Thursday, October 18, 2007

ကိုမင်းကိုနိုင် မွေးနေ့ အမှတ်တရ



မြန်မာနိုင်ငံခေါင်းဆောင်တွေထဲမှာ အမျိုးသားခေါင်းဆောင်ကြိး ဗိုလ်ချုပ်အောင်ဆန်း၊ ချစ်လှစွာသော အန်တီ ဒေါ်အောင်ဆန်းစုကြည် ပြီးရင် ကျွန်မ အလေးစားဆုံးက ကျောင်းသားခေါင်းဆောင် ကိုပေါ် ခေါ် ကိုမင်းကိုနိုင်ပဲ ဖြစ်ပါတယ်။ ဒီနေ့မှာ ကျရောက်တဲ့ သူ့ရဲ့ ၄၅ နှစ်မြောက်မွေးနေ့မှာ (ဆုတောင်းတိုင်းသာ ပြည့်မယ်ဆိုရင်) သူ့ဘ၀တခုလုံး ပေးဆပ်ထားတဲ့ သူချစ်သော တိုင်းပြည်နဲ့လူမျိုးတွေ အမြန်ဆုံး လွတ်မြောက်ပြီး အေးချမ်းသာယာတိုးတက်သော မြန်မာနိုင်ငံတော်ကြီးကို ပိုင်ဆိုင်ရဖို့ ဆန္ဒပြုမိပါတယ်။





ကျွန်မ အလွန် နှစ်သက်မိတဲ့ ကိုမင်းကိုနိုင်ရဲ့ ကဗျာတစ်ပုဒ်ပါ။

သစ္စာ

အမျိုးသားရေးအတွက်
အသက်ပေးသွားသော ရဲဘော်များအား
တိုင်တည်သစ္စာပြုပါ၏။

မပြီးပြတ်သေး တော်လှန်ရေးတွင်
ကျွန်ုပ်၏သွေး မနီသေးလျှင်
အသင်တို့သွေး ပတ်ဖျန်းပေး၍
ရဲဆေးတင်ပေးကြပါလေ။

မပြီးပြတ်သေး တော်လှန်ရေးတွင်
ကျွန်ုပ်ဝိဉာဉ် ကြောက်စိတ်ဝင်၍
မချင့်မရဲ သတ္တိနဲလျှင်
သင်တို့ဝိဉာဉ် ပူးကပ်ဝင်၍
ကျွန်ုပ်အား ထိန်းချုပ်သွားပါလေ။

မပြီးပြတ်သေး တော်လှန်ရေးတွင်
ကျွန်ုပ်သည်ကား
အမျိုးဂုဏ်မောက် သစ္စာဖေါက်ဟု
မထောက်မညှာ ပြုမိပါလျှင်
အသင်တို့၏ မညွှတ်ပြောင်းသော
ခွပ်ဒေါင်းလက်ဖြင့်
ဝိုင်းညှပ်အပစ် ပေးကြပါလေ။

မပြီးပြတ်သေး တော်လှန်ရေးတွင်
ကျွန်ုပ်အသက် လမ်းတ၀က်မှ ပေးဆပ်ရလည်း
လူ့ဘုံလမ်းခွဲ ၀မ်းမနည်းဘဲ
တာဝန်တစ်ရပ် ကျေပြွန်မှတ်၍
ထပ်ဆင့်ပျော်ရွှင် ကျွန်ုပ်ဝိဉာဉ်သည်
ဒေါင်းအလံကိုဆွဲ လေတွင်ဝဲ၍
သင်တို့ရှိရာ ကျွန်ုပ်လာမည်
ရင်ဖွင့်ကြိုဆိုကြပါလေ။

မင်းကိုနိုင်


s0wha1

Print this post

0 comments:

ကာရန်မဲ့ အတွေးစများ © 2008 Por *Templates para Você*