သူဘဝရောက်ပြန်လျှင်လည်း နှစ်ဦးတွေ့ကြသောအခါ ဖွယ်ဖွယ်ရာရာ၊ ကြင်ကြင်နာနာ ပြောဆိုခြင်းမရှိ။ ခေါင်းကြီးငုံ့ ဘေးချင်းယှဉ်ထိုင်ကာ စကားမပြောဘဲ ဂွတိဂွကျ မပွင့်မလင်းနေတတ်သော သဘာဝအားပိုင်ဆိုင်သည်။ မိမိကို တကယ်ချစ်ရဲ့လားဟုပင် ချစ်သူက ထင်လောက်သည်။ စကားပြောပြီဆိုပါကလည်း ချစ်သူက စိတ်ဝင်စားသည်၊ မဝင်စားသည်ကို ဂရုမစိုက်၊။အချစ်နှင့် မပတ်သက်သည့် အရာများကို ကရားရေလွှတ်ပြောတတ်သည်။

မည်သို့ဆိုစေကာမူ ဗြိစ္ဆာရာသီဖွားများ၏ ချစ်ခြင်းမေတ္တာအပေါ်အမြင်တွင် မတူသော ဆန့်ကျင်ဘက် နှစ်ဦးကို ပေါင်းကူးဆက်ဆံပေးနိုင်သော တစ်သားတည်းဖြစ်အောင် လုပ်ပေးနိုင်သောအရာသည် အချစ်ဖြစ်သည်ဟု သတ်မှတ်လိမ့်မည်။

scorpio scorpio sorpio sCoRpIo SCORPIO ScOrPiO scorpio scorpio scorpio

ဒါက ၁၃ရက်ညမှာ ခွဲလိုက်တဲ့ ဒီနှစ်အတွက် Birthday ကိတ်မုန့်ပါကွယ်။ အလုပ်ကအပြန် ရေချိုးခန်းထဲ ၀င်နေတုန်း အိမ်ရှေ့မှာ မီးအမှောင်ပိတ်ပြီး ပြင်ဆင်နေကြတာ မသိဘူး။ အခန်းတံခါးလည်း ဖွင့်လိုက်ရော ဘာလို့ မီးပိတ်ထားပါလိမ့်လို့ ကြောင်သွားသေးတယ်။ တူမလေး မအိပ်လို့များ တအိမ်လုံးကို မီးပိတ်ထားသလားပေါ့။ ကျွန်မတူမက ညဘက်ဆို တော်တော်နဲ့ မအိပ်တတ်လို့ လူကြီးတွေက အိပ်ချင်ယောင်ဆောင်ပြီး သိပ်ရတယ်။ ဒါလည်း သူက အိပ်တာ မဟုတ်ပါဘူး။ ထားပါတော့ သူ့အကြောင်း။ အဲဒါ အူကြောင်ကြောင်နဲ့ မှောင်ထဲ ရပ်နေတုန်း ကြိုးတွေပါတဲ့ ဗျောက်အိုးတွေဖောက်ပြီး အိမ်ရှိလူကုန် Happy Birthday ထအော်တော့တာပဲ။ ဘာပဲပြောပြော ဒီနှစ်တော့ ပျော်ရတာပါပဲလေ။ မွေးနေ့လက်ဆောင် မရတာက လွဲရင်ပေါ့။ ;)) ဒါတောင် ဒီလိုဗျောက်အိုးတွေ၊ ဘာတွေကို တနေကုန် လိုက်ရှာဝယ်ပြီး သူတို့ ပြင်ဆင်ထားရတာ ဆိုပဲ။

ကိတ်မုန့်ကို ဓာတ်ပုံရိုက်တာဖြစ်ပေမယ့် ထုံးစံအတိုင်း (သူ့ကို ဓာတ်ပုံရိုက်တယ်ထင်လို့) တူမလေးက လက်နှစ်ချောင်းထောင်ပြီး အိုက်တင်ပေးတဲ့အတွက် သူ့ပါ တလက်စထဲ ဓာတ်ပုံရိုက်လိုက်တယ်။


တကယ်တော့ ဒီနေ့ (ခု စာရေးနေချိန်မှာ ၁၄ ရက်ဖြစ်သွားပြီဆိုတော့)က တန်ဆောင်မုန်းလပြည့်ကျော် ၂ ရက်၊ သောကြာနေ့ဖြစ်တဲ့အတွက် မြန်မာလိုမွေးနေ့ဆိုရင် ဒီနှစ်က နေ့ရော၊ ရက်ရော တိုက်တယ်လို့ပြောရမယ်။ ဘာမဆိုင် ညာမဆိုင် သူခိုးကြီးနေ့ဖြစ်တဲ့ တန်ဆောင်မုန်းလပြည့်ကျော် ၁ ရက်နေ့ကို သတိရသွားတယ်။ ငယ်ငယ်တုန်းထဲကနေ ဒီနိုင်ငံမှာ လာမနေခင်အထိ အဲဒီ ငတက်ပြားနေ့ဆိုရင် ကျွန်မတို့ မောင်နှမတွေ မအိပ်မနေ သောင်းကျန်းနေကျ။ လောပိတမှာ နေတုန်းကလည်း လောပိတမှာမလို့၊ ရန်ကုန်ပြန်ရောက်တော့လည်း ရန်ကုန်မှာမလို့ ဗြောင်းဆန်နေအောင် ပျော်ကြတာပေါ့။ အဲဒီတုန်းကဆို ငတက်ပြားနေ့ညကို ရောက်ဖို့ပဲ စိတ်စောနေမိတယ်။ စိတ်ထဲမှာ အလိုလို ပျော်နေတာကိုက သူခိုးကြီးများနေ့ရဲ့ အရသာ။ ည ၁၂ နာရီ လူတွေ အိပ်လောက်တဲ့အထိ ၀ိုင်းဖွဲ့စောင့်နေကြရင်း ပုံပြင်တွေပြောကြ၊ ကစားကြတာကလည်း တသက်မမေ့နိုင်စရာပါပဲ။ လမင်းကြီးကလည်း ထိန်ထိန်သာလို့။ အသက်အရွယ်ကြောင့်ရော၊ အချိန်ကာလတွေကြောင့်ရော၊ နေရာဒေသတွေကြောင့်ရော ဒီလိုနေ့တွေကို ကျွန်မတို့ ပြန်ရနိုင်တော့မယ် မထင်ဘူး။ အဲဒါကြောင့် ခုလက်ရှိ ပိုင်ဆိုင်နေတဲ့ အချိန်တွေကို တန်ဖိုးထားဖို့ လူတွေ ပြောကြတာဖြစ်မယ်။

စာအများကြီး ရေးချင်ပေမယ့် မနက် အလုပ်သွားရမှာမို့ နောက်နေ့မှ ဆက်ရေးတော့မယ်။


ရွှင်လန်းချမ်းမြေ့ကြပါစေ။
s0wha1

ခြေလှမ်း ၂၇

တနှစ်ပြီး တနှစ်
မှတ်တမ်းတွေ
စိုက်ထူခဲ့တာ
ခုဆို
အကြိမ် ၂၇ တောင် ရှိခဲ့ပြီ။

ငါ့အတွက်၊
အနီးဆုံးနဲ့ အရင်းနှီးဆုံး သူတွေအတွက်၊
ပြီးတော့
ကမ္ဘာလောကကြီး အတွက်
ဘာတွေ လုပ်နိုင်ခဲ့ပြီလဲ???
ပြန်ဆန်းစစ်တိုင်းလည်း...
မရေရာ မသေချာ။

အနားသတ်မရှိတဲ့
အတွေးစုတွေကြား
မရပ်တန့်နိုင်တဲ့
ခရီးလမ်းတလျှောက်
၂၇ ကတော့
နောက်နားဆီ ကျန်နေတုန်း။

တောင်တောင်အီအီ
စကားလုံးပဲ့တွေနဲ့
အချိန်ကုန်နေမယ့်အစား
ရှေ့သို့ ခြေတစ်လှမ်း
ရွေ့လျားရဦးမယ်။

ဒီလိုနဲ့
ခြေလှမ်းပေါင်း ၆၀၊ ...၊ ၇၀
*******
-----
xxx
.
လမ်းဆုံးအထိ
မျောပါရုံ။ ။


s0wha1
(13/11/2008)

27 ၁၃ 13 ၂၇ 13 27 ၂၇ ၁၃ 27 13 27 ၂၇ ၁၃ 13 ၁၃ ၂၇ 27 13 27 ၁၃ ၂၇ 27 13 ၂၇ 13 ၁၃ 27

နိုဝင်ဘာ ၁၃ ရက်နေ့မှာ မွေးတဲ့သူတွေကို wikipedia မှာ ဒီလို ရှာတွေ့တယ်။ ကျွန်မနဲ့ တနှစ်ထဲ မွေးတဲ့သူကို ၃ ယောက် တွေ့တယ်။ အနီရောင်နဲ့ ပြထားတယ်။ ဘာရယ်ဟုတ်ပါဘူး။ အန်တီငြိမ်းလို ကိုယ်နဲ့ တရက်ထဲ မွေးတဲ့၊ ကျော်ကြားထင်ရှားသူတွေကို လိုက်ရှာကြည့်တာ။ ဟိ။

• 354 - Saint Augustine of Hippo, North African theologian (d. 430)
• 1312 - King Edward III of England (d. 1377)
• 1486 - Johann Eck, German theologian (d. 1543)
• 1504 - Philipp I of Hesse (d. 1567)
• 1572 - Cyril Lucaris, Greek theologian (d. 1638)
• 1699 - Jan Zach, Czech composer and musician (d. 1773)
• 1710 - Charles Simon Favart, French dramatist (d. 1792)
• 1714 - William Shenstone, English poet (d. 1763)
• 1715 - Dorothea Erxleben, German, first female medical doctor (d.1762)
• 1732 - John Dickinson, American lawyer and Governor of Delaware and Pennsylvania (d. 1808)
• 1760 - Jiaqing, Emperor of China (d. 1820)
• 1761 - John Moore, British general (d. 1809)
• 1768 - Bertel Thorvaldsen, Danish sculptor (d. 1844)
• 1782 - Esaias Tegnér, Swedish writer (d. 1846)
• 1801 - Elisabeth Ludovika of Bavaria, queen of Prussia (d. 1873)
• 1801 - Amalie Auguste of Bavaria, queen of Saxony (d. 1877)
• 1814 - Joseph Hooker, American General (d. 1879)
• 1826 - Charles Frederick Worth, English-born couturier (d. 1895)
• 1833 - Edwin Booth, American actor (d. 1893)
• 1837 - James T. Rapier, American politician (d. 1883)
• 1838 - Joseph Fielding Smith, president of The Church of Jesus Christ of Latter-day Saints, (d. 1918)
• 1841 - Edward Burd Grubb, American Civil War Brevet Brigadier General (d. 1913)
• 1848 - Albert I, Prince of Monaco (d. 1922)
• 1850 - Robert Louis Stevenson, Scottish writer (d. 1894)
• 1853 - John Drew Jr., American actor (d. 1927)
• 1856 - Louis Brandeis, U.S. Supreme Court Justice (d. 1941)
• 1866 - Abraham Flexner, American educator (d. 1959)
• 1869 - Helene Stöcker, German feminist, pacifist and publicist (d. 1943)
• 1869 - Ariadna Tyrkova-Williams, Russian feminist (d. 1962)
• 1878 - Max Dehn, German mathematician (d. 1952)
• 1886 - Mary Wigman, German dancer and choreographer (d. 1973)
• 1894 - Artur Nebe, German SS officer {d. 1945)
• 1897 - Gertrude Olmstead, American actress (d. 1975)
• 1899 - Iskander Mirza, First President of Pakistan (d. 1969)
• 1900 - Edward Buzzell, American film director (d. 1985)
• 1904 - H. C. Potter, American film and theater director (d. 1977)
• 1906 - Hermione Baddeley, English actress (d. 1986)
• 1906 - Eva Zeisel, American industrial designer
• 1907 - Giovanna of Italy, tsaritsa of Bulgaria (d. 2000)
• 1908 - C. Vann Woodward, American historian (d. 1999)
• 1910 - William Bradford Huie, American writer and publisher (d. 1986)
• 1911 - Buck O'Neil, American baseball player (d. 2006)
• 1913 - Jack Dyer, Australian rules footballer (d. 2003)
• 1913 - Lon Nol, Cambodian politician (d. 1985)
• 1913 - Helen Mack, American actress (d. 1986)
• 1913 - Alexander Scourby, American actor (d. 1985)
• 1914 - Alberto Lattuada, Italian film director (d. 2005)
• 1917 - Robert Sterling, American actor (d. 2006)
• 1918 - Jack Elam, American actor (d. 2003)
• 1922 - Jack Narz, American game show host
• 1922 - Oskar Werner, Austrian actor (d. 1984)
• 1924 - Linda Christian, Mexican-born actress
• 1924 - Motoo Kimura, Japanese geneticist (d. 1994)
• 1926 - Harry Hughes, 57^th Governor of Maryland
• 1927 - Billy Klüver, American scientist (d. 2004)
• 1928 - Steve Bilko, American baseball player (d. 1978)
• 1929 - Fred Phelps, American pastor
• 1931 - Andrée Lachapelle, French Canadian actress
• 1932 - Richard Mulligan, American actor (d. 2000)
• 1933 - Adrienne Corri, Scottish actress
• 1934 - Peter Arnett, New Zealand-born American journalist
• 1934 - Jimmy Fontana, Italian actor, composer and singer
• 1934 - Alberto Lattuada, Italian film director (d. 2005)
• 1934 - Garry Marshall, American producer, director, writer, and actor
• 1935 - Tom Atkins, American actor
• 1935 - George Carey, Archbishop of Canterbury
• 1938 - Gérald Godin, French Canadian poet and politician (d. 1994)
• 1938 - Jean Seberg, American actress (d. 1979)
• 1939 - Karel Brückner, Czech football manager
• 1939 - Idris Muhammad, American jazz drummer
• 1940 - Daniel Pilon, Canadian actor
• 1941 - Eberhard Diepgen, German politician
• 1941 - Dack Rambo, American actor (d. 1994)
• 1941 - Mel Stottlemyre, American baseball player and coach
• 1942 - John Hammond, American musician
• 1943 - André-Gilles Fortin, Canadian politician (d. 1977)
• 1943 - Roberto Boninsegna, Italian footballer
• 1943 - Jay Sigel, American golfer
• 1944 - Timmy Thomas, American musician
• 1945 - John B. Craig, American diplomat
• 1945 - Masahiro Hasemi, Japanese racing driver
• 1947 - Toy Caldwell, American guitarist (The Marshall Tucker Band) (d. 1993)
• 1947 - Gene Garber, American baseball player
• 1947 - Joe Mantegna, American actor
• 1948 - Humayun Ahmed, Bangladeshi novelist and film-maker
• 1949 - Yoshimi Ishibashi, Japanese racing driver
• 1949 - Terry Reid, English singer
• 1950 - Mary Lou Metzger, American singer (The Lawrence Welk Show)
• 1950 - Gilbert Perreault, Canadian ice hockey player
• 1952 - Art Malik, Pakistani-born English actor
• 1953 - Frances Conroy, American actress
• 1953 - Andrés Manuel López Obrador, Mexican politician
• 1953 - Andrew Ranken, English musician (The Pogues)
• 1953 - Tracy Scoggins, American actress
• 1953 - Waswo_X._Waswo, American Photographer
• 1954 - Scott McNealy, American CEO of Sun Microsystems
• 1954 - Chris Noth, American actor
• 1955 - Whoopi Goldberg, American actress, comedian, and singer
• 1956 - Ginger Alden, American actress
• 1957 - Stephen Baxter, English author
• 1960 - Neil Flynn, American actor
• 1963 - Vinny Testaverde, American football player
• 1964 - Steve Wong Ka-Keung, Hong Kong musician Beyond
• 1967 - Juhi Chawla, Indian actress
• 1967 - Jimmy Kimmel, American comedian and talk-show host
• 1967 - Steve Zahn, American actor
• 1968 - Pat Hentgen, American baseball player
• 1969 - Lori Berenson, American criminal
• 1969 - Gerard Butler, Scottish actor
• 1969 - Ayaan Hirsi Ali, Dutch author
• 1971 - Noah Hathaway, American actor
• 1972 - Takuya Kimura, Japanese singer and actor
• 1973 - Ari Hoenig, American jazz drummer
• 1975 - Tom Compernolle, Belgian athlete (d. 2008)
• 1975 - Alain Digbeu, French basketball player
• 1975 - Ivica Dragutinović, Serbian footballer
• 1975 - Quim, Portuguese footballer
• 1976 - Hiroshi Tanahashi, Japanese professional wrestler
• 1976 - Kelly Sotherton, English heptathlete
• 1977 - Chanel Cole, Australian singer
• 1977 - Huang Xiaoming, Chinese actor and singer
• 1978 - Nikolai Fraiture, American bassist (The Strokes)
• 1979 - Ron Artest, American basketball player
• 1979 - Subliminal, Israeli rapper and producer
• 1980 - Monique Coleman, American actress
• 1980 - François-Louis Tremblay, Canadian short track speed skater
• 1981 - Mark Cardona, Filipino basketball player
• 1981 - Rivkah, American comic book writer and artist
• 1981 - Shawn Yue, Hong Kong actor and singer
• 1982 - Samkon Gado, American football player
• 1982 - Koda Kumi, Japanese singer
• 1982 - Michael Copon, American actor and singer
• 1985 - Asdrúbal Cabrera, Venezuelan baseball player
• 1990 - Jibbs, American rapper
• 1995 - Stella Hudgens, American actress
• 1997 - Brent Kinsman, American actor
• 1997 - Shane Kinsman, American actor

November 13 FridaY FrIdAy FRIDAY fr1day friday fRiDaY fRIDAy 13 November

ဒီဆိုဒ်မှာတော့ ၃ ယောက်ပဲ တွေ့တယ်။ အမှတ်တရပေါ့လေ။ အဲဒီ ၃ ယောက်အနက် ၁ ယောက်ပဲ wikipedia မှာ ပါတယ်။ ကျန်တဲ့ နှစ်ယောက်က ဘာလို့ မပါလဲ မသိဘူး။ ကျွန်မလည်း အပေါ်က List ထဲ နာမည်တွေ များလွန်းလို့ သေချာတော့ မကြည့်မိဘူး။ မွေးတဲ့နှစ်နဲ့ တိုက်ကြည့်လိုက်တာ။

November 13th birthdays

1850: Robert Louis Stevenson, British author
1912: Eugene Ionesco, Romanian born French Playwright
1949: Whoopi Goldberg, American actress

27 ၁၃ 13 ၂၇ 13 27 ၂၇ ၁၃ 27 13 27 ၂၇ ၁၃ 13 ၁၃ ၂၇ 27 13 27 ၁၃ ၂၇ 27 13 ၂၇ 13 ၁၃ 27

ဘာပဲဖြစ်ဖြစ် ကျွန်မ အသက် ၁နှစ် ကြီးသွားပြန်ပြီပေါ့။


s0wha1
(၁၃၊၁၁၊၂၀၀၈)


ဓာတ်ပုံ မူပိုင် --- ဂူဂယ်မှ ရှာဖွေတွေ့ရှိသော ဓာတ်ပုံကို အသုံးပြုထားခြင်းဖြစ်သည်။

လက်ရှိ အခြေအနေ

ကျွန်မ ခုတလော စာ အရမ်းရေးချင်ပေမယ့် မရေးနိုင်ဘူး ဖြစ်နေပါတယ်။ အစကတော့ ရုံးမှာ ကွန်ပြူတာ မရသေးလို့။ နောက် ကွန်ပြူတာ ရပြန်တော့လည်း အင်တာနက် မရဘူး။ တပတ်လောက်ကြာမှ network cable လာတပ်ပေးတယ်။ အဲဒီတုန်းက ပျော်လိုက်တာ မပြောပါနဲ့တော့။ အလုပ်ချိန်တွေ ဘလော့ဂ်မှာ စာရေးလို့ရပြီ ဆိုပြီးတော့လေ။ ဒါပေမဲ့ အထင်နဲ့အမြင် တော်တော်ကြီး လွဲပါတယ်။

ဘာရယ်မဟုတ် အလုပ်စားပွဲပုံ၊ ကွန်ပြူတာ နောက်ခံနဲ့ မနက်စာပုံတွေ ရိုက်ထားတာ ကြုံလို့ တင်ထားလိုက်တယ်။

ရုံးမှာ အလုပ်သိပ်မရှုပ်ပေမယ့် အင်တာနက် ကွန်နက်ရှင်က အရမ်းနှေးတယ်။ တမင် နှေးထားသလားတော့ မပြောတတ်ပါဘူး။ ၀က်ဘ်ပေ့ခ်ျတခု ဖွင့်ဖို့ ၂ မိနစ်၊ ၃ မိနစ်လောက် အချိန်ကြာသလို၊ ဖွင့်နေရင်း ဟန်း ဟန်း သွားတတ်ပါသေးတယ်။ ကွန်ပြူတာက အသစ်ပါ။ အင်တာနက်သုံးမှ ၀က်ဘ်ပေ့ခ်ျတွေ ဟန်းသွားတာပဲ ရှိတယ်။ တခြားဟာသုံးရင် စက်က အရမ်းမြန်ပါတယ်။ Microsoft Words တို့၊ ဘာတို့ သုံးရင်ပေါ့။ ပြောရရင်တော့ အင်တာနက် သုံးရတာ မြန်မာပြည်က အင်တာနက်ကဖေးဆိုင်တွေမှာ သုံးရတဲ့ အတိုင်းပါပဲ။ အဲဒီထက်တောင် နှေးဦးမလားမသိ။ လူကလည်း စိတ်မရှည်တတ်တတ်နဲ့တော့ ဟုတ်နေပါပြီ။ ဒါမဲ့ ရွေးစရာမရှိတော့လည်း ဒါလေးကိုပဲ သည်းခံနေရတော့တယ်။

လှည်းလေးပေါ်က ဘယ်သူလဲလို့ ပဟေဠိ လုပ်ရင် ဖြေနိုင်မလား။ :)

ပြီးတော့ ဇော်ဂျီဖောင့်တွေ ဘာတွေလည်း အင်စတောလုပ်ခွင့် မပေးပါဘူး။ administrator ဆိုတာကြီးက ကန့်လန့်၊ ကန့်လန့်နဲ့။:( ဂျီတော့ခ်တော့ အေးဆေး အင်စတော လုပ်နိုင်ပြီး ကောင်းကောင်း chat လို့ရလို့ တော်သေးတယ် ပြောရမယ်။ ဇော်ဂျီဖောင့် အင်စတောထားတဲ့အတွက် ဘလော့ဂ်နဲ့ အီးမေးလ်က မြန်မာစာတွေ ဖတ်လို့ရပေမယ့် ဂျီတော့ခ်မှာတော့ မြန်မာလို ရေးမရ၊ ဖတ်မရပါဘူး။ ဆိုတော့ကာ ဂျီတော့ခ်မှာ သူများ မြန်မာလို ပြောတာတွေ၊ ရေးထားတာတွေ အတုံး၊ အတုံးလေးတွေပဲ ကျွန်မ မြင်ရပါတယ်။ မြန်မာလို မြင်ချင်ရင် ကျွန်မရဲ့ ဘလော့ဂ်က Zawgyi Converter (မြန်မာစာလုံးပြောင်းယူရန်) ဆိုတဲ့ box လေးမှာ ကော်ပီ၊ ပေ့စ်လုပ်ပြီး သွားကြည့်ရပါတယ်။ အဲဒီလို ခက်ခက်ခဲခဲ၊ ကြိုးစားပမ်းစား chat ပြီးသကာလ တပတ်လောက် အကြာမှာ ဘလော့ဂ်မှာ ဘယ်လို စာရေးရမလဲ ကျွန်မ စမ်းသပ်လို့ရပါပြီ။ ဘယ်လိုလဲဆိုတော့ Microsoft Word မှာ win-Innwa နဲ့ မြန်မာလို ရေး၊ ပြီးရင် ကိုမောင်လှရဲ့ "၀င်းမှ ဇော်ဂျီ converter" မှာ သွားပြီး convert လုပ်လိုက်ရင် ဇော်ဂျီဖောင့်နဲ့ မြန်မာလိုတွေ ပေါ်လာရော။ ဒီနေ့ပဲ အဲဒီလိုရေးလို့ ရတာကို သတိရပြီး စမ်းသပ်ကြည့်တာ စီဘောက်မှာလည်း သူများတွေ လာအော်တာကို ပြန်နှုတ်ဆက်နိုင်၊ ကွန်မန့်မှာလည်း ပြန်ရေးနိုင်နဲ့ တော်တော်ကို ဟုတ်နေတာပဲ။ နည်းနည်းတော့ လက်ဝင်တာပေါ့လေ။ ၀င်းစာလုံးနဲ့ ရေးလိုက်၊ ဇော်ဂျီပြန်ပြောင်းလိုက်၊ ကော်ပီ၊ ပေ့စ် လုပ်လိုက်နဲ့။ ကြားထဲမှာ အင်္ဂလိပ်လိုတွေ ပါရင် ပိုဆိုးသေး။ နောက်ရက်တွေ အဲလိုနည်းနဲ့ ကြိုးစားပမ်းစား ရေးကြည့်ပါဦးမယ်။ ကျွန်မ ဘယ်လောက် စိတ်ရှည်နိုင်မလဲ ကြည့်ရသေးတာပေါ့။ :P


ရွှင်လန်း ချမ်းမြေ့ကြပါစေ။
s0wha1

လပြည့် အလွမ်း

မူရင်းကဗျာရေးသူ ဘယ်သူမှန်း ကျွန်မ မသိတဲ့၊

သနပ်ခါး ဖွေးဖွေး
သူ့ပါးလေးကို
မွှေးမွှေးလေးပဲ ပေးချင်တယ်။

ဆိုတဲ့ အဲဒီကဗျာကို တွေ့ပြီး ရေးမိတာလေးပါ။ ကာရန်ကို ကော်ပီကူးတယ်လို့ ပြောရမယ်ထင်တယ်။ လွန်ခဲ့တဲ့ ၈ နှစ်၊ အသက် ၁၉နှစ် အရွယ်က ဆိုတော့ ကြာခဲ့ပါပြီ။

လ၀န်း ဖွေးဖွေး
ညအေးအေးမှာ
မင်းကို လွမ်းဆွတ်နေမယ်ကွယ်။

s0wha1
(27.09.2000)

ဓာတ်ပုံ မူပိုင် --- ဂူဂယ်မှ ရှာဖွေတွေ့ရှိသော ဓာတ်ပုံနှင့် ကိုမောင်ထွဋ် ပို့ပေးထားသော ပန်းချီကားဓာတ်ပုံကို အသုံးပြုထားခြင်းဖြစ်သည်။