Thursday, November 22, 2007

လိုနေသည်



အသက်နဲ့ ဘ၀ကိုရင်းရတဲ့ ကစားပွဲ
ဘယ်သူကများ….. အပျော်နွှဲချင်ပါ့မလဲ…။
ရင်းထားသမျှ …. ဘာမှပြန်မရနိုင်တဲ့ပွဲ
နွှဲသမျှလူ …. နလံမထူနိုင်အောင် ဖြစ်ရတဲ့ပွဲ
ဒီလိုပွဲမှာ … ဇွဲနဲ့ဆက်နွှဲနေတဲ့လူတွေရှိသေးသတဲ့။

တဗိုလ်ကျရင်… နောက်တစ်ဗိုလ် တက်မယ်
မျိုးဆက်သစ်တွေ အများကြီးရှိသတဲ့
လှေခွက်ကြီးကျန်ပစေ… အလံမလဲစေရဘူးတဲ့။
ရှိသမျှလဲ… စွန့်ခဲ့ပြီးပြီ…၊ ပိုင်ဆိုင်သမျှလဲ…. လှူခဲ့ပြီးပြီ
ဒါထက်ပို လိုမယ်ဆိုရင် အသက်ကိုလဲ လှူအုံးမတဲ့
အော်…. သားကောင်းတို့မွေးရာမြေမှာပေါ့…..။

အာဏာရူးတဲ့ … စစ်ဘီလူးတွေက
အာဏာသာတည်မြဲမယ်ဆို
သံဃာကိုလဲသတ်မှာပဲ၊ ကျောင်းသားဆိုလည်း အသေပဲတဲ့။
တို့အာဏာဖီဆန်သူမှန်သမျှ
မကြွင်းကျန်စေရ … အကုန်သတ်ကြတဲ့။

စစ်ခွေးတွေရဲ့ဖိနပ်အောက်မှာ
သံဃာနဲ့ကျောင်းသားသွေးတွေ စေးထန်းနေခဲ့ရပြီ။
ပြည်သူတွေ မျက်ရည်ဖြိုင်ဖြိုင်ကျလို့ ဘုရားတနေကြရပြီ။
အံကြိတ်ရင်းတောက်ခတ်သံတွေ
ဗမာတပြည်လုံးမှာ ညံနေခဲ့ရပြီ။

တဆင့်ပြီးတဆင့် လက်ဆင့်ကမ်းခဲ့တဲ့ခွပ်ဒေါင်းအလံ
မိုးယံမှာတစ်ကြောင်းထပ်ပျံနိုင်ဖို့အရေး
ဒို့သွေးကို စတေးဖို့လိုနေပြီ။
မဟုတ်ရင်မခံ … တို့တွန်းလှန်ကြစို့
တို့ရဲ့သွေးကိုရင်းကာ… ဒီမိုကရေစီပန်းချီကားတစ်ချပ်
အပြီးသတ်ရေှးဆွဲရအောင်
ကဲ….. လိုက်မှာလားမိတ်ဆွေ…. စွန့်ရဲရင်ထွက်ခဲ့ပါ။

မေမင်းဆက်

*** *** ***

Email ကနေတဆင့်ရရှိတဲ့ မမေမင်းဆက်ရဲ့ ကဗျာ။


Print this post

0 comments:

ကာရန်မဲ့ အတွေးစများ © 2008 Por *Templates para Você*